تطبيقي وصفتين للاخت ام راضية وطبقين من اعدادي

[linat]

بارك الله فيك
yarit goulili kifehe daryi flan et salade jate raw3at
mercie

[khouloud 27]

المشاركة الأصلية كتبت بواسطة linat

بارك الله فيك
yarit goulili kifehe daryi flan et salade jate raw3at
mercie

شكرااااااااااااا لينا ربي يخليك
الفلون تاع طبقات يمكن ماراهش باين مليح
فيه طبقة تاع ليم و ثانية شوكولا والثالثة فاني
تاع الفاني درت فيها
2كيسان حليب و4مغارف نشاء و4 مغارف سكر وزوج فاني خلطي كلش بارد في بارد ومن بعد ديريه على النار وكملي في التخلاط حتى يثقال ديريه في المول
وزيدي الطبقة الثانية وفيها تاني 2كيسان حليب و4 مغارف نشاء و2 سكر خلطي بارد في بارد وزيدي 2 شيكولا تاع مينا الصغيرة وحركي حتى يثقال وفرغيه فوق تاع الفاني والطبقة الثالثة ديري كاس عصير الليمون والكاس زاوج ديري خليط بين عصير الليمون وعصير البرتقال والماء وادا ماكانش البرتقال اكتفي بالليمون والماء وديري 4 مغارف نشاء والسكر على حسب ممكن 5 مغارف وممكن اكتر شوفي انتي شعال تبغي الحموضة وحركي تاني بارد في بارد ومن بعد حطيه فوق النار حتى يثقال فرغيه فوق تاع الشوكولا ودخليه الثلاجة يبرد والديكور على حسب الذوق
اما السلطة هي عادية درت روز مع تونا ومايوناز والماييس في الوسط
والفكرة الجديدة هي البيض غليتو وقسمتو بين زوج على العرض فرغتو من الصفار
ومن بعد هاداك الصفار خلطتو مع مايوناز والتونا وعاودت عمرت البيض وحكيت من الفوق الكاشير و زوقتو بالزيتون الاسود
ان شاء الله تكوني فهمتي الخطوات وصدقيني الفلون مجرباتو 200 مرة ويخرج هاااااااااايل ان شاء الله تجربيه ويعجبك
شكرا على الاهتمام
وان شاء الله رايحة نحط وصفة الفلون في موضوع خاص باش الكل يستفادو منو