ما نقدرش نوض الصباح باش نحفض ساعدوني الوقت ما بقاش

[conviction]

ههههه والله يا فطومة راكي وحدك صح ، حالة خاصة ،، يفيقو بيك لا نازا،، يصرقوك باش يديرو عليك تجارب هههه ،،،

شوفي أول حاجة ،، الإنسان لازملو 8 ساعات نوم كي ينوض مرتاح ،، وممكن يكتفي ب 7 ساعات فقط وينوض مرتاح أيضا ؛ إنتي حسب رأيي الخاص ،، راه عندك تعب متراكم ،، ليس تعب جسدي وإلا ناقصة نوم ،، وإنما تعب في المخ متراكم ،، والعقل تاعك يحاول يفرز هذا الضغط في النوم العميق ،، كاين لي العكس ، الضغط ما يخليهمش يرقدو ،، المهم ،، الضغط هدا راهو ناتج إما من كثرة التفكير، أو عوامل أخرى تعيي فكر الإنسان ،،، المهم ديري في بالك بلي راكي تقدري تنوضي عادي ،، أنا ساعات صدقيني نقدر نرقد 12 ساعةأو أكثر ، وأيام من بعد نرقد غير ساعة وإلا ساعتين ونورمال خلاص ،،، كلش في التفكير ، إذا خممتي بلي ما تقدريش راكي تبقاي ديما ما تنوديش ،، وإذا قلتي ،، خلاص ،، غدوة نوض ، ما فيهاش هدرة ؛ تعكسي التفكير ،، في بلاصة الهدرة لي قلتيها : كون دير الزنزلة ما نفيقش ،، تولي ، ياو كون تعدي ذبانة نسمعها ونفيق هههه،، وبشوية ،، غدوة نوضي على 06 وبعد غدوة 05 و 30 ومن بعد 05 ،، حتى توالفي ،،صدقيني ،، سمانة برك هكا ، تلقاي نفسك تنوضي قبلreveil تاعك ... توكلي على ربي يا فطومة ،، راني معول تنعتيلي في الإجتماعيات ههههه ،، لازمك تحفظي ،،، أبداي في البرنامج يا فنيانة