الدورة الرابعة"الرقي لمدبرة منزل مثالية"

[امينة مناد]

المشاركة الأصلية كتبت بواسطة ام مرية

اختي امينا مناد اختك راهي في فترة صعيبة بزاف ونتوما ما عرفتوش تتعاملو معاها الوغ زاد تعدائية وراهي تنتقم من الاخرين على الضروف الي مرت بيها انا نقول الوضع تفاقم بزاف واصبح معاه السكوت مستحيل الضرب ماراهش حل بل زاد الطين بلة انا عندي اختي في سنها واحد ما يسلك من يدها لا كبير ولا صغير ونمشيو معاها غير بالعقل ماشي خوف منها ولكن خوف عليها اما فيما يخص موضوع التكسار.... هادي الحركة من الشيطان وماكاش الي يقولك لالا لازم تعاونوها باش تلتزم مليح صلاة اذكار قرآن.... وزيد تبعوها وهتمو بيها وكلخولها مين داك بكاش كادو حسوها بلي راكم مهتمين بيها ماشي تقولولها انتجاتك قراو ونتي لالا ..شوفي ختك خير منك يا الفاشلة شوفي ختي ما كا كلمة تخلي الانسان فاشل قد كلمة يا الفاشل في الاخير ارقيلها شوية ماء وزيت راح يروح عليها القلق
ساعفوها ساعفوها ساعفوووووووووههههااااااااااااااااا

ام مرية صباح الخير والياسمين انشالله اتكوني بالف خير صدقيني اني نقوم بواجبي معاها كاخت وصديقة نعاونها ونكلخلها بصح كثرة اهتميت بها اضافتا اني نسكت كتهيني وتسبني مرارا وتكرارا ملي كانت صغيرة نقول معليش يجي نهار وتعقال عمرها ما حتارمتني في الاخير زادت اتهمتني بشرفي قدام ماما ولعروسة انا راني نادمة كرفت يدي عليها نادمة بزاف وان شاء الله نحاول في الايام القادمة باش نرضيها لخاطر علابالي بلي هي ماجيش وتطلب السماح معليش انا نقوم بواجبي ونكفر على دنبي انخلي زعافها يروح ونشريلها واش راهي حابة لخاطر لوكان نقدملها اي شيىء الان رايحا ترميه صدقيني اختي الان راني نتالم كي حدث هدا كله قدام امي مسكينة الليل والله مرقدتو وحسيت اني منافقة في ايماني وصلاتي اد ان المومنون لا يفعلون ما فعلته لا حول ولا قوة الا بالله وشكرا لكي اختي على تفاعلك معي لاني حقا في امس المساعدة كي اتغير

[sondse1]

تم بحمد الله برنامج اليوم
و ذرك راني رايحة لجارتي درتلها شوي بغرير مليح للنافسة
و من بعد نجي نكمل التروسو

[ام امجد14]

اختتى امينةمناد واقيلما انتبهتيش لمداخلتى بخصوص اختك ارجعى لصفحة و حاولى تردى علي من فضلك

[ام مرية]

اختي امينة مناد
قبل ما تفكري ترضي اختك ارضي امك قبل ماتقوليش كي ما هدرتش معناتها ما تجرحتش را قلب الاميتقطع كي تشوف الولادها ماشي متفاهمين امك تنتضر منك تساعديها في اختك
ما تندميش ياسر كي ضربتيها راها تستاهل ومن كلامك ربما اهتمامك الزايد وسكوتك عليها هوما السبب
اختي ما تزعفيش من كلامي انتي كيفاش حابتها تحترمك ذركوانتي مني من صغرها مولفتها تسبك وتهينك وما تعاقبيهاش كان لازم عليك توقفيها عند حدها منصغرها وما كنتيش مضطرة تضربيها اليوم ولكن الي فات مات خلينا في اليوم وغدوة ان شاء الله
1=كيراكي مالفة تهتمي بيها وما قدرتش هذا الشي وقفي اهتمامك بيها
2= ما تحاوليش ترضيها باي شكل من الاشكال باش تحس بلي راها غالطة في حقك
3=ما تعاوديش تهدري عليها هاواش دارت واش قالتلك هداك النهار باش ما تحسش بلي راها لفتت انتباهكم -ولو بالخطأ لانو تشوفو صح - وتوليلها عادة مين ذاك تتحرش باي فرد من العائلة وتعاود السيناريو تكسار وتقطاع حوايج
4=ما تزيدوش تعطيوها اهمية كبيرة مادام كي هتميتو بيها تفرعنت وما تمدحوهاش بزاف
5= المنايفة ايه المنايفة في هذي الحالة تجيب نتيجة معاها وراح هي تجي تسحللك ولكن ماشي مدة طويلة
6= ماتغيبيش على داركم مين داك اعملي دورة باش ماتحسش بلي راها خلات اثر فيك بالشي الي دارتو
هاني نوصيك اياك تروحي تحليها خليها هي تجي عندك ومن وجاي اياك تسكتيلها كي تهينك
اتهلاي في الميمة راه ما كانش منها زوج رضيها وفهميها وعلاش درتي هاك بعيدا عن مسامع اختك وتاني ماتشاركيهاش في اي حديث
ربي يجيب الخير ويهديها ارقولها بلاك راهي معيونة وماتلاش تضربوها راه الضرب ماشي مليح للمعيون

[ام مرية]

اختي ام امجد 14 كلامك درر ما شاء الله عليك

[Minnnaaa]

[CENTER]مساع الانوار
صحة فطوركم كيراكم حبيباتي؟
الحبيبة حبيبة علاه خيرتي المحاماة ومادرتيش علم النفس؟ والله يلا كلامك على التحدي راه في الصميم تقولي راكي تطلي عليا مالتاقا وتكتبي (ما عدا مشكل النوم فانا غير نحط راسي على المخدة راني في سابع نومة)
وان شاء الله نطبقالتحدي ونهزم العصبية نتاعي شر هزيمة
الحبيبةام ماريا الله راه شاهد دخلتي قلبي تقولي نعرفك هادا شعال وعلى جالك بدلت بلاصة الماريو ودرت كيفك حطيت طابلة عالية حدايا والله يلا سهلتلي الخدمة(الله ينور طريقك)راني حابة نغير منك في حاجة تاني وهي الخيلطة راكي شاطرة تبارك الله و انا عكسك مانحبش نخيط تماما ومين يكون عندي ترقاع نتاع القش داك النهار ماكانش اللي يهدر معايا هاهاها
الحبيبة ملاك الليل تبارك الله عليك خدمتك تفتح النفس وتشرح القلب راكي ملاك فاليل والنهار
الحبيبة اشورة بالاكي على "لوجينة"انا نخاف مالمشايا
الله يعطيك الصحة على الاتقان في لخدمة بصح واش من لانجات لي راكي تخدمي بيهم؟
الحبيبة امينة مناد راني حاسة بيك اختي العصبية راها تدر مولاها كتراعاننا الله واياكم باش نتغلبو عليها
حبيبتي سندس باللاتي وغير في عقلك يلا راكي تخدمي هاكدا في فترة النقاهة كي تريحي شاتديري؟باللعقل عندنا غير سندس وحدة في "لا كليك"
الحبيبة ام امجد الله يباركلك في عمرك ووليداتك ويرجعلك عزوجتك بخير راكي شرفتي فريق "الكناين "او" لعريسات" كيما يقولو في بعض المناطق

[ام مرية]

وانا تاني حبيتكم كامل وليت ما نقدرش على فراقكم اليوم راح نمشي لعند يما ما نعرف كيفاش نبات بلا ما نمسي عليكم غدوة العشية ان شاء الله نتلاقاو راني مازال ما نروح يما قريبة نروح غير مور العصر ان شاء الله

[ام مريم الجزائرية]

السلام عليكم لبنات الفحلات كيراكم
اليوم نهار السجاوة كملنا كامل بكري الحمد لله ربي يقدرنا
سندس اختي الحمد لله اللي تعافيتي بصح حاذري غير بشوية
ام امجد كيراكي اختي والاولاد ربي يسر لك نقولك حاجة انت نوي خدمتك لله وخلاص وماتقارعيش يشكروك وكي تشوفي حاجة اخدميها ومالازمش تخمي في واش راهم رايحين يقولو تفشلي قبل ماتصرا يعني توكلي على الله وربي يسهلك وتفوت كيما راكي باغية
ملاك وام مرية ومينة حبيبة واشورو ووو ربي يحفظكم

[ام مريم الجزائرية]

المشاركة الأصلية كتبت بواسطة ام مرية

وانا تاني حبيتكم كامل وليت ما نقدرش على فراقكم اليوم راح نمشي لعند يما ما نعرف كيفاش نبات بلا ما نمسي عليكم غدوة العشية ان شاء الله نتلاقاو راني مازال ما نروح يما قريبة نروح غير مور العصر ان شاء الله

بصحتك المرواح لميمتك تهلاي فيها راهي الحياة بلا بيها تستمر ولكن صامطة وانا توحشت ميمتي الله يرحمها

[Minnnaaa]

[QUOTE=ام مرية;9027187]وانا تاني حبيتكم كامل وليت ما نقدرش على فراقكم اليوم راح نمشي لعند يما ما نعرف كيفاش نبات بلا ما نمسي عليكم غدوة العشية ان شاء الله نتلاقاو راني مازال ما نروح يما قريبة نروح غير مور العصر ان شاء الله[/QUOTE
سلميلنا على يماك بزاف بزاف تروحي وترجعي بخير انشاء الله وتهليلي في "مرورتي"

[oum rahma]

تحياتي ليكم كامل دون ذكر اسماء باش ماننساش حتى وحدة

ربي يعاونكم يا الشاطرات

ليوم عملت تنظيف يومي وركزت على الصالة والحمام

نفضت الغبرة تاع لفوتايات ومسحت الاثاث الموجود بلنجات

ثم مسحت الارضية بسائل بنكهة ليمون ممممممم الريحة الزكية في كل مكان

وبدلت الديكور عاندت عليكم

والحمام استخدمت سائل رغوي مخلوط بالجافيل غسلت بيه لافابو والبينوار وكل شيء

لموبل الموجود فوق لافابو مسحتلو الزجاج والاشياء الموجودة بالداخل كانت مرتبة الحمد لله

والموبل تحت لافابو ايضا مسحتو مسحة خفيفة

مسحت اللارضية ثم رجعت الزجاجات لي نظفت بيهم وكي شاح فرشت التابيات

ايضا حطيت القش في الغسالة كي كملت نشرتو في ساش لانج

واخيرا ضربتها بتدويشة هايلة وعملت المرطب تاعي وضرك رايحة نقرى وردي اليومي

[حبييبة]

المشاركة الأصلية كتبت بواسطة sondse1

صباح الخير عليكم
لبارح ما قدرتش ندخل نكملكم وش درت
المهم كملت شغلي جوايه 1.30
نضمت الصالة كامل و زدت مسحت لي موبل نتاع الصالة لكبيرة و سيقتها
ومن بعد بخرت الحالة كامل و رحت لجارتي ديتلها حريرة لانها زيدت " رزقت بمولودة "
ومن بعد رجعت للدار درت العشا و خدمت شوي في التروسو و من بعد حطيت العشا اللي كان كسكس بالجاج و من بعد غسلت المواعن و سكرت الكوزينة و رحت نكمل التروسو

بارك الله فيك مريومتي
و جعله الله في ميزان حسناتك
ههههه
أنا نوصي فيك على روحك
و انتي تتهلي في جيرانك
تباريك الله عليك
الله يعينك على فعل الخير
و يوفقك و يفتح عليك

عملك متقن كالعادة مريومتي
و متزن لكن قلتيلي قالك الطبيب
ما تقدريش تسيقي
ولا
لالا؟؟
إذا كان هاكدا
خلي بنت عمك لما تجي عندك تتولى هاد المهمة

المشاركة الأصلية كتبت بواسطة sondse1

وذرك مع برنامج اليوم

نضت على 5.30 كي العادة و توضيت و صليت و قريت القران و الاذكار
و من بعد يبت القهوة و الحليب و جبت الزبدة و المعجون و الخبز و المقروط و جاب خويا الكرواسون
و حطيتهم فوق الطابلة و غطيتهم حتان ينوضو
و من بعد غسلت الموانعن و كنست الكوزينة
خرجت من الكوزينة للهول نضمتو و بخرتو و كنستو و من بعد طلت للطابق الثالث و هويتو
و من بعد الطابق الثاني هويتو و رتبتو شوي مربج و من بعد طلعت البخور و بخرتو هو تاني
و من بعد كي ناضو خاوتي و بني عمي هويت كامل البيت
و ذرك راني متوجهة ندير باقي البرنامج

بالتوفيق للجميع

الله يبارك عليك
عادتك عادتك
و نقولك رغم هاد العادة اللي راني خايفة عليك منها
بصح ندعيلك الله لا يغيرها عادة
عادة النهوض الصباح بكري
و الاستمتاع ببركة الرحمن
في أول الصباح
ربي يكون في عونك
أنا راني دايرة فيك الثقة أنك مراقبة روحك
و عينك هي ميزانك
لما تحسي روحك ما قدرتيش تخدمي شي حاجة
توقفي و ارتاحي
راني تاكلة عليك في هاذ الأمر
ربي يحفظك حبيبتي من كل شر
اللهم آآآمييين

[Minnnaaa]

المشاركة الأصلية كتبت بواسطة ام مرية

وانا تاني حبيتكم كامل وليت ما نقدرش على فراقكم اليوم راح نمشي لعند يما ما نعرف كيفاش نبات بلا ما نمسي عليكم غدوة العشية ان شاء الله نتلاقاو راني مازال ما نروح يما قريبة نروح غير مور العصر ان شاء الله

سلميلنا على الوالدة بزاف بزاف تهليلي في مرورتي

[دعاء القلوب]

المشاركة الأصلية كتبت بواسطة oum rahma

تحياتي ليكم كامل دون ذكر اسماء باش ماننساش حتى وحدة

ربي يعاونكم يا الشاطرات

ليوم عملت تنظيف يومي وركزت على الصالة والحمام

نفضت الغبرة تاع لفوتايات ومسحت الاثاث الموجود بلنجات

ثم مسحت الارضية بسائل بنكهة ليمون ممممممم الريحة الزكية في كل مكان

وبدلت الديكور عاندت عليكم

والحمام استخدمت سائل رغوي مخلوط بالجافيل غسلت بيه لافابو والبينوار وكل شيء

لموبل الموجود فوق لافابو مسحتلو الزجاج والاشياء الموجودة بالداخل كانت مرتبة الحمد لله

والموبل تحت لافابو ايضا مسحتو مسحة خفيفة

مسحت اللارضية ثم رجعت الزجاجات لي نظفت بيهم وكي شاح فرشت التابيات

ايضا حطيت القش في الغسالة كي كملت نشرتو في ساش لانج

واخيرا ضربتها بتدويشة هايلة وعملت المرطب تاعي وضرك رايحة نقرى وردي اليومي

اهلا بالعزيزة واش راكي ام رحمة و الله ليك وحشة وين هاد الغيبة ياك غير الخير

[Minnnaaa]

حبيبتي ام رحمة راكي هنا وانا نحوس عليك في قسم الحلويات؟ الله يعطيك الصحة منا راني نشم في ريحة النقاوة هاهاها

حبيبتي ام مريم بارك الله فيك والله يحفظك تاني نتيا