اقتباس:
المشاركة الأصلية كتبت بواسطة fifiarch
واش تحبو تعرفو على اعراس تبسة
راها تختلف من مكان لاخر في نفس الولاية
مثلا احنا عندنا
الراجل يخطب الطفلة
بعدين يقراو الفاتحة ويلبسها الخاتم
كاين ناس يلبسها خطيبها وكاين ناس لا تلبسها اختو او امو
بعدين يديرو التهنية
و فيها يجيبلها حاجة ذهب و دراهم
اكيد لازمو الشرط وهذا يختلف من شخص لاخر
واغلبية الناس يشرطو الصوف و المقياس
و اكيد لازمو الكسوة
كاين لي يجيبلها الكسوة هو وكاين لي يمدلها الدراهم تشري كسوتها وحدها والاغلبية عادو يمدو الدراهم للعروس تشري كسوتها وحدها
بعدين العرس
يجي تقريبا اسبوع كامل
ومن عاداتنا يوم الثلاثاء يديو الكبش لاهل العروسة
تروح معاه ام العريس و النساء لكبار في العمر
يوم الاربعاء صباحا العقد بالجماعة
مساءا حنة العروس
يروحو اهل العريس لدار العروسة و يجيبولها الكسوة معاهم و يحنيولها
يوزعو عليهم اهل العروسة القاطو
يوم الخميس الكورتاج
او ما يعرف بالهزان
نجيبو النساء نتاعنا الكبار والصغار ونديوهم في الطوموبيلات طيت طيت
نوصلو لدار العروسة نجيبوها يا اما تركب مع راجلها والا مع زوج بنات صغار ماشي متزوجين وكل واحد واش يحب
يجيبوها لدار العريس
نوزعو القاطو على الناس كاااااامل
نديرو برشة زهو وشطح
واكيد البارووود يقلب الدنيا
و نعشو اهلها
تروح العروسة مع راجلها لدارهم والا للفندق
هوما واش يحبو واهلها يروحو
و غدوة تجي العروسة يجيبها العريس و نسموها الصباحية
الناس كامل تشوف لعروسة
ويجو اهلها
يجيبولها الفطور معاهم
يبقاو يحكموهم اهل العريس للغدا
و يجي واحد من الاقارب المقربين لاهل العريس اخوه الكبير والا باباه او عمو
على حسب
يحزم العروسة بمحزمة
والعشية يبقاو غير اهل الدار
وتوزع العروسة عليهم الهدايا نتاع التعارف
لاخواتو و اخوانو
وفرات كل واحد يروح لدارو
بالزاف سمانة كاملة واحنا نجبدو
|
لو تتفضل علينا تعطينا تكاليف عموما يعني المهر الشرط .....الذهب ..................الخ
( تقرير عن مشاركة سيئة )، و الموجودة أسفل كل مشاركة .
2012-02-29, 21:51
العرض المتطور
