طلعولي المورال

زهور الياسمين · 2012-03-15, 20:04

اقتباس:

اختي زهور
بالعكس في الحق بعدما شفتي مرارة الفشل
يلزم متقوليش مليت و تعبت و ما صرا والو
يلزم تنوضي و تبداي من جديد مزال الحال استغلي هذه العطلة
في مراجعة كل مادة كانت سبب في تراجع معدلك
كيما قال الاخ من قبيل
و نزيدك حاجة
تفشلي و تديري les fautes ضروك خير من في الباك
و نزيد نعاودهالك الباك هو الصح
الاختبارات مجرد اختبار ههه لي فيه تكتشفي اخطائك و تصحيهم
طلعي المورال و متخليهش يهبط بسبب المعدل
و لي تعب ربي ميخيبوش
puis le bac c'est le fruit des efforts
و لبنات لي راكي تقولي يضحكوا انا هاذو منسميهمش صحابات
لانو الصحبة تبان في وقت الشدة
و ما يحس بالجمرة غير لي كواتو
ايا اختي طلعي المورال شوية و ابداي من غدوة ان شاء الله استرجعي كل نقائصك و صحيهم
راني طولت في كلامي تبقاي على خير

شكرا اختي كميله ربي يخليك راكي ساعداتيني و الله معنوياتي تحسنت الان

شفتي الصحبه تع هد الزمان
ربي يهديهم ان شاء الله
ستكون انطلاقه نحو النجاح باذن الله

ربي يوفقك و يخليك يا غاليه

ٵڶقًـ۾ًـږღٵڶڝۼےـړ · 2012-03-15, 20:15

اقتباس:

المشاركة الأصلية كتبت بواسطة زهور الياسمين

اهلا اختي
وش نقولك فرحتني كلماتك
ايه شفت الكشف و راه اعمل على تصحيح الاخطاء هذ العطله ان شاء الله
و الله يا اخت سهير حظرت كاما يلزم الحال كل ماده مديتلها حقها و اهتميت بيهم كامل
نحظر الدروس و نفهم و نستوعب عادي
نحل تمارين و نتناقش مع الاستاذ كيما نفهمش
لا اختي بالعكس اسعدني تواجدك بقربي

صدق من قال ان الاصدقاء هم من لم تقابلهم في حياتك

شكرا لك غاليتي

و بيك ختيتو ،، الله يخليك

ا
بلامزيتي ،، من واجبي ،، مام انا كنت مش مليحة هاد لعشية و مش على جال القراية و لا النتائج ،، اسباب أخرى

المهم الحمد لله كي ماكاش le defaut فالفهم و لا الاستيعاب ،، ربي و رحمتو كي راكي تريفيزي و ماشية مع البروجرام

المشكل دوك فالاجابة كيفاش ،، ادا كان الخلل فالمنهجية و الاستاد ينقصلك على جالها ،، حاولي تتصلي بالاستاد

هو المعين الوحيد و القادر باش يشرحلك كيفاش تستغلي المعلومات لي قريتيهم و توظفيهم على الورقة ,, متفاهمين ؟

ادا معندكش هنا خلل ،، تاني راجعي مع الاستاد ،، بالاك تكتشفي عفايس خرين ،، ماكي خاسرة والو ؟ ها ؟

و المشكل التاني ،، يمكن فوقت الاختبار ، تتخلعي ؟ تتشوكاي ؟ تنساي كلش يمجرد تتحطلك الورقة ؟

راو جاي bac blanc و هو احسن و انسب اختبار تسيي فيه قدراتك و تاني تتغلبي على مخاوفك و تدوقي طعم اختبار البكالوريا بالتالي تتعودي عليه ؟

قوليلي ادا صبتي الخلل وين راهو ولا مازال ؟

و اسمحيلي خرجت قبيلتا ،، كنت لازم نروح نتعشا فالوقت سينو تدير حالة ماما ههه

amoura el batniya · 2012-03-16, 15:15

السلام نتمناو يكون لمورال طلع.....لانو كالازمش يهبط...ونتي حنونة مدامك تقراي وتجتهدي نشالله ربي مايخيبكش والمهم هو يوم الباك هادو راهم غير امتحانات تجريبية باش تتعلمي منهم...كامل فتنا علا بيريود هادي ونجحنا والحمد لله...انا نقرا علوم المادة في جامعة باتنة كاشما تحتاجا فالفيزياء ولا الرياضيات راني هنا
بالتوفيق يا جميلتي

kamela · 2012-03-15, 20:26

اقتباس:

المشاركة الأصلية كتبت بواسطة زهور الياسمين

شكرا اختي كميله ربي يخليك راكي ساعداتيني و الله معنوياتي تحسنت الان

شفتي الصحبه تع هد الزمان
ربي يهديهم ان شاء الله
ستكون انطلاقه نحو النجاح باذن الله

ربي يوفقك و يخليك يا غاليه

ولو اختي
هذا من واجبي
ان شاء الله
بالتوفيق