يا لطيف ....من قيادات l'UNPEF...الحسد أعمى ..أبصارهم...!!!

[azzouz_nour]

المشاركة الأصلية كتبت بواسطة hocine1994

لأن المدير في مستوى اعلى من الأستاذ المكون مهنيا واداريا وتربويا حتى تصل الى مدير يجب على الاستاذ ان يجتاز مسابقة مرتين او ثلاث على الأقل حتى تنجح فيها ثم تكوين لمدة سنة ثم تعمل سنتين او ثلاث بعيدا عن مقر سكنك في ولاية اخرى وتتحمل كل المسؤوليات الادارية والتربوية والمالية و هذا لايستطيع عليه كل استاذ طبعا

ما زلت تصحح في وجهك درك نقولك اكثر
المدير خير من الأستاذ بالخدمة نتاعو الصعيبة يعمر لكواغط بالكذب ( كلها أعداد)
المدير مستواه اكثر من الأستاذ في الماكلة نتاع التلاميذ
المدير الافضل من الأستاذ يغيب و واحد ما ينحيله النهار ياكل الحرام
المدير خير من الأستاذ يتفاهم مع الممونين و يغل
المدير كي ما قدرش يقري ( الولاد) يقدر على اللي يقريو ( الأساتذة)
المدير خير كي يروح لاكاديي يحط يداه وراه واقف قدام كاتب في الصنف 7 أو 8
المدير خير يدي الكاغط من المؤسسة لولاده في الدار يقراو بيه
المدير خير يمرض و ما يدفعش المالادي
المدير خير يتغذى باطل مع المفتش و خلافو ( للأمانة شفت مدير حرم على روحو الماكلة دي الليسي كي تتحتم عليه يتغذى مع المفتشين يسلك غذاه عند المقتصد و يدفع التيكي في المطعم)
المدير خير يقسم الخدمة مع الناظر او المراقب العام و يخدموا بالدالة
المدير خير يبع الكتابات و يقول مديتهوم باطل للفقراء
المدير خير كي تفضال السلعة في المخرن يديها للدار
المدير خير يقراو اولادو بالأنترنت نتاع المؤسسة

او مازال كرهت برك

خلي نكمل بالأستاذ
الأستاذ عر على المدير ما يسكنش باطل
الأستاذ عر ما يقدرش ياكل في المطعم
الأستاذ عر كي يغيب يتنحالو النهار
الأستاذ عر واحد ما يقدر يخدملوا خدمتوا كي يغيب ما يقراوش الولاد
الأستاذ عر على المدير يشري الكاغط و الستيلاوات من جيبو
الأستاذ عر يخدم بالليل مع الورق و النهار مع الدراري

كاين ثاني الأستاذ اللي يسرق 5 دقايق و 10 المدير يسرق بالنص نهار

المرة الجاية نزيد اكثر

الأستاذ