لا شكر على واجب احنا رانا هنا باش نفيدوا بعضنا.
شوفي يا اختي 4اشخاص ماشي بزاف .جربي اول وصفة تاع شربة ديري فيها نصف حبة قرعة +ساق كرافس
فنجان متوسط تاع حمص+فنجان جلبانة
المشكل نتاعك جابلي ربي راكي تديري كلش مع بعض وتغليهم لان الاكل السامط يكون بسبب عدم التقلية جيدا
اول شئ حطي قطع اللحم في الكوكوت كرفجي عليها نصف حبة تاع بصل صغيرة +ملعقة اكل سمن+قرفة وفلفل
اسودقليهم ملح مدة عشرة دقايق او اكثر مع اضافة الماء نصف فنجان اهنا ارمي الحميصة وزيدي قلي بعدها
اضيفي الخضر المقطعة قطع صغيرة وحطي ملعقة فلفل احمر او عكري +ملعقة اكل ملح وقلي الكل مع بعض ثم
اضيفي كاس ماء كي الماء يبدا يغلي تكون المكونات كامل بدات تطرى من التقلية اضيفي ملعقتين طماطم
ومرقي بلتر من الماء الساخن وبرمي المقطفة وشوية قصبر واتركيها على نار هادئةمدة15دقيقة
اتفقديها اذا لبات طفي وان لا انتظري بعض الدقائق تلبي طفي وزيدي ذري القصبر
تلبي يعني تصبح المرقة خاثرة وكي تطلي على الكوكوت ماتلقايش الماء من فوق بزاف والخضرة تحت
هاذي طريقتي بدون مانقفل الكوكوت
صدقيني البنة كامل تكمن في التقلية طبقي هذي الطريقة وشوفي
( تقرير عن مشاركة سيئة )، و الموجودة أسفل كل مشاركة .
2012-03-13, 10:04
العرض الشجري