ʚïɞ تطبيقات الفراشات ʚïɞ

[زينب2000]

المشاركة الأصلية كتبت بواسطة om wassim

كتبت رد طويييل و راح ااااه
مساء الخير حبيبتي حبيبة
روتيناتي الثلاثة:
روتين صباح السعادة:

4:00 صلاة الفجر،الورد،الاذكار
4:30 الرجوع للنوم
8:30 الاستيقاظ غسل الوجه بغاسولي اليومي،مكياج خفيف،تسريح شعري
9:00 الافطار و ترتيب المطبخ،،تحضير الغداء
9:45 ايقاظ الاولاد نغسلهم و نبدللهم و نفطرهم ثم الاتجاه للاشغال اليومية
12:00 الغداء و غسل المواعن

روتتين ظهيرة الفلاح:

13:00 صلاة الظهر
13:30 نرقد الاولاد و نرقد شويه
15:00نحضر العشاء قبل ماينوضو الاولاد

روتين مساء الطاقة:

15:45 نحضر قهوة و ساعات ندير حاجة حاجة حلوة
16:00 صلاة العصر
16:30 ندير اي اشغال مثلا نطبق لحوايج او 15 د للاماكن الساخنة
19:30 صلاة المغرب
20:00نتعشاو و نغسل لمواعن و نكنس
21:00 صلاة العشاء ،قراءة قران
21:30 الجلوس مع الزوج و الاولاد
23:00 النوم
ارجو التقييم و المساعدة اذا في اشياء لازم تتغير

أختي ام وسيم الله يبارك عليك بصح قولي لي هل يكفيك الوقت في نصف ساعة للورد و أذكار الصباح مع الفريضة ؟أنا لازمني ساعتين إضافة إلى الحفظ وتلاوة سورة يس و الملكوساعات ساعتين ونصف او ثلاثة يعني نحب نرجع نرقد بصح على 7 او 8 والنهوض من بعد صعب، انا مش متزوجة

[omkamel]

صباحكم فل خياتى الفراشات راكم ناشطين تبارك الرحمان نحييكم ونحيى القائدة حبيبة
اختى حبيبة انا لحد الساعة ما قدرتش ندير جدول ونمشى عليه رانى نتمشى على حسب الظروف وصحتى ونشوف للاطفال ليهم الاولوية الان لانهم يعقبو فى الفروض و الامتحان الاخير ربى ينجحهم بصح رانى معاكم فى التطبيقات
تطبيق المراة ماقمتش بيه صراحة لكنى عدت نشوف فيها خير من بكرى مانشوفش فيهاالا نادرا وعدت كى نوض برك نتهلى فى روحى مباشرة بعد الصلاة كى كنت مفرطة فيها
الحوض رانى نحاول نتهلى فيه قد ماقدرت لانى كى نبدل مجهود من الصباح للليل نطيح دودة ونخليه اللع غالب بصح الصباح نعوضو
اما الدوش والمرحاض اعزكم الله فعدت كل ليلة نغسلهم لانهم مع بعض ونضفهم والصباح غير نعمر الماء ونزيد نعطيهم غسلة خفيفة وزدت شريت بعض ادوات التنضيف اى كانت خاصتنى مازال الشهر الجاى نكمل الى بقاولى
كنت مقررة من قبل عندى عام كل شهر نخطف بالحاجة مثلا الماعن نشرى حاجة او زوج لان خاصينى بزاف حوايج وفى مواد التنضيف نشرى حاجة جديدة كل شهر ونجربها وادوات التنضيف ايضا اما القش للاولاد فخليتو لزوجى حسب قدرت وحسب حاجة الاولاد الضرورية فقط اما الفراشات مازال مالحقتش دالتهم لضرك لانى مخصوصة بزاف خاصة للستقبال الضيوف ماعنديش حاجة مليحة حوايجى قدم ومستعملين رانى نحاول نعملهم ميزانية بالعقل نجيب فراشات لبيت بناتى هى شبه صالة فى النهار وهى بؤرة االاعصار فى دارى تحتاج بزاف عمل وفريز وتنضيف بنياتى الكبار يسيقوها كل جمعة اوخميس ما نفورصيهمش برنامجهم مقفول
اما مصاريف الطبيب فكانت للاطفال خاصة اهذى المرة راح نعالج انا ودارلى ميزانية للزاناليز والراديوات والدواء ربى يشفينا ويقوينا صدقينى اختى حبيبة هذى الدورة علمتنى نتهلى فى صحتى وما نقتلش روحى كيما موالفا رانى نحاول ندير برنامج تقريبى انشاء الله قريبا

[طالبة الجامعة]

السلام عليكم يا فراشات راكم ناشطين تبارك الرحمان
صح ملي دخلت لهذي الدورة تعلمت بزاااااااااااااااااااااااااااااف امور منها تلميع الحوض العناية بالجانب الجمالي لذاتي قراءة كتاب كل اسبوع تبريد الاماكن الساخنة (كيما البارح طبقت الخزانة تاع البنات) وضع برنامج يومي

[om wassim]

اختي زينب الصلاة و الاذكار مايخذوش زقت كبير
و اما قراءة القران كل مرة كيفاش وحد الوقت كنت يوميا نقرا سورة البقرة بعد الفجر كانت تاخذ وقت
اما الحفظ نحفظ فالنهار و بعد الفجر نعمل مراجعة فقط
و اوقات نعمل مراجعة واش حفظت فالصلاة يعني نصلي باش حفظت باش ماننساش
و ربي يقدرك و يقدرنا و يرزقك وليد لحلال لي يكون صالح يارب

[زهرة الريف*]

كل مااريد وضع صور تطبيقاتي يصادفني مشكل الصور

[زهرة الريف*]

خاص بالملابس السوداء
سؤال أخواتي كيف أعدل الصور من الطابلات

[حسناء القمر]

مساء الخيرات على احلى بنات

[ام اكرم31]

السلام السلام عليكم حبيباتي الفراشات انا نجاة54 لقد قمت بتغيير الاسم الى ام اكرم31
جداول روتيني اليومي هو كالتالي

[ام اكرم31]

روتين الضهيرة



[IMG]
[/IMG]

[oumdjana]

Salem alikoum nsaa fahlet aw farachet w yarakat yaatikoum saha rabi yhanikoum rani mtabaatkoum men awal ana oum djana bla mananssa habibat el djamahir habibat el koul habiba rabi ykhalik raki radjaati impossible possible merciiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiiiii

[ام اكرم31]

روتين المساء


انا انتضر ملاحضلتكم بفارغ الصبر

[TASSIN]

شكور على مجهوداتك واصل تألقك

[حبيييبة]

صباح الخير حبوباتي الشاطرات
هاذي تصبيحتي عليكم اليوم حبيبات قلبي

احتفظوا بهم على الكمبيوتر
و انسخوهم و علقوهم امامكم في المطبخ
هذا روتين حياتكم بان الله

(عن نفسي طبعتها على ورق الصور عند الفوتوغراف
يعني استخرجتها كصورة حجمها 30سم /40سم)

[أمة الله 84]

حبيبتي حبيبية متتصوريش قداه فرحت كي شفت روتينات مكتوبين بهذيك الطريقة برك الله فيك صدقيني كنت متدبدبة جدا في تلك الروتينات لكن وعدت نفسي من هذه اللحظة أني ب

بإذن الله نحافظ على هذا الروتين بكل ما أستطيع و راح اليوم ننسخ و نطبع إن شاء الله ونحط في المطبخ
جزاك الله عنا كل الخير بوركتي بارك الله فيك

[نجوىعادل]

شكراااااااااااااااااااااااااااااا