|
|
|
|||||||
| قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
الدورة الرابعة"الرقي لمدبرة منزل مثالية"
 |
|
|
أدوات الموضوع | انواع عرض الموضوع |
|
|
2012-03-01, 08:52
|
رقم المشاركة : 1 | ||||
|
صباح الخير للجميع اختي حبـــــــــــــــــــــــــــيبة  لا تؤاخذيني انا قرات كل هذا عندما دخلت الدورة غير اني ولربما من كثرة التعب اختلطت علي الأمور
لاني ظهر لي وكأني قرأت في بعض الردود انه امامنا مدة سنة قلت في نفسي هذا رائع ويمكنني المتابعة والمشاركة أكثر والاندماج و التعرف اكثرفاكثر لانه في هذه الدورة ما ابحث عنه من مساعدات خاصة في تربية اولادي وبما انني دائما تجدينني باعمال اضافية الخياطة او الطرز او الانترنت او الكروشيه ..... كنت قد بدات حفظ القرآن الكريم في مدرسة قرآنية مدة سنتين ولكني مع الحمل وانجاب ابنتي اضطررت للمكوث بالبيت ولم استطع المواضبة على الحفظ وحدي لذا سأجد نفسي في هذه الدورة ومسرورة بك وبمواضيعك المميزة فانا حين دخولي للدورة اقرا بتمعن ردودك على الأخوات ومواضيعك اسجلها عندي تمنيت لو كانت مدة السنة يا فرحة ما تمت كذلك تحدي الأسبوع اضنني لم اشارك في الأسبوع الفارط نسيته مع انشغالاتي فانا سالت لزيادة التاكد من كل شيء ولست لقلة اهتمامي وكما قلت لك ربما من كثرة التعب اختلطت علي الأمور لم اضع مشاركتي ولكني كنت اطل عليكم واقرا بعض المشاركات المهم في هذه الايام نقلكم واش كنت ندير نوض الصبا ح نصلي نقرأ أذكار الصباح واذا كفاني الوقت شوية قرآن نفتح كامل النوافذ من الخارج والبعض نخليه مفتوح قليلا باش يتغير الهواء نوجد الفطور لأولادي لانه راجلي يخرج بكري يصلي برك ويخرج نوقف عليهم على غسيلهم وفطورهم ولباسهم نمشط لبنتي نديهم للمدرسة نرجع نبدأ بالفراش ونلم شوية الحوايج المبعثرة نتاع الأولاد ندخل للمطبخ نبدا بالكسرة والغدا والماعن نطيب الكسرة اذاوصل وقت الأولاد نجيبهم اخذهم وارجاعهم كل مرة كيفاه ماشي دايما ساعات راجلي يعاونني نرجع لكامل الغرف وحدة وحدة ونقضي فيها واش لازمها من غبرة وزرابي و....و.... مع مسح ولو بخرقة نظيفة وتكون مبلولة شوية اماكن في الحائط تكون اتسخت بحكم عندي بنت صغيرة في الدار عندها 19 شهر اعزكم الله سطل القمامة عندي صراحة دائما يلمع لاني استعمل واحد بالحجم الصغير كل يومين ننظف غطاؤه تحت الحنفية بالفرشاة ومن داخل نستعمل ساشي وين تتعمر نرميها وتنظيفه كل ما استدعى ذلك الغسيل كلما وجد نغسله ما نخليش الغسيل ينتظر هذا هو العمل المعتاد لما نكون مشغولة او مرتبطة بأعمال أخرى ولما ما تكون هناك ارتباطات كل يوم ننظف ونسيق مكان في البيت مع التغيير اما في الفراش و الستائر او الديكور هذا الأسبوع انشغالي التام معاها مراجعة وتطبيقات هي في السنة الثالثة ابتدائي ودخلت بتخفيض السن للسنة الأولى وكذلك هي تضيع الوقت وحدها لازم نكون معاها بالحرف والوقت الباقي نسرقه باش نحضر لمسابقة التصميم ادعو معي أخواتي لأولادي بالصلاح لانه هذا واش هاممني في هذا الزمن ولما نكون نخدم في الشغل نسمع للقرآن ونردد مع المرتل او نسمع للرقيات المشروعة هذه لمحة عن حياتي ولمحة عن هذا الأسبوع واذا زدت تفكرت حاجة نقلكم عليها اليوم راني صايمة ربي يتقبل منا ومنكم صالح الاعمال سلام كيما قالت الاخت من قبل في الحلقة القادمة نتاع المسلسل
|
||||
|
|
2012-03-01, 15:46
|
رقم المشاركة : 2 | ||||
|
اقتباس:
يا صباح الخير و البركات
يا صباح اللؤلؤ و المرجان يا صباح الياقوت و الزمرد واش نزيدك تانيييي أممممم؟؟؟؟  غادي نحلك بيجوتري هنا و نزاحم راجلي في حرفته خخخخخ  ههههه الله عليك يا لآلىء مادابينا اديريلنا المسلسل نتاعك حبيبتنا أم مريا خلات بينا خلاتنا حتى والفنا نتبعوا حلقاتها و نعيشوا معاها أعمالها و حسن تدبيرها في بيتها طلع الجينيريك نتاع الحلقة الأخيرة  المهم حبيبتي على حساب ماراني نشوف راكي مشتتة نوعا ما ماشي مئة بالمئة لكن راكي مرتبطة ببزاااف حوايج وين ماراكيش قادرة تركزي 100/100 في كل حاجة ولو حتى كان ارتباطك بهاداك الشي ارتباط معنوي يعني كيما راكي دروك مع هاذ الدورة ما تخميش أبدا أنني نعتب عليك لؤلؤتي لالا نحسن عونك و إذا ما فهمتيش أي شي حاجة راني هنا لهاذ الشي راني داااائما في الخدمة ما تتردديش أبدا باش تتوجهي لينا لاحظت حبيبتي أنك عملك متقن و متزن في بيتك راكي دايرة برنامجك الخاص بيك و راكي دايرة مجهودك باش تلتازمي بيه ماشاء الله عليك إذا النصيحة اللي نقدمهالك لؤلؤتي ريحي معا نفسك لمدة معينة وحدك بعيدا عن الضوضاء و جو الاطفال فكري في كل الأمور المحيطة بيك فكري في كل احتياجات أولادك و زوجك و نفسك و بيتك فكري في مسؤولياتك إتجاههم و اتجاه الله عز و جل لوكان تجيبي ورقة وقلم يكون أحسن و اكتبي كل التزاماتك وواجباتك و رتبيها حسب الأولوية الاهم ثم المهم ثم الأقل أهمية و حددي لكل واحدة وقتها و من بعد اكتبي الارتباطات اللي راهم عندك يعني الدورات مثلا و حددي لكل وحدة وقتها و ميزي نفسك إذا كنتي قادرة تلتزمي بكل هاذ المسؤوليات و الارتباطات ولا لالا إذا كان نعم ديري برنامج يومي محدد بالمسؤوليات و أوقاتها و دخلي عليه الارتباطات كل بوقته اللي حددتيهله أما إذا كان لا فلازمك تتنازلي عن احد الارتباطات الأقل أهمية و تأجليه للمستقبل القريب وين تكوني أنهيتي التزام سابق و تفرغتي للجديد و هكذا مارايحاش تتلفلك و يتشتت تفكيرك عقلك في جيه و قلبك في جيه علابالي قلبك راهوا معانا ننصحك تخلينا غير للاسترخاء ادخلي لعندنا لما تحبي تنحي على خاطرك و تتمتعي بصحبتنا و ترتاحي معانا و فالايام القادمة رايحين يكونوا دورات أخرى باذن الله و حسب وقتك حبيبتي ممكن تلتزمي بهاد الدورة و خلاص ربي يكون في عونك و يوفقك لكل ماراكي متمنية توصليله اللهم آآآمييين |
||||
|
|
|
| الكلمات الدلالية (Tags) |
| لمدبرة, مثالية", أوسم, الدورة, الرابعة"الرقي |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض المتطور
