ورشة انجاز تروسو سموكس

[chiraz16]

المشاركة الأصلية كتبت بواسطة حراوية وافتخر

خسارة عليك حنونتي راضية تشوفي القعدة وتجوزي طريق انت ماشي ديال العرضة مرحبا بيك وبكل البنات معانا ولا واش قولتي شراز
اااااااه متنسايش تجبي الحلوي ديال البارح باش تكمل القعدة زين خاصة من تحت يديك وراهي دعوة مفتوحة هههههههههه
وعليك افضل صلاة وسلام عليك يارسول الله صلى الله عليه وسلم


اهلين حبيبتي صحراوية انشاء الله نديرو قعدة وتكون بالحلوى ونعرضو قاع لحباب ونديرلكم وحد الحلوى ماتنساوهاش ههه راكي ماشفتيش حلوتي شوفيها ورجعيلي الخبر هههههههههه وفعرسك انشاء الله حلوتك انا الي نخدمهالك بربي اعرضيني برك ومرحبا بالاخت راضية بيناتنا يخي صافية بيناتنا راني رديت عليك انشاء الله تقرائي ردي وتفهمي مقصودي
قتلك انشاء الله كي اليوم تصيبيني عندك يخي تخدمي غير مقابل لاقغوند بوست ماراكيش بعيدة انا كنت نخدم صحفية بجريدة الاحرار مقابلة البوصطة غير الجبال الي مايتلاقاوش هههههههههه

المشاركة الأصلية كتبت بواسطة لآلئ

السلام عليكم حبيباتي كي راكم ان شاء الله بخير
واش نقلكم اول حاجة
الدنيا اذواق
ممكن حاجة تعجبني انا وما تعجبش غيري
لذا لازم كل وحدة فينا تكون متاكدة انه النقد دايما فيها فيها سلبي او ايجابي
وانا نقلكم في اي عمل ندخل فيه باش نضيف حاجة جديدة لداري
واللي يخليني ندخل لهذه الدورات هو للزيادة من الحماس مع كل حبيباتي في الله
بلا ما نعرفو بعضانا ولا وجوه بعضانا
مبصح جمعتنا الهواية وحب الترفيه على النفس
بلا ما نكثر عليكم هذا واش حبيت نقلكم
........................
................
.........
....
واليكم الكوفرلي نتاعي
بالسيف صورتو بنتي من اللي حطيتو
وهي تتكربص فوقو هي والبالون نتاعها
قداه من تصويرة تروح هكذاك
[img][/img]
[img][/img]
[img][/img]
[img][/img]

ان شاء الله يعجبكم
انا عجبني اخر
حبوبتي نقلك جاني juste juste
كون زدت فيه صف ياسمينة راه جاني صغير

حبيبتي لالي ماشاء الله الكوفرولي عجبني بزاف الله يبارك ويزيد مزال كي يطلع سور راح يكون يهبل تفرشيه بالصحة والهناء سوغتو كي جاء ابيض زاد عجبني
وبالنسبة لكلامك عندك الحق ماشي واش يعجبني لازم يعجب الناس بصح الحاجة المتقونة والشابة تبان وايدا قصدك كلامي لاختي صحراوية على تعليقها على عملي انا زعفت كي قالتهولي في وقت كنت قريت اراء العضوات وزعفت لدرجة ماتقدريش تتصوريها المهم راهي صفات القلوب وسلام

المشاركة الأصلية كتبت بواسطة batoul2000

سلااااااااااااااااام للجميع................قاع لبناااااااااااااااااات........كل وحدة باسمهاااااااااااااااااااااااااااااا
و ان شاء الله ما كاين والوا بين الاختين الرائعتين حراوية و شيراااز الحلوة........اوكي........

اهلين حبيبتي باتول انتي الاحلى الحمد لله لحظة غضب وراحت بصح حبيبتي صحراوية ماردتش علي واقيل مزالها زعفانة هههه

المشاركة الأصلية كتبت بواسطة fifiarch

مسااااااااااااااااء الخير بنات

والله المشكلة لي صارت
مافهمت واش نقلكم عليها
سوء تفاهم تطور الى حرب بين الاخوات

نتمنى كل وحدة تصفي قلبها
كامل عندنا ظروف
وكامل تعبانين
وحنا هنا باه نعاونو بعض

ماكلاه اي وحدة تقول راهم قاصديني
كاد الاستاذ ان يكون رسولا
ووحدة ماتزعف من يماها او اختها
اي كلام يكون تقال اول شيء
راهو في مصلحة الاخت لي كان موجه ليها
اما الردود الجانبية
كانت لحظات غضب
وكل وحدة فشت غلها في اخرى
اختلط الحابل بالنابل

كلمة اخيرة
اطويو الصفحة وفكونا من هاذ المشكلة
فيفي مازالها لحد الان عاقلة

ماتستفزونيش
هاني نقلكم

ماكاش نخرجكم كل وحدة بطريحة

احترمو بعض
ووحدة ماتزيد تقيس اختها
ماكاش نخرجلكم من الميكرو

حذااااااااااااااااااري

هههههه والله غير عندي ماضحكت حبيبتي فيفي بصح كيفاش تضربي اختك الكبيرة ماشي حق عليك ههههههههههه

المشاركة الأصلية كتبت بواسطة boubramek

يافوف راكي تخلعني بالطرايح انتوعك
ههههههههههههههههههههههههههههههه
ربي يحفضك ماعليش خوتات ودوسو وراهم رجعو
وصافي يالبن
وكما ايقولو لمصور في الكرش تتعارك
امالا خلاص نتكل عى ربي ونبدا في الكوفرولي انتاعي
خلاص راني اعتمدت الياسمينة المقلوبة
ولكن راني خايفة ايجيني في العرض ناقص
واش رايك انتي وخوتاتي
والله غير حرت
كي عاد المطلة فيه العرض 165 خفت
واش هو العمل
انصحوني
ولا نعمل الكشكشة فوق السرير
واش اتقولو ارجووووووووكم حبيباتي
ولي عندها حل اتقولو

حبيبتي راضية اهلا بيك بيناتنا بالنسبة لاستفسارك حبيت نجاوبك
انا عندي كوفرولي خدمتهولي اختي الكشكشة فيه طالعة فوق الماطلة بواحد 10 سم عادي وتجي شابة ربي يوفقك حنونة

المشاركة الأصلية كتبت بواسطة حراوية وافتخر

الله ينعلو ويخزيه لاحولا ولا قوة الا بالله العلي العظيم
رني كيما انتي دخلت عادي لقيت شراز كتبتلي الرد ديالها انخلعت ومافهمت والو
انت واش اخبارك مع الكوفرولي

المشاركة الأصلية كتبت بواسطة حراوية وافتخر

من ناحيتي صافية لبن مهما يكون ماتخفوش قلبي بزاف كبير يرفدكم كاملين كنت حاسة بلى ماتقصدينيش بصح علابالك ممكن الوحدة تقول كلام الاخري تفهمو العكس

وشراز حبيتها بلا معرفتها وربي شاهد حبيتكم كامل بصح كنت نظن بلى كي نقول راي من المفروض يتقبل بصدر رحم وكيما يقل المثل خوظ راي لي بكيك و ماتخظش الراي لي ضحكك حنا لازم نعودو على تبادلا الاراء حاجة متعجبش نتقبلوها لانو ممكن نستفيد من اراء الاخرين وانا والله كي نمد راي ماشي باش نحبط العزيمة او غرت من فلانة ولا فلاتانة الحمد الله مش من طبعي وانما حاجة نشوفها سي باصا نقولها بصراحة
نخدم في مكتبة خدمة متعبة جدددددددا خاصة الفوتوكوبي


حبيبتي صحراوية مزالكي زعفانة مني
وبالنسبة للكلام الي قلتهولك على تعليقك على عملي بتلك الطريقة انا زعفت كي قلتهولي في وقت كنت قريت اراء العضوات الي عندهم ماقالو وزعفت لدرجة ماتقدريش تتصوريها وبت مقنوطة البارح مانهدر حتى مع واحد لوكان قلتيه في وقت اخر كان راح يكون عادي واش نقولك الوقت حكم المهم راهي صفات القلوب

ربي يوفقك حنونة في عملك

ماعندي مانقولك حبيبتي فيفي على هاد الكلام الكبير الي قلتيه في حقي ووقفتك معايا ربي يخليك ويهنيك ويشفيلك المريض الي عندكم يارب
انشاء الله مايجيب زعل سلام حبيبتي

المشاركة الأصلية كتبت بواسطة crono

السلاااااااااااااااام عليكم بناااااااااااااااااات

ام مارية والألئ وحرية مبروك عليكم على الكوفرولي و أنا مزال
فيفي............فيفي180.بتول بتراااااااااا.... ...راضية.........هاجر شيراز و نونة boubramek ان شاء الله تكون بي اللف خير........
سلااام للجميع............ان شاء الله منسيت حت وحدة

دمتن رااائعااااااااااااااااااااااات

اهلين اختي كرونو كيف احوالك واش نقولو مبروك