تطبيقات دورة اوت 2016 - الصفحة 11

حياتي كلها امل · 2016-08-08, 19:02

السلام عليكم تقريري لنهار اليوم
الجانب الديني تم والحمدلله
البرنامج اليومي تم والحمد لله عمل مقشر للوجه وماسك من مارك كاليبال
اسنحمام لي واولادي ثم في المساء ذهبت ضيفة

hanamohamed · 2016-08-08, 22:08

السلام عليكم ورحمة الله وبركاته
تقريري لنهار اليوم التنظيف يومي تم والحمد لله + البرنامج اليومي الديني من صلاة و أذكار و قراءة قرآن
ماشاء الله عليكن فكلكن ربات بيوت مميزات و لكن ينقصن شوية التزام و متابعة و الحماس
وبالخطوة سنصل للنتيجة التي نسعى لها بالحهد كل يوم حتى تدخل تطبيقاتنا اليومية في سلوكنا اليومي تصبح عادة فينا وهذا الذي نامل فيه
بارك الله فيك اختي اسيا عن المقتطفات التي وضعتها راني نقرا فيها في مكان الكتاب لان التحميل خسرلي
ليلتكن سعيدة يااحلى لمة

ام متين · 2016-08-09, 08:04

صباحكم طيب مبارك لن شاء الله راكم كامل بالف صحة وعافية
ما شاء الله عليكم راكم ناشطين ربي يبارك في صحتكم ويرزكم كل ما تتمناو
انا كنت غائبة هذو يومين خرجنا الاولاد رحنا شفنا اماكن جديدة ما شفنهش من قبل اكيد الرحلة كانت متعبة لكن الحمد لله رجعنا امس مساء واليوم باذن الله رايحة نعمل تنظيف للبيت ربي يقدرنا جميع
مشكورة اسيا على المقتطفات وانا حريصة على قراءتها

فرحة العمر · 2016-08-09, 12:48

السلام عليكم
الله يبارك راكم قايمين بيها فحلات حاولت نطبق من بعيد وكي نوالف ندخل معاكم مقدرتش معنديش هذيك الحاجة اللي يقلولها الالتزام والله نفسيتي راهي في الحظيظ
ايا ربي يوفقكم مكالاه نقعد ونرسللكم سلبيتي ادعيولي ربي يوفقني ونقدر نلتزم ونحط يومياتي
بالتوفيق للجميع

ام متين · 2016-08-09, 15:47

مساءكم طيب وصح قهوتكم يافراشات اين انتن

فراشات العمر · 2016-08-09, 18:43

السلام عليكم
كيف الحال والاحوال توحشتكم كامل
هنا محمود حبيت نسقسيك انتي هي ام تغاريد راني حاسة انك انتي غيرتي اسمك
واش نقلكم خرجنا كسينا الاولاد وزعمة ريت جلابة سلكناها وما جبناهاش واليوم بكرنا ليها ورحت في اخر لحظة بدلتها كي روحت لقيتها ماتصلحش
طار منها المكتوب ربي يعوضني خير منها
الجانب الديني شوية هجرت وردي واذكار
الجمالي بالكاد نلم شعري
البيتي التنظيف عاونوني باه نحب كوزينتي ونحب ماعني
الصحي الرياضة مانيش ندير ومع السخانة ولاتلي الازمة تاع azm
بيتي مكركب راسا علا عقب ما لقيت منين نبدى

لحن الحياة. · 2016-08-09, 20:01

سلااااااااااااااااااااااااااااااااام
اليوم خدمت كلللللللللش جا الفوندصابل خرررررررررب كلللللللللللش مالا غسلت الثلاجة باش نمتص شحنة الغضب تاع الغبار هههههههههههههههههههههههههههههههههههههههههههههههههه ههه
وعاودت سيقت كلللللللش

mariamalak · 2016-08-09, 20:07

السلام عليكم
ارواحو نقلكم حاااجة
جاونى ضيافى و ما قلتلهمش عذرا على الفوضى
صابونى قاااااااايمة بيها كيما يلزم
ههههه ايلا حبيتو التفاصيل قولولي نكمللكم

لينة71 · 2016-08-09, 20:58

وعليكم السلام يامريم
راني عارفتك شاطرة وفحلة ماشاء الله عليك ربي يحفظك من العين ياربي
ايا صحيتي الحاذكة احكيلها وش درتي يالالة ووذنينا ؤاهي تسرش

mariamalak · 2016-08-09, 22:13

انى جيت
تحضيراتى بدات مالبارح حكمت ورقة و ستيلو و كتبت elmenu تاعي مقبلات بالسومون و الشاركوتري و طماطم و جبن و سلطة فالفيرين بالكروفات و الجبن
و الطبق الرءيسى كوتلات و بروشات مقليين مع خضر منوعة بلاكرام فراش مع بطاطا منوعة و الديسار تيراميسو بالشوكولا
رحت قضيت و جيت خملت قضيانى و عشيتهم و بديت نوجد المقبلات و خبيتهم و مبعد زدت السلطة خلطت كلش فى سلاديي و قليت الكروفات و خبيتهم و الكوتلات عقرتهم و البروشات عمرتهم و خبيتهم وصنعت تيراميسو و رجعت لكوزينتى خملتها و غسلت الماعين و دوشت طليت على الساعة 1 ههههه صليت و رقدت صباح نضت على 8 صليت و ماكييت و لبست و شربت قهوتى و بديت النار تشعل هههه بديت بالدخلة سيقتها و ضربت طلة على البلاكار تاع الدخلة و جبدت البلايغ الي نعطيلهم يلبسوهم و مبعد ماضو بناتى غسلتلهم و مشطتلهم و لبستهم و نقيييت الدوش و بدلت السرابيت و الصابون و مبعد نقيت توالات و عطرتو و رجعت للغرف سقمت الفراشات و سيقتهم و مبعد غسلت الماعين تاع القهوة و سيقت الكوزينة كانت نقية و رجعت للصالون مسحت الطابلة و حطيتها فالوسط و جبدت المخايد تاع الضياف( مع الاولاد راكم عارفين المخايد يلعبو بيهم مخبيا مخايد شابين ) و مسحت لاتيلي و الموبل و رحت لكوزينتى ايه نسيتكم الماعبن جبدتهم فالليل غسلتهم و درتهم تحت المطرح فى شمبرتى و غطيتهم باش ما نبقاش قدامهم نجبد و نحل فالبلاكارات
وصلت 10 بديت نطيب طيبت البروشات و الكوتلات و البطاطا و الخضرة بلاكرام فراش و نحط فى بلا كبييير يدخل للفور و عمرت السلاطة فالكيسان وو حطيت المقبلات فلي بلا تاعهم و طبقت طراشن و حطيت الكيسان و قطعت الخبز
كى جاو رحبت بيهم و دخلتهم حسيت براحة و تفكرت عذرا ضيوفى الاعزاء
قلتلهم مرحبا ضيوفى الاعزاءالبيت نقى الاولاد لابسين ماشطين الماكلة واجدة هههههههه
و راجلي قالي راكى كيما النحلة اليوم لبستى الاصفر و راكى دوري فززز فزززز
فرح و قالي بارك الله فيك

mariamalak · 2016-08-09, 22:30

9

ام متين · 2016-08-10, 07:48

صباح الخيرات لاحلى فراشات يومكم مبارك

احلى قهوة لانشط فراشات

ام متين · 2016-08-10, 07:55

ماريا ملاك ما شاء الله عليك ربي يبارك شاطرة ونص ربي يحفظك ويخليلك عائلتك

لينة71 · 2016-08-10, 11:39

ايه الله يبارك يالالة نعود نعيطلك نحولة ماشاء الله عليك ربي يدومها

مواطنة جزائرية · 2016-08-10, 23:03

سلام فراشاتي الحلوات النشيطات كانت عندي ظروف خلاتني انقطع عن وضع تقريري اليومي و لكن لي عودة ابتداء من الغد