رأيكم في قصتي

[hadjer.m]

شوفي اختي لا تستغبي افعاله بل استغربي افعالك
( واعذريني على قسوتي)
لكن كلكم اخواتي هنا في المنتدى
يسما هذا راه يحتقر فيك برك
و هذا حال اساتذة الجامعة ( الا من رحم ربي)
و لو لم يجد منك تساهلا لما تمادى
يعني اساتذة الجامعة عندهم النظرة تاع البنات الكل يحوسو غير يلصقوا ، و هاذي الصورة طبعا ما جاتش من فراغ ، بزاف بنات (حشاكم ) لصقة صح و بكل الطرق ( ربي يستر على بنانا و اولادنا) ، راني نقرافي الجامعة و نشوف مناظر و الله قلبك يدور
ما لا على هاديك ، الاساتذة تاني لاقيين التمسخير علاش ما يتمسخروش ، علاش ما يعقبوش الوقت ؟؟؟ (و لكن ربي يمهل و لا يهمل)
و شوفي كاين بنات على سذاجتهم او ممكن هي تكون نيتها صافية ، و ما تقومش باعمال او تصرفات مخلة بالحياء ، لكن تتساهل مع هاذو الذئاب البشرية ، لكن هوما يحطوها في خانة "........."
ما لا اختي في هذا الزمن شخص واحد تبينيلو سنيك "زوجك" حتى الابتسامة امحيها قدام اي رجل ليس من محارمك ، فمابالك تقعدي معاه وحدك لاااااااااااااااااا و الف لا
و كي كشما يدير كشري عن انيابك ، و ما تخافي لا من نقطة لا من صابوتاج ، شهادة الدكتوراه لي راح تخسرك عفتك و احترامك لنفسك ما عندك ما تديري بيها ، و شوفي لي يتمسك بدينو تاكدي بلي ربي ما يضيعوش
يعني هو ما كانش حاجة بدون مقابل و تاكدي بلي البنت لي تحافظ على دينها تعاني الامرين في الجامعة الجزائرية ، خاصة اساتذة عشرة بألف فرنك هاذو ( الا من رحم ربي) ، لكن قولي لروحك انا راني نحوس على جنة الفردوس ، حاجة ما هي اغلى منها ، ما لا تروح الدنيا بواش فيها ، ما عندي ما ندير بيها

دمتم بود