بارك الله فيكي أخية على الموضوع
شوفي كاين ناس الكذب يمشي في دمهم ، و يألفو قصص بعد ( خرطي * خرطي) و يعجبك ما يغلطش خلاص مع انو مألفلك 100 قصة ، هاذو كارثة أخلاقية بل و تلقايهم مرضى نفسانيين ، يعانيو عادة من الكبت يعني اشياء ما قدروش يديروها في الواقع ما لا يتخيلوها ، و يخي يقلك كذب كذبة و صدقها ، يعني يعيش جو الكذبة بعد ، و هاذو يروحو لطبيب نفسي ، و اغلبهم تلقايهم ضعاف الايمان لانو القرآن أعظم علاج نفسي
اما بالنسبة لباقي الناس فانا من وجهة نظري مكانش في وقتنا الحالي لا جامي كذب !!! يعني ما نتخيلهاش ، واحد يقلو واحد سلفلي دراهم ( وعلابالو بيه ما يرجعش ) يقلو ماعنديش و هو عندو ، تسقسيك أستاذتك و ينو الواجب ، تقلها نسيت و نتا تفكرتو بصح كان ماتش ريال و البرصا علابيها ما درتوش ، نتي يقلك خطيبك عجبك الكادو تقوليلو يهبل ( و نتي في داخلك تقولي هاذا العطر ما نحبوش و لا هذا اللون ما يعجبنيش بزاف) ، يعني هكدا حوايج في بالنا pas grave يعني رانا ننقذو في مواقف " يقلك كذبة بيضة" و هي ماكانش منها
نسأل الله الهداية
اما الكذب في اشياء مصيرية ، و هاذي خاصة في الخطبة ، تقلك مثلا ولدي خدام و بعد الزواج يطلع باباه يصرف عليه ، تقلك يصلي و هو ما يركعش ركعة ، الطفلة نفس الشي تقلك الدنيا كل تعرفها و يلقاوها ما تعرفش تقلي بيضة
و المتزوجات تاني تقول لزوجها رايح لدار بابا و مبعد من دار لدار ( و هاذي وصلت للطلاق ) عافانا الله و اياكم ، و على حاجة تافهة كيما هادي يتشردو الاولاد
و القائمة طويلة مي هدا و اش تفكرت درك ،
المهم كيما ذكرو الإخوة في تعليقاتهم الكذب راه حرااااااااااااااااااام و يؤدي للهاوية ، ما لا يزينا بلا عقلية" كذبة بيضة" و نتذكروا دائما بلي " انا مسلم و المسلم لا يكذب"
و نسأل الله التوفيق و الهداية
( تقرير عن مشاركة سيئة )، و الموجودة أسفل كل مشاركة .
2012-01-30, 10:10
العرض المتطور
