اصل النمامشة

[allamallamallam]

المشاركة الأصلية كتبت بواسطة اوشن

نص تبسة ؟ تعرف تبسة انت ؟ يا خي قلتي عمري ما جيت لتبسة و خنشلة و لا لالا؟
كيفاش نحنا ولاد المنطقة نقولولك بلي اللمامشة راهم اكثر من ثلاث ارباع تبسة و انت تجادل عن عمى ؟ وين تعرف البلاد يرحم جدك
نعطيك ترتيب الاعراش في تبسة
العرش الاول هوما اللمامشة و هوما الاكثرية الكبيرة في تبسة
العرش الثاني هو اولاد يحي بن طالب
العارش الثالث هو اولاد عبيد و هو عرش صغير خلاص على خاطر اصلهم ماشو من ولاية تبسة هوما توانسة دخل منهم شوي في وقت فرانسا لدزاير اما التركز الحقيقي تاعهم راه يبدا من التراب التونسي و روح لهيه اما في دزاير رهم اقلية اكثر مما تتصور راهم موجودين في العاتر و العاتر راها اكثر سكانها من النمامشة قلي برك منين جو قبيلة كبيرة
و اما الدرارجة راهم عايشين كأفراد مشي كقبيلة على خاطر بلادهم مسيلة و شوف وش بيم مسيلة و تبسة كاين خنشلة و باتنة يعني بلادهم بعيدة و لي في تبسة اكثريتهم كانوا يحكموا الفلاحة على اللمامشة كخماسين و من بعد استقروا في تبسة
و اما السوافة راهم افراد و عددهم قلييييل في الحي تلقى ثلاثة و لا ربعة ديار تع سوافة
ايلا تدخل السوافة و الدرارجة في قبائل تبسة هنا راك مريض صح خاطر قبائل تبسة راها اللمامشة و اولاد يحي و اولاد عبيد هذي هي القبائل الثلاث تع تبسة
ما تزيدش تتلاح راني قداه من مرة نقلك ما تتلاحش كيفاش تهدر على حاجة ما تعرفهاش احشم شوي وش بيك راك عميتيها خويا بلعقل مشي هكا كيفاش ؟ المهم تهدر برك ؟
قالو يمثلو نصف تبسة على الاقل روح الله يهديك
فهمنا فيك انت برك كيفاش تفهم
وصفنالك بلادنا و قبائلنا ما حبيتي تفهم
قلنالك معليش جيب لنا دليل على وش راك تهدر ما حبيتي تجيب
قلنالك اوراح نتناظروا و نديرو جماعة شاهدين ما حبيتي تناظر
قلنالك ارواح لبلادنا نضيفوك عندنا و روح وحدك للدشور و الجبال و شوف الناس و اهدر و افهم منهم ما حبيتي
قلتلك انا شخصيا ارواح نعطيك السيارة تاعي روح بيها وين حبيتي قلتي ما نقدرش
قلي برك الحل معاك وشي هو كل ما نلقولك حل تهرب
و مع الاخر تجي تقول اولاد عبيد و اولاد يحي و الدرارجة نص تبسة على الاقل
و الدليل تاعك ماكانش احصاء عرقي في تبسة و هذا يدل على جهل مطبق
شوف نوريلك حاجة بش تولي تعرفها
في تبسة كاين بلديات لموشية كيما الشريعة أكس تروبيا تازبنت العقلة بجن نيقرين فركان و غيرها هذي لموشية خالصة و البلديات اللموشية تمثل اغلبية بلديلا ولاية تبسة
و كاين بلديات يحياوية كيما الدير و مرسط و المريج
و كاين بلدية وحدة تلقى فيها اولاد عبيد لي هي العاتر و لكن العاتر اكثرية سكانها مامشة يعني اكثر من النص و هذا يعطيك فكرة على عدد اولاد عبيد لي راك تقول راهم قبيلة كبرى و من البلديات المختلطة ثاني ونزة و راس العيون
و اما مدينة تبسة راها مخلطة تلقى فيها ناس من كل ربوع دزاير و ايضا اكثرية سكانها مامشة خاطر فيها احياء لموشية خالصة كيما جبل الجرف الزيتون الزاوية القبلية الزاوية الظهرية لاكومين
و كاين مختلطة فيها القبائل الكل بصح اللمامشة فيها اكثرية مثل لرموط الفوبور بوحبة سكانسكا تاغدا
و كاين احياء تغلب فيها قبيلة اولاد يحي كيما المرجة و بوحمرة
و كاين احياء مخلطة بصح اللمامشة فيهم مشي اكثرية كيما الكنيسية و الكورص و حي 200 سكن
ضرك راني عطيتك كلش في تبسة
و احشم شوي ما تزيدش تتلاح فارس بني مازيغ راه من تبسة و انا من تبسة المرة الجاية كي نوصفولك تبسة لي انت بشهادتك عمرك ما شفتيها اسمع لنا و افهم وش نقولولك

سلام اخى اوشن

انا اعترف انى لم ازر تبسه الا مره واحده و كنت صغير


اخى المنتدى للحوار اى اخذ و رد و من بعضنا نستفيد

وانا اشكرك على توضيحك لمناطق تبسه فأنا استفدت منه ثبت معلومات سابقه و صححت معلومات اخرى


سلام