خجلي دمر حياتي

[زهرة البيت]

حبيبتي أنا أيضا كنت مثلك وكي طلعت للجامعة كان بسيف عليا نحي شوية من هذه العقدة كنت نشوف صديقاتي يشاركوا بطلاقة ويلقيو البحوث ويراجعوا مع بعض و يحكيو مع الأساتذة غير أنا منقوم بحتى مبادرة ديما متخبية مع أنو مستواي الدراسي مش أقل منهم حسيت أني كون نكمل هكا رايحة غير ندهور لي يحكي معايا من الأهل أو الغير يقولي وش بيك تحماري الخ اذا نصيحتي ليك تحدي نفسك قبل كل شيئ لأنو الحل في يدك أنت واحد ميقدر يساعدك شاركي وامشي وتكلمي عادي في الأول تجيك صعيبة والناس كامل تشوف معاك وتحكي عليك بصح مع الوقت رايحة تنضجي و تولي اجتماعية ويروح الخجل وحدو صدقيني اذا مدرتيش هكا رايحة تمرضي وتنعزلي وحطي في بالك بلي واحد ماراهو يعس فيك ولا كامل راهم يشوفوا معاك راهي غير أشياء تحسي بيها وحدك وأفكار خاطئة دخلتيها أنت في راسك ونفرضوا أنها في يوم ما كانت صحيحة هادوا الناس علاه تخافي منهم يخي هوما تاني عندهم عيوب وأخطاء الخ... ربي يوفقك