والله غير الحمد لله والصغار راهم بخير يسال عليك الخير
بصحتها لجونة الجوهرة(حنا عندنا مين يخرج الصغير السنة اللولة نحكوهاله"غير خفيف" بحاجة نتاع فضة باش يخرجو سنيه بيضين ومتان)
الله يعطيك الصحة راكي قاسمت معاه الخدمة ماتنسيش الخلاص نهار تدخل الشهرية هاهاها
بصح قوليلي الله يخليك قريت كامل المشاركات نتاع البارح فالليل ,تقصرو حتى لل12 والصباح تنوضي بكري ولدرك ما ترقديش؟

الله غالب والفت و زيدي بنتي ماتخلينيش نرقد هي ترقد في وقت صوالحي و كي نولي دانرقد تنوض هي تحرم واش ندير

اهلا بيك معانا لوليتا

هاهاها ربي معاك
انا خفت على صحتك شوفي لبنات لخرين كي راهم مقيلين عليها راني غير انا وياك ولوليتا

مرحبا مرحبا لوليتا بلا ما تسقسي حنا غير اللي يضرب طلة علينا يولي واحد منا
كيما يقولو" يدخله الفيس نتاع النقا" ما يقدش يروح بعيد
(راها سماتك حبيبتنا اشورة" لوليتا")

ا حبيبة لحبيبة وين راكي و الله تقلقت عليك طولتي الله الله ارجعي لينا ...................................

مساء الانوار واش احوالك اختى مينننننننننننة و اشورة و حبيبة و مريم الجزائرية ووووووووووكل واحدة باسمها واهلا الى كل من انظم الينا
اليوم نضفت كاااااااااامل البيت و عملت كل حاجة فى بلاستها بقالى غسيل الملابس و نتهنى باش غدو نتهلى فى روحى و نكون يوم الثلاثاء على اتم الاستعداد للضيوف وان شاء الله نحكياكم كلشى بالتفصيل ساع بساعة
اليوم شريت ملابس البنتى و عمرها 3 سنوات و بقالى بنتى الاخرى وعمرها 5شهور ونا شريت 2بدعيات باش نضى بيهم ونبانو فى احسن صورة

اعتذر منكم تمت مداخلتى بحساب زوجى المرة مرة اخرى

[B]مساء الانوار واش راكي لاباس نشالله ربي يكون في العون و حبيت نسقسيك وشنهي البدعيات...........؟[/B]

ياعمري هاذي حاجة عادية انتي تدخلي بحساب راجلك و انا راجلي يدخل بحسابي دايما..........

مساء الخير عليكم اليوم قمت بواجبي الديني احمد لله ولكن انا مرانيش نمكي يعني مرانيش ندير لميكب وزوجي يحب يشوفني كي يجي من لخدما بيا مكي وشعري مجبود ولكن كيراني نصلي منقدرش نسكم روحي هكا والمشكل انا شعري شويا فريزي ناشف بزاف نهركامل وانا معصباتوا وكي نحب نروح للحفافة نتفكر بلي اليوم زعما روحت غدوا نغسلوا باش نصلي يعني دراهمي راحو في باطل قولولي واش ندير وهناك سؤال مهم بنسبة لقراءة القران هل يجب ان اكون على وضوء ام المهم فقط ان اكون طاهرة ارجو الجواب كما اني اسالكم ان كنت استطيع قراءة القران على النت حينما اكون معدورة
ااام امجد وش يعني البدعيات مفهمتهمش

حبيبة واش راكي حنونة
و واش راكم لبنات
والله توحشتكم بزااااف
والله ضاقت روحي هنا
و راني حبيت نحكي معاكم مي هناماكاينة حتى سوبار
و طلعت للمدينة باه نبعثلكم و نطمن عليكم
و ليوم دخلت نطل برك و يومين ولا راني نرجع للدار

انا ذرك نبكيلك
يعني غير انا ما عطيتينيش كادو
ماها اعطيني كادو ماتعطينيش شيكولا
ههههه

توحشتك حبيبة