لماذا الدعوة الي المقاطعة للانتخابات الجزائرية ومن وراءها؟

[ali ahmed11]

المشاركة الأصلية كتبت بواسطة الشاعر17

تعرف يا عليلوش ... انت الوحيد في هذا المنتدى .. اللي جاني على القوسطو وكيما ايقولو البعض ع الكيف

كي نقرا مواضيعك وتعليقاتك .. حتى اللي ما تسواش منها نص دورو .. أستلقي من الضحك ...

متمني نهار نتقابلوا .. حتى وان كنت من الجلفة .. تقدر تروح لقهوة الطيب نتاع الفراراة تسقسي الميولد تقل لو وراه اللي لاعبها شاعر عندك هنا ايقلك

راه وراه قاعد يقرا في الجرنال .. وخاصة نهار الخميس من 09 الى 11 والعشوة من بعد العصر نيعود قريب المغرب


وما تتقلقش القهوة راها مخلطة تلقى فيها البوليس ونتاع البي ام بي جي والشعراء والصعاليك والمقاولين والمثقفين ونتاع النقابات . والكل مجمولين

وايعلقو على بعضاهم البعض .. تحس روحك في عرضة نتاع عرس .. الحاجة الزينة في ذيك المقهى الفرارة ولاتاي .. على نار الحطب .. ورائحته

التي تعبث بالعقول فتتوقد لها القرائح ... والموسيقى ما كانش كالم .... سأنتظرك هناك

الحمد لله لقيت واحد قيمني (رفعلي المعنويات)+عرضة (واحد ما دارها في المنتدى نتاع الجلفة)...و الله صدقني نحب الجلفة و ناس الجلفة.

و ان شاء الله نتلاقاو ما تعرف.

[الشاعر17]

المشاركة الأصلية كتبت بواسطة ali ahmed11

الحمد لله لقيت واحد قيمني (رفعلي المعنويات)+عرضة (واحد ما دارها في المنتدى نتاع الجلفة)...و الله صدقني نحب الجلفة و ناس الجلفة.

و ان شاء الله نتلاقاو ما تعرف.

والله العلي العظيم ثلاث مرات .. قسما برب العزة .. لا يكاد يخلو بيتنا من ضيف الا نادرا مع انه أفقر بيت في الحي ..فالوالدة حفظها الله تفرح بالضيف

اكثر من فرحها بمولود لولدها الشاعر17 تبشر به في ذات صباح .. ومع ذلك .. فمتى ما نزلت الجلفة فانت ضيفي

هذه ليست مزحة صدقني ولا كذبة ابريل

اعتبر نفسك في دعوة مفتوحة من الان .. على اختلاف الرأي في كثير من المسائل .. فانا لا اخلط بين توجهات الناس وعلاقاتهم الاجتماعية ...