لي يعطني استراتجية باش ندي الباك نعطيه 300 $ paypal

forexdz · 2012-03-11, 12:24

الوضعية تاعي

راني ب المراسلة نقرى
مزال مابديتش نقرى
مزالو شهرين و نصف
راني خفيف في الحفاضة نلقالها وقت
عندي مشكل في الريضيات و المحاسبة ندير ليكور شهرين هادو

دبرو عليا برك الله فيكم

أنا نأمن بلي كلش مستحيل

السلام

dj amir19 · 2012-03-11, 14:03

ادا كنت جيد في الحفظة معليش و لابد تسمح في مادة كالرياضيات نظرا لوضعيتك ركز على المحاسبو و الاقتصاد وباقي مواد الحفظ ودير ليكور في محاسبة و قول الاستاد وضعيتك وفي الاخير ادا كان ربحت الباك صدقهم هادوا 500 دولار على كاش محتاج فقير بلاكش ربي يسهلك

ام احمد · 2012-03-11, 17:23

ربي يكون في عونك رانا كامل كيفكيف

conviction · 2012-03-11, 20:59

يا خويا راك درت موضوع في أواخر ديسمبر ،، ونصحناك وقلنالك إتكل على ربي ،، وكنت رايح بنفسي نعاونك في المحاسبة ،، صقصيتك منين أنت ،من أي حي ، ما جاوبتنيش ،، الله غالب ما كتبتش ،، ومن هذاك اليوم حتى لهاذ الساعة فاتت 3 أشهر ،، في ثلاث أشهر هاذوك ما درت فيهم والو أنت ،، فكيف تريد أن تدرس في شهرين ونصف ؟؟ ، راك أهملت قرايتك بأمور أنا متأكد أنها تافهة ،، أنصح بتغيير التفكير والبدء بوضع هدف نصب عينك ،، محال توصل لأي بلاصة دون هدف ،، دون برنامج مخطط بدقة ؛؛ إذا وصلتك الرغبة الحقيقية في الدراسة قبل فوات الآوان ،، إبدأ في الدراسة بقلب ورب ، لا تضيع وقت وأبذل كل مجهودك للنجاح ،، والبداية ، قم بتغيير ما كتبت ـ أنا نأمن بلي كلش مستحيل ـ ضع كلمة لا شئ مكان كلش ، باش الجملة تعود صحيحة

بالنسبة للإستراتيجية ،، ننصح شوف أستاذ يدرسك وحدك ،، يعني ماش دروس الدعم تاع مرة في السمانة وإنما يرافقك طيلة الآيام المتبقية ،، وحاول تدرس تحليل الإستغلال والمحاسبة التحليلة ، ماش لازم تدرس المحاسبة العامة ،،، في الرياضيات ، ركز على الإحصاء ،، وحاول دير ليكور في الدوال ،،، شهر يكفيك لفهم كل ما سبق ذكره ،، يبقى عليك أنك تحل تمارين والباقي للحفظ

أما المال ههههه ،، العلم لا يقدر بكنوز الدنيا ،،الإنسان لي عندو paypal وmastercard والأورو والدولار وما عندوش العلم (الباك )،، كأنو ما يملك والو ...

نتمنالك التوفيق

forexdz · 2012-03-18, 15:26

شكرا جزيلا وبارك الله فيكم

وسامحني خويا على مرديتش عليك في الموضوع السابق خطراكش كنت خدام و خلاصتلي الانترنت

ودرك ندير كيما قولتلي

conviction · 2012-03-18, 15:38

اقتباس:

المشاركة الأصلية كتبت بواسطة forexdz

شكرا جزيلا وبارك الله فيكم

وسامحني خويا على مرديتش عليك في الموضوع السابق خطراكش كنت خدام و خلاصتلي الانترنت

ودرك ندير كيما قولتلي

ماش مشكل خويا ، كي لعسل ،، شوف ننصحك إذا ما لقيتش شكون يقريك ، روح للأستاذ رقوق ،، في وسط المدينة marché couvert ، أو تما يدير ليكور ،، ممكن دير عندو ،، ممكن تلقى معامن تدرس هناك ، أو ممكن يوجهك الأستاذ لإحدى تلاميذه السابقين ،، إنتا وزهرك ،، نتمنالك التوفيق آخي

forexdz · 2012-03-19, 10:34

اقتباس:

المشاركة الأصلية كتبت بواسطة conviction

ماش مشكل خويا ، كي لعسل ،، شوف ننصحك إذا ما لقيتش شكون يقريك ، روح للأستاذ رقوق ،، في وسط المدينة marché couvert ، أو تما يدير ليكور ،، ممكن دير عندو ،، ممكن تلقى معامن تدرس هناك ، أو ممكن يوجهك الأستاذ لإحدى تلاميذه السابقين ،، إنتا وزهرك ،، نتمنالك التوفيق آخي

أوكي
راني نعرف الشيخ رقوق دورك ندير كيما قولتلي

برك الله فيك مرة اخرة

باك 2012 · 2012-03-19, 17:42

حبيبي نصيحة لك: باش تنجح في حاجة ماتقولش رايح نبداها يلزم تبداها ,,,,,,,,,,,,,,,,,,,,,بالتوفيق إنشاله

white ideas · 2012-03-19, 20:12

انا قلك جيب الباك و أنا نعطيك 300$