ربي يستركم عاونوني

[ريحان الجزائر]

السلام عليكم و رحمة الله و بركاته الله يشفي الوالدة تاعك و يوفقك في الدراسة تاعك أختي
الصلاة لما يأذن أستغفري و قومي أتوضاي و صلي حتى و إن رجعتي من المدرسة غيري ملابسك و توضاي و صلي قبل أي شيء لأنها هي التي تقربك من الله و ترضي الله عليك و والديك لأنها كلها دعاء و أثناء الصلاة خلي دعائك لوادليك و نجاحك يعني أطلبي ربي سبحانوا يشفيلك الوالدة تاعك و يحفظها هي و الوالد تاعك و ادعي ربي يوفقك و يسهلك في الحفظ و كل شي أي حاجة تجي في بالك أدعيها لأن ربي سبحانوا يقول ادعوني أستجب لكم و الأشياء الأخرى عندها وقتها انت الآن مقبلة على شهادة الباكالوريا و الوالدة تاعك متمنيا أنك تنجحي و تشوفك فرحانة مالا حاولي جااااااااااااااهدة أنك تحققيلها الأمنية تاعها و الوقت بقي منه إلا القليل أمالا حزمي روحك وبداي و توكلي على ربي سبحانو في كل حاجة رايحة ديريها و كوني متيقنة بأنه لن يضيعك و الدراسة خصصيلها وقت و حتى الحفظ حاولي أنك تقسمي وقتك بين المواد و لما تشوفي روحك كرهتي روحي كولي حاجة ولا دوشي و لا أخرجي 5 دقائق ورجعي و لا تفرجي حاجة خفيفة المهم تريحي مخك شوية و عاوي ولي تقراي لأنه أي دقيقة تروحلك رايحة تندمي عليها كذلك روحي للوالدة تاعك أقعدي معاها شوية بوسيلها يديها و راسها و احكي معاها شوية وقوليلها تدعيلك و بإذن الله تنجحي كوني برك جادة في الدراسة و الحاجة لي ماتعرفيهاش حاولي أنك تولي تعرفيها و رضى الوالدين يلعب دور كبير في النجاح تاعك يا أختي مالا حاولي أنك دائما تكوني مرضيا عليك والديك و بإذن الله التوفيق يكون من العلي القدير
الله ينجحك أختي و يشفي الوالدة تاعك