الدورة الخامسة "الرقي لمدبرة منزل مثالية" - الصفحة 15

دعاء القلوب · 2012-04-01, 14:02

مساء الخير حبوبات واش راكم لاباس

تطبيقي للبرنامج الصباح نضت صليت وجدت الفطور نوضت راجلي صلى و فطر و من بعدها لبس قشوا وراح للخدمة وانا طلعت لشومبرة تاعي خملتها و من بعد هبطت للكوزينة دوزنت لغدا ووجدت الشلاطة

وبعدها رحت للكوشة نقيتها مليح بالمنظف و درت للبلاكارات فرغتهم كامل و غسلتهم بالما و الصابون والجافيل ونشفتهم و سرجت الحالة و رجعت الحوايج لبلايصهم و غسلت البيبان من البرا ومسحتهم وسيقت الكوزينة و ضربت طلة على الشنابر خملتهم و كنست و مسحت الغبرة و عمرت الما ومن بعها ناضت ليلي بدلتلها و مشطتلها و فطرتها و هبطتها عند جداها وكي جا راجلي حطيت لغدا

و تغدينا وغسلت المواعين و مسحت الكوزينة و سكرتها و طلعت باش نقيل شوية......................

Minnnaaa · 2012-04-01, 15:19

السلام عليكم
كي راكم ؟ توحشتكم توحشتكم,,,توحشتكووووووووووووووم بزاف بزاف

دعاء القلوب · 2012-04-01, 15:45

اقتباس:

المشاركة الأصلية كتبت بواسطة minnnaaa

السلام عليكم
كي راكم ؟ توحشتكم توحشتكم,,,توحشتكووووووووووووووم بزاف بزاف

يا عمري على مينوشة والله ليك وحشة و اش اخبارك حنونة نشالله لاباس عليكم ووليدات و مول بيتك نشالله يكونو لاباس

ام مرية · 2012-04-01, 15:50

السلام عليكم توحشتكم بزاف البارح كان عندي دياف عليها الي ما دخلتش ودرك نحط برنامج نتاعي

يوم الجمعة صبحت شوية عيانة عملت تنضيف يومي غير من فوق قلبي ومن بعد الصلاة جانا خبر بلي عجوزتي مريضة رحت ليها انا وزوجي وجبناها لينا هاديك الليلة عشيتها ورقدنا
السبت نهار الصح نضت بكري رحت خملت الفوضى الي عملها الماصو وكنست وديت الماشينة للبالكو باش نغسل فيها الحوايج وكانو بزاف ايا زدت غسلت ليتابي نتاع البيبان ولاصال دوبا ورفي نفس الوقت طيبت قهوة وغسلت الماعن وعلب التوابل ولفايونس نتاع الكوزينة حتى ولات 8 ناضت عجوزتي ديتلها القهوة وجمعت معاها شوية ومن بعد غسلت الدوش من والى وزدت رحت لشنبرتي كي ناضت مارية وباباها صابو القهوة قدام عجوزتي مارية طبعا تشرب حليب انا رحت لغرفة النوم نقيتها مليح مليح ومسحت لغبار في كل مكان وزدت كي ناضت عجوزتي تعمل دورة انا انتهزت الفرسة خملت البيت وكنست ورجعت فرشتها وفتحت كامل التواقي باش تتهوى الدار ايا وعملت صطل فيه ماء صابون جافال وصطل فيه ماء وصانيبوورحت مسحت البيوت الدوش الكولوار باختصار كاامل الدار وجعت للما شينة اديت الحوايج نشرتهم وغسلت الماشينة ورجعتها لمكانها وسيقت البالكو ورحت للكوفرولي نخدم فيه شوية وكانت عجوزتي حابة غير شوية سلاطةعملتهالها وفطرت مارية شهريار كان معروض عند صاحبو ومن بعد جيت نرقد شوية حتى دقدق الباب صبتها اختي وراجلها واولادها عندها كثر من العام ما جاتش ليا فرحت طبعا ورحت نعمللها العشى بعد واجب الضيافة حتى دخلت يما وبابا وختي وخويا عرضهم راجلي بلا ما قالي من بعد ندخل نحكيلكم على العشى جا تحفة

دعاء القلوب · 2012-04-01, 15:56

اقتباس:

المشاركة الأصلية كتبت بواسطة ام مرية

السلام عليكم توحشتكم بزاف البارح كان عندي دياف عليها الي ما دخلتش ودرك نحط برنامج نتاعي

يوم الجمعة صبحت شوية عيانة عملت تنضيف يومي غير من فوق قلبي ومن بعد الصلاة جانا خبر بلي عجوزتي مريضة رحت ليها انا وزوجي وجبناها لينا هاديك الليلة عشيتها ورقدنا
السبت نهار الصح نضت بكري رحت خملت الفوضى الي عملها الماصو وكنست وديت الماشينة للبالكو باش نغسل فيها الحوايج وكانو بزاف ايا زدت غسلت ليتابي نتاع البيبان ولاصال دوبا ورفي نفس الوقت طيبت قهوة وغسلت الماعن وعلب التوابل ولفايونس نتاع الكوزينة حتى ولات 8 ناضت عجوزتي ديتلها القهوة وجمعت معاها شوية ومن بعد غسلت الدوش من والى وزدت رحت لشنبرتي كي ناضت مارية وباباها صابو القهوة قدام عجوزتي مارية طبعا تشرب حليب انا رحت لغرفة النوم نقيتها مليح مليح ومسحت لغبار في كل مكان وزدت كي ناضت عجوزتي تعمل دورة انا انتهزت الفرسة خملت البيت وكنست ورجعت فرشتها وفتحت كامل التواقي باش تتهوى الدار ايا وعملت صطل فيه ماء صابون جافال وصطل فيه ماء وصانيبوورحت مسحت البيوت الدوش الكولوار باختصار كاامل الدار وجعت للما شينة اديت الحوايج نشرتهم وغسلت الماشينة ورجعتها لمكانها وسيقت البالكو ورحت للكوفرولي نخدم فيه شوية وكانت عجوزتي حابة غير شوية سلاطةعملتهالها وفطرت مارية شهريار كان معروض عند صاحبو ومن بعد جيت نرقد شوية حتى دقدق الباب صبتها اختي وراجلها واولادها عندها كثر من العام ما جاتش ليا فرحت طبعا ورحت نعمللها العشى بعد واجب الضيافة حتى دخلت يما وبابا وختي وخويا عرضهم راجلي بلا ما قالي من بعد ندخل نحكيلكم على العشى جا تحفة

ربي يشافيلك عجوزتك حنونتي ام مرية و يعينيك ربي نشالله و تنشطي لواحد كي يقرا تطبيقاتك و ربي يفرحك باهلك نشالله و يخليهملك

دعاء القلوب · 2012-04-01, 17:01

حبيبة لحبيبة وراكي مابنتيش كامل و الله ليك وحشة حاولت ندخل للفايس بصح ماقدرتش ربما كاش بروبلام فالباج تاعي

دعاء القلوب · 2012-04-01, 19:27

يالبنات زادولي نجمة بوركولي

انوسة07 · 2012-04-01, 22:53

السلام عليكم و رحمة الله
مرحبا يا البنات و شراكم ؟
مبروك يا اشورة و ربي يشافي حبيبتنا ام مارية و يقوم عجوزتها بسلامة
عندي مدة ما دخلتش للدورة كنت مشغولة مي كنت نتبع فيكم و نقرا في مشراكانكم
ربي يكون في عونكم الله يبارك على شطارتكم و قفازتكم ربي يكون في عون كل وحدة فيكم و يشفي كل مريضة و يهني كل مهمومة
المهم البرنامج معايا راه ماشي و الحمد لله عندي غير الستائر ماغسلتهمش بيا ما نلحقش نحهم بيا قصيرة هههههه راني نسانا فس المسية نحهماي نهار لي تطيح في راسو باش ينحهم ههههه

أم معاذ أم معاذ · 2012-04-02, 07:08

السلام عليكم
صباحكم مليء بالسعادة و الطاعات

أكثروا من الأعمال الصالحة

خاصة الاستغفار و الذكر

ألا بذكر الله تطمئن القلوب

أم معاذ أم معاذ · 2012-04-02, 08:22

نـصيحــه أعـجبتنـى !
.
.
.
.
... ... ... .

لا تلتفت يمينــاً !
أو شمــالاً !
...
... لتبحـث عن أحـــــد يسـاندك

... .
.
.
.

أنظـر للأعلى فستجـد من يرعـاك

فقـط قـل " يـــــــــــــــــــــا رب

Sabrina ALG · 2012-04-02, 08:54

صباح الخير لبنات
يعطيكم الصحة كل واحدة باسمها

انا راني انطبق بصح نعجز باش نكتب شغل وريجيم ماخلاو فيا والو

يومكن موفق

sondse1 · 2012-04-02, 09:08

اسعد الله صباحكم

واش راكم حبيباتي

sondse1 · 2012-04-02, 09:11

برنامج اليوم باذن الله

الاثنين

الديني / صيام تطوع بعد اذن الزوج +اذكار الصباح والمساء + صلاة الضحى + قراءة القرآن بواقع 4 صفحات بعد كل صلاة فرضية + الاكثار من الاستغفار قدر المستطاع
صلاة الوتر + الوضوء قبل النوم واذكار النوم + حفظ 3 آيات من القرآن قبل صلاة العصر

التنظيفي/ تنضيف دولابين + تنظيف عميق للمايكرويف + تنظيف جدار كامل + غسل وتعقيم سطل القمامة

الجمالي / عمل صنفرة للجسم (تقشير)
بالزيت و السكر و الليمون و الملح/ ملح وزيت / او صنفرة جاهزة كل وحدة حسب المتعودة عليه

+ تفريش الاسنان مرتين على الاقل + ترطيب اليدين والرجلين باي مرطب متوفر لديك
فازلين / زيت / او اي مرطب معتمد لديك

بالتوفيق للجميع

دعاء القلوب · 2012-04-02, 09:39

Minnnaaa · 2012-04-02, 09:50

قال النبي صلى الله عليه وسلم "من قال حين يصبح (اللهم ما اصبح بي من نعمة او باحد من خلقك فمنك وحدك لا شريك لك فلك الحمد ولك الشكر على ذلك) فقد ادى شكر يومه ومن قال مثل ذلك حين يمسي فقد ادى شكر ليلته"

صباح الخير والنور على الفحلات والنحلات
اسمحولي حبيباتي النت راها دايرة فينا حالة تجي دقيقة وتغيب ايام ومع الحال مغيم راها كارثة حقيقية
البارح كتبت التطبيق نتاعي قريب 11مرة كل مانجي نعتمد المشاركة تروحلي الكونيكسيون ومام درك راني نكتب ونقارعها ترضى وتجي هاهاها
المهم رانا مع المطبخ وراني نطبق فالبرنامج نتاع الاسبوع الماضي ما درتهش(ولادي كانو مرضى في زوج ومول الدار لحقهم)
ودرك نخليكم في رعاية الله وحفظه