الغااااز شعبية هيا ادخلوا :)

[maymay]

راني راح نحاول بصح ماتضحكيش على الاجابات تاعي




السلام عليكم
اليوم جيتكم بمجموعة من الالغاز توارثتها عائلتنا ابا عن جد مانطولش عليكم نتمنى يعجبوكم
اللغز الاول :
سطيلة قد الكف تهز مئة و الف

الرمانة

اللغز الثاني :
سنسلة في سنسلة و يا احمد الخنصلة فيها بوك و فيها خوك وفيها سلطان الملوك
شجرة العائلة؟؟؟؟

اللغز الثالث :
نانا "الجدة" فالغار تبيع الفلفل الحار للاولاد الصغار
النملة :d

اللغز الرابع :
سيدي عبد الصمد شاف شوفة و قالهم عندكم لا تكذبوني شفت الارنب تاكل فالصيد و لا كذبت قطعولي زنودي

هادا ماعرفتوش

اللغز الخامس :
سيدي عبد الصمد جا للطريق و رقد قالهم باعدوني لا نضرب حد
:d
الدودانة
اللغز السادس :
كبشنا الرعراع دهم الجبال و راح

السحاب
اللغز السابع :
تبدا بالسين ماهي سنسلة ماهي سكين
السنين(الاسنان):d
اللغز الثامن :
هاهي و هاهي بنت الريم حيزية الرجلين محنيين و الرقبة حسينية
ما عندي فكرة
اللغز التاسع :
هايشة في جبل طايشة عندها فمين و 14 عين

وهادي حشرة و لا واش؟؟؟:d
اللغز العاشر :
بقرتنا الدمسة في كرشها خمسة
لااااااا ادري




ان شاء الله نكون جبت شوي صحيح