استبيان خاص بانتخابات البرلمان

[programmeur]

أولا راني حاب نهدر على رايي
يعني اللي مايعجبوش رأيي من فضله لا يرد علي ويقول منا ومنا ويكثر الحديث

المشاركة الأصلية كتبت بواسطة بلقاسمي الجزائري

1/ هل تعتقد أن الانتخابات نوع من الشهادة ولا ينبغي على المسلم كتم الشهادة فتكون الانتخابات واجبة
هنا خويا راك دخلت لدين و جوابي مانعرفش

2/ هل تؤمن بالتغيير السلمي عبر الانتخابات ؟
لا أعتقد دلك مادامت هناك وجوه في السلطة ومادم شعبنا حابها تكون عوجة من الساس لراس

3/ هل الضمانات الجديدة هذه المرة مرضية أم غير مقنعة وغير كافية؟
عن أي ضمانات تتكلم
صراحة انا ماشفت أي ضمانات الا حد الان


4/ ما هي الضمانات التي ترى ضرورية لتكون الانتخابات شرعية وشفافة غير مزيفة ؟
خافو ربي في هادي البلاد برك

5/ هل تنتخب على جهة ما إذا اقتعتك في حملتها أم لا؟
ولا جهة قدمت برنامجها و انا شخصيا لا أرغب في التصويت على الاحزاب تاع بني ويوي وتاع بني جيبي وتاع بني اسلامي
طبعا أقول لكم لمادا
الجماعتين الاولى والثانية معروفين هلكو العباد والبلاد بتاع أنا مجاهد و أنا ثوري و انا وانا و الحقيقة هو سراق
أما جماعة الاسلامية
فيها ان و اخواتها
التيار الاسلامي نجح في المغرب مصر تونس و الغريب لقا ترحيبا من عند ماماهم امريكا
يبين لنا أن في الامر ان واخواتها و زيد دخل ابناء عمومها
المهم فيها خطة
واش هي ؟؟؟ الله أعلم

اما الجماعات الاخرى ولا واحد يصلح

بالامس كنت مع شباب تكلمنا عن الانتخابات كل واحد قعد يسب في البرلمانيين
ومن بعد راحو للجمعيات و قكرو في تأسيس جمعية
وهنا بدأ كل واحد يفكر في مصلحتو فقط
هدا يخمم في الغلقات ( العشاء) وهدا يفكر في الرحلات الصيفية وهدا يخمم في 20 مليون
واهداف الجمعية في سلة المهملات

يعني لوكان نديروهم في البرلمان بالاك يديرو أكثر ملي راهم دايرينه تاع دروك

نهار اللي نغيرو التفكير تاع الجزائري و نغرسو فيه الايمان و حب الوطن
داك النهار ارواح يا اخي وحط موضوعك في المنتدى

6/ هل انتخبت في الانتخابات الماضية ام قاطعتها ؟

أنتخبت وسأنتخب لكن لا ادري كيف سأنتخب و ربما اغير رايي في اللحظات الاخيرة
واحتمال كبير ندير في الورقة السب و الشتم على الاقل نوصل رسالتي للمسؤولين
لخاطرش الدعوة ماراهيش تعجب
الحمد لله مانيش كيما الجماعة اللي يقول ماننتخبش ومن بعد يروح على 8 تاع الصباح باش يفوطي
اللي في لساني كاين قدامي
[/color][/size]