كيف غيرت زوجك

[ريمة89]

السلام عليكم
اولا انا ضد المراة اللي تقول انوا عندما تخضع لرجل ضعف او نقص كرامة او او او او...........
العكس ياختي والله انوا عندما تزوج بيك اكرمك وعندما دارك فداروا قواك بين الناس انا نعرف نساء يحلموا ببيت الزوجية
انا عن نفسي وجدت الكثير والكثير من الصفات الي معجبتنيش فزوجي مثلا ان وحيدة فدارنا وعندي خويا واحد فالخارج وكنت نقرا طلباتي اوامر ماما وبابا بعد موت اختي مايناقشوني فوالوا وعرفت زوجي وتزوجت بيه بعد قصة حب لكن ...................
قبل وبعد ايييييييييييييييييييييه ديفيرونس كبيرة بزاف
فالخطوبة حاجة ودوكا حاجة ماشي تبدل ولا بصح انا اللي كنت دايرة الزواج قفص وردي المسؤولية والدار الكبيرة والبنات مانعرفهمش بحكم انني كنت عابشة مع بابا وماما برك المهم تزوجت والحمدلله كملت بالعقلية تاع دارنا والله كنت نوض صبح نبكي حتى نشبع كي يخرج هو يروح يخدم وانا نحبط لدلرهم وتبدا الهدرة والمعاني
المهم كنت ننقلوا كلش كره السيد ولى يجي فليل ويروح الصبح باه ما يسمع والوا وانا عندي 3 شهر زواج خممت وبحثت فالانترنت والله ثقفت روحي وبدلت عقليتي بزززززززززززززززززاف
معاه ونجحت وليت مانخشنش راسي ودارهم مانعاندهمش وليت نخليه يشوف بعينيه ويحكم وحدوا والله خرجت عليا وانا زوجي مام يغلط مايطلبش السماح مستحيل يقولك اسمحيلي يشريلي واش نحب يعبر عن السماح بطريقة وحدوخرة وانا وليت نساعفوا فكلش مالغري مازلت صغيرة بصح تعلمت نكسب زوجي انا عمري مافكرت انوا كي ناخد الراي ولا يضربني مع العلم انوا ضربني شحال من مرة معنتها هاني لالا جامي مهما يكون عندوا اسبابوا اللي خلاتو يدير هكداك راني على مستوى معين من التعليم سمحلي باه نفهم انوا الزوج مالازمش تقوليلوا محترمتنيش ....... لالا ماكان لا اخضاع لاغيروا انا بالنسبة ليا زوجي عمري ماخممت انوا حقرني ولا لانني حاسبة روحي حاجة من نفسوا مسحيل يضرني والله الحمد لله دوكا رانا متفاهمين وربي يدومها
ونقول لاي وحدة مخطوبة ولا مزوجة نحي هدا التفكير تاع اخضعني ولا حقرني ولا انك متنازلة او مكسورة لانوا الزوج عندما يحس بلي المراة متوالموش صدقيني راح يطلقك ويتهنى
لالا ياختي عامليه بالحسنى وادعي والله عندوا مفعول عجيب ربي برك اللي حاس بيك وعمروا ماراح يخليك واحمدي ربي على كلش مهما يكون ومهما يصرا
هدا كامن رائيي الشخصي
طولت اسمحولي بصح حبيت نوصل الفكرة تاعي والله نتمنى من قلبي االزوجات يفهموا الزوج تاعهم والله حنا النساء ناقصين حكمة (معظمنا) .
وشكرا اخي على الموضوع