طفلة تكتب وصية قبل وفاتها بمرض السرطان

[محمد...عبد النور]

السلام عليكم أختي اميرة الشرق
الله المستعان ،و الله أغلب المستشفيات راهم هاك تقولي راكي تطلبي من عندهم
الحاجة التالية ما يديروهاش كل شيئ بالعرف و الدوا مكاش و لازم اهل المريض يوقفوا معاك
فلو ترك و حيدا و الله مكان اللي يداويه و هو داخل السبيطار
الناس لاهيا مع لاباي و الخلصة و الاضرابات
تركوا واجبهم و بغاو يريحوا ، عليها بلادنا خلات
و القلوب ما بقاش فيها خوف ربي
مرة أختي المتزوجة كانت على وشك الولادة و كانت بصحة جيدة و الجنين حي في بطنها لكت اثناء الولادة توفي و هي نقلت لمستشفى آخر
السبب لا ندريه و زيدي الاجراءات التعسفية اللي عندوا العرف يدخل و اللي ما عندوش راه يستنى ، الواحد كان في ذاك الوقت ساكت لكن دركا تعلمت بلي الشخص كان ما يديرش الفوضى ما يديش حقوا و هكذا راني نمشي
الناس راهم يتاجروا في صحتنا و يديروا في المصالح ناعهم و الشعب البسيط يعاني
لكن لكل أجل كتاب
لو نسكتوا ياكلونا و لو نتركوهالهم يدوها
اذن ندوا حقنا و نتصرفوا فيه و لو نحرقوه و ما نعطوهش لشخص ما يستاهلش
ربي يبارك فيك على الموضوع و ربي يشفي كل مريض و يرحم جميع المسلمين
ســــــــــــــــــــــــــــــــــــــلام