موضوع جذيذ

[hakim3148]

مساء الخيراختي ام مارية اسفة على الرد المتاخر والسبب راه في النتلانت لرااهي عيانة هذه الايام وحتى الميكرو راه معمر فيروس بسيف باش يمشي المهم بالنسبة لاولادي عندي 5بسلامتهم ولد و4بنات هما ما يتشرطوش اما ولدي مايحبش المعجنات وميحبش الشوربة وزوجي يبغي lلي بلا في الفرن اما عن المصروف مانعرفش نتصرف نهار نشري حوالي 100ال150الف بلاما ندير عشا مليح وكل يوم حاصلة دبري عليا مصروف شهر باكلاتوا ما يتجاوزش 2مليون حيث شهرية زوجي ماتتعداش 3مليون حبيت نقتصد بلاما نحرمهم هيا وريلي شطارتك

[هبة الكوثر]

المشاركة الأصلية كتبت بواسطة hakim3148

مساء الخيراختي ام مارية اسفة على الرد المتاخر والسبب راه في النتلانت لرااهي عيانة هذه الايام وحتى الميكرو راه معمر فيروس بسيف باش يمشي المهم بالنسبة لاولادي عندي 5بسلامتهم ولد و4بنات هما ما يتشرطوش اما ولدي مايحبش المعجنات وميحبش الشوربة وزوجي يبغي lلي بلا في الفرن اما عن المصروف مانعرفش نتصرف نهار نشري حوالي 100ال150الف بلاما ندير عشا مليح وكل يوم حاصلة دبري عليا مصروف شهر باكلاتوا ما يتجاوزش 2مليون حيث شهرية زوجي ماتتعداش 3مليون حبيت نقتصد بلاما نحرمهم هيا وريلي شطارتك

احكمي مليون اقسميها على 5 اسابيع تطيحك كل اسبوع 2000 الف واحكمي 500 الف روحي اشري قيص 100 الف لحم كونجيلي و 100 الف حوت و 100 الف لحم مرحي و100 الف اشري شوية خضروات واقصميهم في ساشيات ديري موني تاعك بحيث انك في الاسبوع يكون عندك يوم تطيبي فيهم معجنات ويوم تطيبي فيهم الحساء ويوم تطيبي فيه البقوليات منهار تديري فيه حوت ونهار تاع لاغراتان ونهار سبيسيال ماكلة بنينة شطاطح مثلا وكي تديري هادوك الماكلات لي ماتعجبهمش زيدي ديري غراتانتاع البطاطا بالحليب والفرماج ولا غراتان تاع البدنجان ولا شلايظ وحطي 200 الف تاع الخبز تاع كل يوم لمدة شهر صدقيني تلقاي روحك موفرة ملين في جيهة ماتمستش وهادوك الاظرفة رايحة تلقي فيهم دراهم ماتمستش وديري شهر خبي فيهم دراهم الماء والتريسيتي
هده مجرد راي ان شاء الله نكون عاونتك اختي والاسبوع الخامس على اساس انها ممكن تطول لاباي ولا كاش مايصرا بعيد الشر للطوارئ

[hakim3148]

صباح الخير خياتي وحباباتي نسيت ما قتلكش يا اختي ام مارية انه زوجي شارط عليا كل خميس جاجة محمر يعني عشا مليح وزيد ياخذ كل اسبوع 100الف مصروفو تاع دخان وقهاوي وزيد عندي بنتي نور البارح كان عندها عام يعني عيد ميلادها نشريلها علبة ليكوش كبيرة130الف والحليب والمشكلة الكبيرة ه الايام مرضنا والسبب الماء ملوث بدينا نشرو افري كل يوم فاردوا وهدا ما زادة الطين بلة
زيدي فيديني بافكار اخرى حسب التوضيحات الجديدة والسؤال لك كذلك يا ام دودة

[نيفرتيتي.]

المشاركة الأصلية كتبت بواسطة hakim3148

صباح الخير خياتي وحباباتي نسيت ما قتلكش يا اختي ام مارية انه زوجي شارط عليا كل خميس جاجة محمر يعني عشا مليح وزيد ياخذ كل اسبوع 100الف مصروفو تاع دخان وقهاوي وزيد عندي بنتي نور البارح كان عندها عام يعني عيد ميلادها نشريلها علبة ليكوش كبيرة130الف والحليب والمشكلة الكبيرة ه الايام مرضنا والسبب الماء ملوث بدينا نشرو افري كل يوم فاردوا وهدا ما زادة الطين بلة
زيدي فيديني بافكار اخرى حسب التوضيحات الجديدة والسؤال لك كذلك يا ام دودة

عيد ميلاد سعيد لبنتك نور
الحليب والكوش مافيهم حتى توفير وبالاخص عام كازال ماتفهمش والالي عنده طريقة انه تنحي الكوش من درك قادر ينفعك لانه بنت عمي العام اللي فات لقيتها منحية الكوش لولدها وهو عنده عام

[hakim3148]

الله يسلمك اختي ام دودة صعيب نحيلها الكوش صغيرة وماهيش جايبة روحها تقول عندها 7اشهر والمشية ومازال هذا وين راهي تقيص الخطوة وتطيح واش ما قلتليش تدابيرك حول الاقتصاد البيتي وبما انه عندك تجاربه كثيرة مع الضيوف هيا قولينا واش تطيبيلهم وكيفاش تقتصدي يعني تضيفي الضيف باقل تكلفة اه بالمناسبة راهم جاييني ضياف رجال صحاب زوجي وراني حايرة واش نطيب معناه عشا كلاس لانهم من طبقة شوية عالية مدراء ومسؤولين وواش من حلوة بينة نقدر نوجدها من اقتراحك قبل ما ننسى بما انك رايحة ترحلي علاش ماتبيغيش قشك اثاثك ومين ترحلي بهذوك الدراهم تشري وحداخرين جدد مودال جدد من جها تجددي ومن جهة تنقصي على روحك كرية الكاميوا تاع القش

[نيفرتيتي.]

المشاركة الأصلية كتبت بواسطة hakim3148

الله يسلمك اختي ام دودة صعيب نحيلها الكوش صغيرة وماهيش جايبة روحها تقول عندها 7اشهر والمشية ومازال هذا وين راهي تقيص الخطوة وتطيح واش ما قلتليش تدابيرك حول الاقتصاد البيتي وبما انه عندك تجاربه كثيرة مع الضيوف هيا قولينا واش تطيبيلهم وكيفاش تقتصدي يعني تضيفي الضيف باقل تكلفة اه بالمناسبة راهم جاييني ضياف رجال صحاب زوجي وراني حايرة واش نطيب معناه عشا كلاس لانهم من طبقة شوية عالية مدراء ومسؤولين وواش من حلوة بينة نقدر نوجدها من اقتراحك قبل ما ننسى بما انك رايحة ترحلي علاش ماتبيغيش قشك اثاثك ومين ترحلي بهذوك الدراهم تشري وحداخرين جدد مودال جدد من جها تجددي ومن جهة تنقصي على روحك كرية الكاميوا تاع القش

اختي ام مصطفى مشكورة على الرد
فيما يخص الكوش لبنتك هذا مجرد اقتراح قلت بالاك تقدري انا ولدي عنده عامين عندي سمانة ملي نحيتهولو وحدة وقت القايلة وحدة في الليل ولونها كيفكيف زوج حبات في النهار لكن احسن العام الماضي عندي بنت عمي لدها والد مع ولدي كي رحتلها العام اللي فات لقيتها منحيتلو الكوش يعني عنده عام قلتلها كيفا قالتلي والفته بصح انا ماقدرتش ثان عندي صحبتي ولدها نحتلو الكوش في عام
فيما يخص اني نبيع القش كي نجي راحلة انا خممت هكا بصح الناس اللي باعت كامل خسرت في لافار وندمت انا علاه مانيش حابة نبيع تبعي معايا علاه وبعد قوليلي رايك وانا رايكم يهمني
شريت الكليماتيزور ب4ملاين ومائتين وكون نبيعه راح نبيعه 2ملاين ومايجيبليش لانه يقلك نزيد عليه 800 الف ونشري واحد جديد وتاعي من النوعية الباهية
شريت الثلاجة ب3ملاين وستمئة كون نبيعها نبيعها 2ملاين ولا اقل وهي مازالت جديدة ثان عندي بلازما مانقدرش نبيعها شريتها 3 ملاين ونص يشروها 2ملاين على الاقل عندي التليفزيون تاع ولدي راح نبيعه بالخسارة
ثان عندي صالون ماروكان زوج كانبيات شريتهم باكثر من 900 الف والغطاوات تاع المطارح بالمخاد والزرابى والفور والريشو تاع الكوزينا والماعن واهم حاجة الميكرو ماهوش بورتابل بالتابلة شريتو 4ملاين كون نبيعو بقداه
وانا درك كي لميت اللبسة تاع الشتا تاعي ةتاع ولادي فيلي وتاع راجلي كابا كبيرة وتاع الدراوات والريدووات كابا كبيرة بلا قشنا تاع الصيف وعندي قريب عشرة زور بالكواتات بلا الحوايج اللرني ناسيتهم ثان عندي ولدي دايرتله شمبرة كلش سبايدرمان من لي كوات للتابي للبورت جووي للخزانة تاع القش كلش شكون راح يشري هكا والماشينة تاع القش
النا سكي يشرو غير الحاجة المحتمة بلا الحويج الي ناسيتهم
واحنا درك دبرنا كرية ب4ملاين يعني الي راح نخسرو في الثلاجة والمكيف والميكرو نكري بيه وتجيني الخسارة اقل كون نبيع نخسر اكثر من 4ملاين
القش برك لازماتو كاميو لاني مانقدرش نبيعو مالا نكري خير
اما انه نشري حوايج جدد انا راني نتنقل ساعات كل عام ولا كل 3سنين ولا4 النهار اللي نستقر نشري كلش جديد وهذا القش نديرو تاع رحلة حتى كان تكسر ولا فسد مايغيضش
والناس اللي معايا عايشين بزوج مطارح وحصيرة وتليفزيون برك
اما انا مانقدرش نعيش صغري هكا وقتاه نتمتع ونزين ونبدلالديكور كي نكبر لا
واش رايكم
اما فيما يخص العرضة تاع صحاب راجلك عليك بام رامي واحلى الاطباق تاعها ديريها في موضوع خاص واكتبي الى ام رامي وهي تنصحك
انا الاسبوع اللي فات جاب راجلي صحابه مادرتلهمش حوايج فخمة لانها على غفلة وكان ماعندناش الدراهم درت غير بواش عندي
درت شربة فريك باللحم كان في الفريجيدير وكانت عندي ملوخية في الكونجيلاتير كان تعرفيها بيها باللحم درتها اصلا وخبيتها عل ضيف يجيني على غفلة ودرت طاجين جلبانة فورت الجلبانة وبعد زدتلها الروز والتون والزيتون الاسود والاخضر والفرماج والبيض ودرتهم في الفور وبعد قلبتها وزينتها كيما زينت ام رامي مقلوبة المرقاز بالبطاطا والفرماج ودرت كسرة رخساس ومطلوعة وسلاطة درت ماسيدوان وجزر وخيار وزيتون اسود واخضر وربيت فوقها حبة بيض وديسار وقازوز
بصح انت ننصحك بام رامي

[ام مرية]

المشاركة الأصلية كتبت بواسطة hakim3148

صباح الخير خياتي وحباباتي نسيت ما قتلكش يا اختي ام مارية انه زوجي شارط عليا كل خميس جاجة محمر يعني عشا مليح وزيد ياخذ كل اسبوع 100الف مصروفو تاع دخان وقهاوي وزيد عندي بنتي نور البارح كان عندها عام يعني عيد ميلادها نشريلها علبة ليكوش كبيرة130الف والحليب والمشكلة الكبيرة ه الايام مرضنا والسبب الماء ملوث بدينا نشرو افري كل يوم فاردوا وهدا ما زادة الطين بلة
زيدي فيديني بافكار اخرى حسب التوضيحات الجديدة والسؤال لك كذلك يا ام دودة

يا اختي راكم عايشين بذخ في الوقت الي رانا فيه لازم تديرو لزمان عقوبة
انا كنت راح نمدلك جدولي انا ولكن بدلت رايي كي شفت ضروفك
اختي احكمي الشهرية كل راس شهر واعملي اضرفة وحطي كل مبلغ في ضرف اي مبلغ نتاع الكهرباء في ضرف مغلق حتى ومازال وقتها ما تصرفيهش
مبلغ خلاص الماء وهكذا كل الالتزامات المالية تعمليلها ضرف وتحطي فيه المبلغ المستحق والي يبقى اقسميه
1 مبلغ للطوارئ حطيه بجية ما تصرفيهش تحت اي ضرف الى للضرورة
والباقي اعملي ليستة بلوازم القضيان نتاع الشهر ما تبخلي على ولادك ما تبذري اقضي قيس
راجلك جاجة محمرة كل اسبوع بزاف اعملوها كل اسبوعين وانا نفضل انك تعمليها كل شهر عشاء مرتب من مجميعو وفي الايام الاخرى هاديك الجاجة اعمليها على قداش من يوم
بنياتك راهم يكبرو لازمك تدخريلهم شوية اعمليلهم شحيحة يطمو فيها
وليدك فشيه صح ولكن مالزامش يتجاوز الذكر صعيب الى دللتيه لازم تزيريه
الماء ما تشري ما والو غليه مليح وخليه ينزل بعد ذلك عمريه في القراعي وخلي الشوائب الي نزلت منو ارميها
ليكوش والحليب ما نقدروش نقتصدو فيهم ولكن الحليب نتاع لويا يوالم بنتك راهي كبيرة
وليكوش زيديلها شوية حتى ل أوت ونحيهملها خلاص عام بزاف لازم تتعلم تخرج للفيسي حشاكم
الدخان لازم يبطلو راجلك اولا حرام ثانيا راه يعري
قوليلي على قضيانك واش تقضي كامل بالاك نلقاولك حل

[مريم سلسبيل]

كيف حالكم ياخواتي خاصة ام دودة اناحبيت نعرف من اي جهة انت قريت واش كتبت على هذيك مانعرف واش اسمها للي قلقتك ال المهم كل واحد يعمل باصله ياريت تديرونا فكرتكم على التوابل نتاع المرقة البيضلء والحمراء زيدي خبريني وين راكي راحلة

[ام انيس2]

المشاركة الأصلية كتبت بواسطة هبة الكوثر

احكمي مليون اقسميها على 5 اسابيع تطيحك كل اسبوع 2000 الف واحكمي 500 الف روحي اشري قيص 100 الف لحم كونجيلي و 100 الف حوت و 100 الف لحم مرحي و100 الف اشري شوية خضروات واقصميهم في ساشيات ديري موني تاعك بحيث انك في الاسبوع يكون عندك يوم تطيبي فيهم معجنات ويوم تطيبي فيهم الحساء ويوم تطيبي فيه البقوليات منهار تديري فيه حوت ونهار تاع لاغراتان ونهار سبيسيال ماكلة بنينة شطاطح مثلا وكي تديري هادوك الماكلات لي ماتعجبهمش زيدي ديري غراتانتاع البطاطا بالحليب والفرماج ولا غراتان تاع البدنجان ولا شلايظ وحطي 200 الف تاع الخبز تاع كل يوم لمدة شهر صدقيني تلقاي روحك موفرة ملين في جيهة ماتمستش وهادوك الاظرفة رايحة تلقي فيهم دراهم ماتمستش وديري شهر خبي فيهم دراهم الماء والتريسيتي
هده مجرد راي ان شاء الله نكون عاونتك اختي والاسبوع الخامس على اساس انها ممكن تطول لاباي ولا كاش مايصرا بعيد الشر للطوارئ

بارك الله فيك اختي الكريمة ربي يعطيك على قد نيتك
عجبني الرد تاعك وراني رايحة نجرب طريقتك لاني والله حاصلة في المصروف هههههه