اقتباس:
المشاركة الأصلية كتبت بواسطة Lili Rose
يعطيك الصحة يا الزينونة على هذي المعلومات القيمة ربي يعطيك متتمني درك نجربهم حتى أنا،
أنا عندي مشكل في شعري خفيف ياسر نديرلو حمام زيت قبل الإستحمام وبعد الإستحمام ندير فاتكا ضد تساقط الشعر الحمدلله يوجد تحسن طفيف حتى أمي لاحضت هاذ التحسن لكن أريد وصفات اخرين إذا يمكن إن تسعدنني إنت ولبنات
|
السلام عليكن لبنات
جيت نقرعج شوي كي لعادة
لقيت لالة ليلي هنا
يخي انتي لهيه
وش قاعدة تعملي هنا أه قوليلي
يلا هزي دبشك وقدامي لدارنا نتفاهموا ثم
ولا نقلك اقعدي اقعدي ما حاجتيش بيك هههههههه
ما تتخلعيش وش راكي ووش راهم اهل تونس الرائعة و المضيافة
هذا عام ونص مارحت كاش كفتاجي ولا فريكاسي
قاعدة نستعرض في عضالاتي
على كل حبيبتي
تحياتي ليك وللبنات في الغرفة ونقلهم تبارك الله عليكم
وبالسبة لسؤالك كنت نعاني من نفس المشكل
لكن الحمد لله قبل
أولا انصحك بألسيف و الماسك تاعو هايلين بالحق
ثانيا هذي وصفة وعليها لكلام
هزي ورقة وقلم ونحي مريولك من فمك واكتبي
هذي خلطة تستعمليها 3 أشهر ورديلي بالخبر مجربة من انسانة ثقة
عملتها لوالدتها لي بدات تعاني من الصلع وانا كذلك
المهم هي هي المقادير وديريها في عينك عندك تكحل بيهم ههههههههه
* حبة بصل كبيرة
* 3 فصوص ثوم أحمر
* حبة بيض كاملة - عربي -
* ملعقة ص كمون
* 3 مسامر قرنفل
* ملعقة صغيرة حنا - لي شعرها فيه لي ماش ما تستعملش الحنا -
* ملقة كبيرة زيت زيتون مثلها من مجموعة الزيوت التالية
- زيت الخروع - زيت الصبار-زيت البابونج-زيت السمسم - زيت البسباس او كما يكتب في العلب زيت الشمار
-زيت الخزامى-زيت اللوز الحلو - زيت الحبة السوداء-
- فوائد هذه الوصفة
* مفيدة لتساقد الشعر
* مفيدة لنعومة الشعر وبريقه
* مفيدة لتقوية الشعر
الأهم
لي تعاني من الام الرأس او كيما يقال بالدارجة لي عندها لهوا في راسها تستخدمها
ولهوا عادة لا يمكن تشخيصه ولا حتى السكانير هههههه يكسفه
باذن الله من اول استخدام راح تلحظن الفرق
مدة الاستعمال/ ثلاث اشهر
كيف؟
الشهر الأول : كل نهاية اسبوع اي 4 مرات
الشهر الثاني كل 15 يوم اي مرتين
الشهر الثالث مرة وحدة
غسيل الشعر لإزالة الرائحة
طبعا تقلبي راسك حتى ما تنزل الريحة لجسمك
تهيئي مغلى النعناع وتخليه يدفى وشللي بيه شعرك
باذن الله تزول رائحو البصل و الثوم و الكمون وان كان لقرنفل يخفف منها
مع استخدام الماسك
سلميلي على ناس لمنستير وسوسة زادا ، وقطاطس تونس
ومقتليش انتي منين؟؟
( تقرير عن مشاركة سيئة )، و الموجودة أسفل كل مشاركة .
2012-03-28, 11:06
مبعد كما قريت لا سويت موت بضحك 
العرض المتطور
