الدورة الرابعة"الرقي لمدبرة منزل مثالية"

[ام مرية]

السلام عليكم واش احوالكم والله توحشتكم بزاف كنت نقرى في المشاركات اي فاتوني والردودونشكركم كامل الي سقسيتو عليا
اختي اسيل الله يشفيلك الوالدة والله غير صرالك كيما صرالي واحد الوقت دخلت يما للمستشفى 1شهر وكان في عمري 20 تخلطت عليا الامور في البداية ولانو امي كانت هازة الشغل الثقيل في الدار ولكن من بعد رجعت الامور الى نصابها كي درت جدول وعلقتو على الثلاجة وزعت العمل على كامل اليوم ماشي نخدم الصباح والعشية لالا ونجحت والحمد لله الي يدخل يحير يقولي وكان امك ما غادرتش المنزل وكان راه كاين الي يعاونك وفرحت يما بزاف بيا كي ولات ومن هذا الموقف الي صرالي وليت م مراة نتاع دار وسماتني يما البطلة وراها لليوم هي وبابا يعيطولي البطلة ربي يشافيلك ميمتك ويرجعها بخير ونتي ما تتقلقيش رانا كامل معاك ونساندوك واذا حتجتي اي حاجة رانا كامل هنا وايا الشاطرة نحبك تنتزعي مني اللقب ديالي

[اسيل1990]

المشاركة الأصلية كتبت بواسطة ام مرية

السلام عليكم واش احوالكم والله توحشتكم بزاف كنت نقرى في المشاركات اي فاتوني والردودونشكركم كامل الي سقسيتو عليا
اختي اسيل الله يشفيلك الوالدة والله غير صرالك كيما صرالي واحد الوقت دخلت يما للمستشفى 1شهر وكان في عمري 20 تخلطت عليا الامور في البداية ولانو امي كانت هازة الشغل الثقيل في الدار ولكن من بعد رجعت الامور الى نصابها كي درت جدول وعلقتو على الثلاجة وزعت العمل على كامل اليوم ماشي نخدم الصباح والعشية لالا ونجحت والحمد لله الي يدخل يحير يقولي وكان امك ما غادرتش المنزل وكان راه كاين الي يعاونك وفرحت يما بزاف بيا كي ولات ومن هذا الموقف الي صرالي وليت م مراة نتاع دار وسماتني يما البطلة وراها لليوم هي وبابا يعيطولي البطلة ربي يشافيلك ميمتك ويرجعها بخير ونتي ما تتقلقيش رانا كامل معاك ونساندوك واذا حتجتي اي حاجة رانا كامل هنا وايا الشاطرة نحبك تنتزعي مني اللقب ديالي

وعليكم السلام اختي الكريمة

انشاء الله حنونة تبرى برك والله متمنية نشوفها معايا في الدار اليوم قبل غدوة

ضرك انا تخلطتلي على خاطر خاوتي الدراري يقراو الكبير جامعي
و احد في المتوسطة و الصغير ابتدائي
كي عادو يقراو نبكر معهم نخدم شغلي و نوجدلهم الفطور باه نقدر نروح عند امي
لازم عليا نكمل شغلي ماكاين حتى واحد في الدار
نروح عندها و نرجع قبل مايجي خويا الصغير ماعندهمش وين يروحو

وانا مانحبش نخليهم بلا غداء و لا قهوة على بيها نزرب بالغداء ونروح لشغلي
راني نحاول نخدمهم كيما يلزم بقالي غير المشكل تاع الشغل
واقيلى ندير جدول كيفك