مازال صغيرة"ماتعرفش"

[جسور المحبة]

المشاركة الأصلية كتبت بواسطة عطر الملكة

و الله يا اختي جسور غير كلامك صواب
قسما بالله غير دخلت الكوزينة في سن مبكر جدا في سن 11 سنة كنت نحاول نتعلم و الاكلات التقليدية و الصعبة تعلمتها كامل في فترة المتوسط و نزيدك حاجة بخصوص المنسج والدتي ست بيت و تعمل القشاشب و البرانس نتاع الوبر لي علاقة كبيرة مع المسنج و زمان كنت كي تجي عطلة الصيف نسدي زربية نتاع عقدة نجيب بيها فترة الصيف لو قدرت نحطلك صور على الزرابى الي خادمتهم كانت عندي هواية و حب كبير للصناعة التقليدية
و الحمد لله درسنا في الجامعة دون ان يؤثر ذلك على شغلنا بالبيت
و كاين الي عمرهم ما دخلو المدرسة و طول عمرهم بالبيت و حبة موسكوتشو ما يعرفوش يخدموها ساليهم على اخبار ليلى علوي و مهند و جماعتو يحكولك عنهم بالتفصيل الممل طول ايامهم تجوز امام التلفزيون حتى بيوتهم هي هي شي ما تغير فيها
و طبعا الامر نسبي كاين و كاين ربي خلق و فرق و هذي كلها امور ترجع للتربية

والله يا عطور انني لقيت الجامعة بحر هزي منو وش تحبي كيما النت تماما وشفت بنات لما يكون عندهم فراغ ينخرطو في جمعيات تع الطبخ والخياطو ووووووووو كاين لي ما يخرجوش في للجمعيات ويعرفو بزاف صوالح الطرز والخياطة والطبخ ووالله كانت عندي صديقتي وهي معلمة في التانوي وتقرا ماجيستير ويااااااااااااااه على الخياطة لي تخيطها خبرة عشر سنين تحفة كلش بلاكوموند حتى لي غوب مونطو والحجابات يعني الله يبارك
امالا ما نحقرو بحتى واحد مش لي قرات في الجامعة راهي جايحة والعكس انا نشوف بلي النجاح في مجال امور البيت لازمو ارادة وحب وهواية ولو كان نقولك ماتصدقيش اول مرة طيبت وميما خرجت كان في عمري تسع سنين وكن نشوفها لما طيب ونتابعها امالا طيبت طعام وواحد الخضرة ماقشرتهاش خليتها بقشورها ولضرك راهم يعايروني بيها
هههههههههههههه