الملوخية التونسية على أصولها ..... لعيون أختي لبنى

[أنا أمهم]

المشاركة الأصلية كتبت بواسطة بنت مسلمة

بارك الله فيك اختي على الوصفة

انا قسنطينية و نعرفها و تتباع عندنا و الكثير من العائلات ياكلوها

اما انا فدقتها مرة واحدة في حياتي من عند جارة اختي و هي تونسية ربي يرحمها

ذقتها منذ حوالي 20 سنة حنا في دارنا ما نديروهاش و كذلك اهل زوجي

ولكن مذاقها مازال في مخيلتي و موضوعك شجعني على ان اجربها و لكن بكمية اقل

و نهار نديرها ندير معها اكلة اخرى لانني اخاف الا تعجب اسرتي "و نضيعهم شر" ههههههههه

ادعيلي اختي تصلح لي لان طيابها معقد نوعا ما

و اذا امكن بعض التفاصيل التي يمكن ان تفيدني في تحضيرها لاول مرة

و شكررررا جزيلا لك

مرحبا بيك أختي
شوفي نصيحتي ليك اتقيدي بالمقادير و الطريقة اللي حطيتها و ان شاء الله تنجحلك , انت تشجعي و جربي , هي تظهرلك صعيبة اما و الله راهي سااااااااااااااااااااااااهلة برشة , المهم حضري كل شي قبل ما تبدي الطبخ باش ما تنسيش المكونات.
و إذا اللحم عندكم غالي و تخافي لا تخسريه, جربيها أول مرة بلحم الدجاج العربي اللي يكون كبير في العمر (شارف) خاطر وقت الطياب 3 ساعات و لازم لحم يستحمل كل هذا الوقت.
و نصيحتي ليك انك ما تكثريش الملح لأنها حساسة للملح أي زيادة تظهر فيها!!! كيما قلتلك اتقيدي بالمقادير خاصة انهم بالصور .
و النار من متوسطة للخفيفة يعني نار هادية , يعني حطيها مع 9 متاع الصباح تحضرلك نصف النهار الساعة 12 ,

و بالطبع اطبخي معاها أكلة أخرى , احنا ما نحطوهاش طبق رئيسي خاطر قوية شوية , يعني كل نهار نخرجو منها صحن من الثلاجة مع الأكلة الرئيسية.

جربيها و رديلي الخبر , ان شاء الله تفرحي و تفرحيني