لنتشارك تدابيرنا و تنظيفاتنا اليومية في بيوتنا

[ام مرية]

السلام عليكم
قبل ما نبدى في الحلقة الرابعة حبيت نكر الاخت حبيبة على اهتمامها الكبير بيا وباحوالي وحبيت نقولي مانزعف منك مهما تقولي وزيد انا ماعملت كامل البيوت في نهار بيت النوم ديالي في نهار ومن بعد يومين عمل البيوت لخرين في نهار كي جاوني ساهلين برك ولا ما نعملهمش في نهار نقتل روحي ول ه

الحلقة الرابعة
المطبخ وما ادراك ما المطبخ
اول شي عملتو هواني غسلت الكوة والثلاجة وخرجتهم من المطبخ والحق كنت نضن يتعبوني ولكن الحمد لله من بعد فرغت كامل العلب الي عندي نتاع الملح وكامل التوابل القهوة السكر الشاي المرمز الفريك وانا عندي بزاف القشاقش لاني نحب الطياب من الصميم قلت نقعتهم في ماء ساخن وصابون واجافال وفرغت ليزينيمو من صوالحو وغسلت الي تتغسل ورميت الي تترما ومسحتو كامل وغسلت الزجاج نتاعو وخليتو ينشف وهبطت للبلاكار نتاع البوتاجي انا عاملة جيها للسميد وشتقاتو وجيها للقدور وهادوك الصوالح غسلت ونضفت كيما ينبغي جيهة القدور وجيهة السميد حايدتو بجيه وكنست فقط خفت من الميديتي ورجعت كلشي لمكانو وغسلت البلارات الي كنت نقعتهم يكا راكم شافيين غسلتهم مليح وحطيتهم ينشفو وجدت فطور خفيف ومارية راحت لعند يما عليها الي ما بانلكمش حسهاههههههه و مسحت الكالاج ورجعة الثلاجة والفرن ونقعت الطابونة بليلة قبل وغسلتها مع الكوشة وتيوات نتاع الغاز ورجعت كلشي لمضربو وفطرت شهريار ورجعت للكوزينة كي راح للعمل ديالو عملت اخر التشطيبات غيرت الليزور ولي نابرو وغيرت شوية الديكور باش يبان العمل ديالي وشريت من بعد مدة شوية اكسيسوارات من بعد نكمل لخرين وهكذا بلعت الباب انتاع الكوزينة وهي تشعل لوكان فقت لوكان صورت ولكن ما علاباليش بلي كاين هذا الموضوع
الى اللقاء في الحلقة القادمة ولي راح تكون الصالووووووووووون