بيني تاع البحر مع شخشوخة من مطبخي

[ميمنة الجزائر]

تشكرون حبيباتي كامل اللي طليتو عليا هنا وراني جبتلكم الوصفة بسم الله الرحمن الرحيم حمحم

اولا 2 كوبين من اتلفرينة النخولة او اللي تسيريها
1 بيضة 1 ملعقة كبيرة سكر
1 ملعقة زيت

برش القارس او زاست تاع القارس

1 ملعقة تاع الخميرة تاع الخبز

بليهم كامل مع الحليب قدر فنجان او اكثر عينك هي ميزانك لانو حتى تتشكل عجينة تكونشوية يابسة ماهي جارية يعني شادة روحها

لميها مليح بكفك وبعدين حطيها في صحن تطلع وغطيها بالفيلم اليمونتار بعد نص ساعة تلقايها خمرت

هبطيلها الطلوع بصح بكفك فقط حتى تشوفيهاتلمت مليح وحطيها للمرة الثانية تطلع قدر ربع ساعة او عشرين د المهم تشوفيها طلعت للمرة الثانية فرشي الفرينة فوق الطاولة وحليها حتى تولي رقيقةوبعدين شكليها على حساب المودال اللي تحبي ولا دوائر وخليها خمس د وحطي الزيت يغلي واقليها فيها تجي منفوخة وحدها وايضا بعد مل تقليها حطيها في بابي ابسوربو باه ما ترفدش الزيت بزااف

وكل وحدة تزوقها على كيفها انا نحبها بالمعجون من الداخل وكاين اللي يديرها بالعسل وكاين اللي يدرها بالسكر والمعجون من الداخل جربوها ومما تندموش خلاص

وشكرا لكم حبيباتي كامل على طلتكم الزينة هنا