|
|
|
|||||||
| قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
الدورة الرابعة"الرقي لمدبرة منزل مثالية"
 |
|
|
أدوات الموضوع | انواع عرض الموضوع |
|
|
2012-03-09, 10:09
|
رقم المشاركة : 1 | ||||
|
اقتباس: المشاركة الأصلية كتبت بواسطة ام مرية  حبيبة ها الشي الي طلبتي وعمليلي برنامج لاني ان شاء الله نروح غدوة لدارنا دارنا تتكون من 2 طوابق الفوق كاين صالون كبير وفيه بلاكار نتاع القش قش الضياف والولائم.... وخزانة نتاع 2 بيبان داير فيها خويا كتب واشرطة راكي تعرفي شباب الصحوة وكاين بيبيوتاك ومرافق صحية وزيد 2سطوح واحد امام الصالون والتاني بجنبو والتحت حوش ومرافق صحية والداخل كاين 1صالون كبير كان دار خوية الي توفى الله يرحمو وداير فيها مكتابة كان يحب القراءة حتى وهو في الفراش وايضا 2 كانابي وكانابي ليه ايا مين تشوفويما تبكي خرجاتو مرت خويا الكبير ودارتو في الصالو الفوقاني 2بيت يما بحجم الصالوات بابا يحب يكبر البيوت هههههههه وفيه بلاكار وخزانتها واكوموند و2 كانابي 3 شنبرت المازوزية عاملة فيها خزانة كيما نتاع الفوق وزيد مكتابة حنا عائلة مغرمة بالمطالعة صح ماشي نتمسخر وكانابي ليها وبلاكار 4 الكوزينة يما تحب المطبخ الواسع عليها الي مطبخها واسع وعادي كيما قاع المطابخ دايرة ثلاجة وليزينيمو و...و... وكاين ابيسين صغير يعني 2م على 1.5 في الصيف نستبردو فيه والشتاء تحط القش الي ما تحتاجوش جوارك وتيوات ووو والعمل الي دائما نقوم بيه نغسل الماعن الحوايج القش المسيح يعني العمل الروتيني الي يقومو بيه بلا بيا يعيشك همتك معايا راني حابة نفرحها ونحسسها بلي رانا كامل مداورين بيها اذا راح واحد حنا ما زلنا وراني تفاهمت مع ختي ومرت خويا نديرو الدالة عليها ما نخلوهاش بروحا مسكينة السلام عليكم لحبيبة شوفي حبيبتي بما انك رايحة تبقاي تقريبا 24 ساعة في دار باباك هذا يعني الوقت ما يكفيكش أنك تقومي بتنظيفات عميقة و ترتاحي شوية اذا بما انك تقومي بأعمال يومية ترفدي بيها اختك مين تروحي لعندهم و زيدي عليها التنظيفات العميقة رايحة نقترح عليك أنك لما تمشي لعنهم كيما اليوم مثلا أنك تعملي فقط الاعمال اليومية يعني غسيل الماعن الترتيب غسيل القش أما غدوة الصباح تقوموا بتنظيف يومي و تدخلوا لغرفة وحدة فقط أنتم الثلاثة يعني أنت و أختك و مرة خوك لأن التنظيفات العميقة تتطلب الجهد و الوقت و أنت تباريك الله عليك شاطرة و قافزة لكن راكي أصلا منهكة في بيتك نحسن عونك لازمك المساعدة و تاني ما عندكش الوقت باش تنظفي هاذيك الغرفة على طول الاسبوع إذا يفرض عليك الوقت أنك تنظيفها في نصف يوم لذلك لازمهم يساعدوك أنت تقرري واش رايحة تكون الغرفة أنا نقترح عليك أنك تبدي بغرفة ماماك ربي يكرمها و كل أسبوع احكمي غرفة يعني البرنامج اللي حنا نقوموا بيه على مدار الاسبوع أنتم تقوموا بيه في يوم واحد و تتقاسموا المهام كل وحدة تمسك حاجة ولا زوج من هاديك الغرفة و تنظفها و ترتبها البرنامج اخدميه أنتي و أختك و مرة خوك اتفقي معاهم و قسمي الغرف على الاسابيع ماعليش اذا اخذ البرنامج أكثر من أربعة اسابيع المهم الغرف كلها تتنظف و تترتب كيما يحب خاطركم و خاطر لميمة ربي يحفظها و يعطيها الصحة ربي يفرحها بيكم و يرضيها عليكم اللهم آآآمييين إن شاء الله نكون حليتلكم المشكلة راني نستنى الرد حبيبتي جمعة مباركة وبلغي سلامي للأهل أختك و مرة خوك و للميمة بالاخص موااااااح
|
||||
|
|
2012-03-09, 20:19
|
رقم المشاركة : 2 | ||||
|
اقتباس:
يعطيك الصحة حنونة الله لا ينحيك انتي ما فهمتينيش مليح الحبيبة انا قتلك حابة برنامج بدون العمل الروتيني ونخدمو وحدي اي نخلي اختي مع العمل اليومي وانا نتلها بالبرنامج ومرت خويا ما تكونش معايا لاهي ولا اختي المتزوجة يعني كي نروح انا تجي وحدة منهم وكي تروح تجي لخرى وفي زوج يقعدو لاتيين بولادهم ختي عندها 3 ولاد ومرت خويا عندها 4 اولاد الله يبارك اكيد من متطلباتهم ما راحش يخرجو ولكن ما عندك ما تغيري في البرنامج راه عجبني ونقدر نمشي عليه بدون مساعدة راه ساهل وكي نكمل نعاون اختي في شغل الدار العادي |
||||
|
|
|
| الكلمات الدلالية (Tags) |
| لمدبرة, مثالية", أوسم, الدورة, الرابعة"الرقي |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض المتطور
