الدورة الثانية للموظفات"نعم موظفة و ربة منزل أقدر و مستحيل أن أفشل"

emily21 · 2012-01-26, 21:54

راني نطبق البرنامج تاعك لكن ليس كله مع الأولاد والبيبي مايكفينيش الوقت المهم أني أنظف الأرضية و المغاسل والغبرة لكن المتبقي نطبق فيه في كل مرة حاجة حتى نكملو وين يسمحلي الوقت وربي يعيننا على ذلك مشكورة حنونةعلى كل النصائح التي قدمتيها أقصد الأخت حبيبة ومينة على فكرة الأخت حبيبة أرجو أن تعطيني رابط مواد التجميل لقولتيهم لأخت من قبل مثل بوندس راني حوست عليهم وما لقيتهمش في الصفحات من قبل وشكرا

حبييبة · 2012-01-27, 10:03

صباحكم إشراقة محبة و فرح

صباحكم نور صلوات على الرسول وعبادة

صباح البركة والمغفرة

صباح لذة الطاعة وفرحتها

صباح السعادة والفرح الذي يملأ القلوب بطاعة الله

حبييبة · 2012-01-27, 10:32

أتعرفن ماذا ينتظركن يوم الجمعة ؟

* سورة الكهف تقرأنها لتنير لكن بين الجمعتين ..

* رسولكن الكريم تسلمن عليه ليرد عليكن السلام ..

* أرواح تعرفنها انتقلت إلى بارئها تستغفرن لها ..

"اللهم أغفر للمؤمنين و المؤمنات و المسلمين و المسلمات الأحياء منهم و الأموات"

* دعوة تدعينها لتستجاب لكن ولأهلكن وللمرسل الذي يحبكن ..

لا تكتمل فرحتي بيوم الجمعة ..
إلا بتواصلي مع أشخاص لهم مكانة مميزة في قلبي ..
فأدعو الله أن يسعدهم ..
ويبسط رزقهم ..
وبرؤية وجهه الكريم يكرمهم ..

عطر الله جمعتكن برياحين الـــــــــجنة
وظللكن بأغصان بساتينها
وسقاكن من زلال كوثرها
وجعلكن من المغتنمين لوقـــــــــــــتها
بكثرة الصلاة على الحبيب المصطفى
التالين لسورة الكـــــــــــــهف
الناجين في يوم النفخ والحشر
الثابتين على الحق
حتى لقاء حبيبنا محمد صلى الله عليه وسلم

في يوم الجمعة تنثر لآلئ الدعاء ..
فانظمنها حتى تسعدن بارتداء عقد الاستجابة ..

ملأ الله جمعتكن بالأنوار ..
وسر قلوبكن بخير الأخبار ..
وجعل معادكن جنة الأبرار ..

جـمـ "طيبة"ـــعة ..
ودعـ "مجابة"ــوة ..
وجــ "مرجوة"ــنة ..

حبييبة · 2012-01-27, 10:35

اقتباس:

المشاركة الأصلية كتبت بواسطة emily21

راني نطبق البرنامج تاعك لكن ليس كله مع الأولاد والبيبي مايكفينيش الوقت المهم أني أنظف الأرضية و المغاسل والغبرة لكن المتبقي نطبق فيه في كل مرة حاجة حتى نكملو وين يسمحلي الوقت وربي يعيننا على ذلك مشكورة حنونةعلى كل النصائح التي قدمتيها أقصد الأخت حبيبة ومينة على فكرة الأخت حبيبة أرجو أن تعطيني رابط مواد التجميل لقولتيهم لأخت من قبل مثل بوندس راني حوست عليهم وما لقيتهمش في الصفحات من قبل وشكرا

حبيبتي إيميلي
تبارك الله عليك
ماعليش حبيبتي دائما البداية صعبة
و شيئا فشيئا رايحة انت و كل أفراد
الاسرة نتاعك توالفوا الريتم الجديد
و رايحة بدون تفكير تلقي روحك
تتمشي على البرنامج بحذافيره دون أدنى عناء
أبشري حبيبتي

حاضر حبيبتي راحة
نحوسلك عليها
و نجيبلك الرابط
ماكان حتى مشكل أنا في الخدمة
جمعة مباركة

حبييبة · 2012-01-27, 11:03

حبيبتي إيميلي
رايحة نقولك كامل واش ندير لنفسي من كريمات أو مواد طبيعية

الوجه
تونيك ماء الورد

ثم
مجموعة بوندس
مقشر، غاسول، كريم ليلي و نهاري

مجموعة أولاي للتفتيح
مقشر ، غاسول ، كريم ليلي و نهاري

غاسول الوجه من كلين أند كلير

صابونة دوف بالليمووووون

صابونة كلين أند كلير

لجسمي

جيل دوش من جونسن برائحة الخوووووووخ

إضغط هنا لرؤية الصورة بحجمها الطبيعي.

جيل الاستحمام دوووووووف

بعد الاستحمام

زيت اللوز الطبيعي لتفتيح بشرة الجسم

إضغط هنا لرؤية الصورة بحجمها الطبيعي.

للترطيب كريم فازلين بزبدة الكاكاو و الثاني الأبيض المرطب الكامل

لشعري

حمام الزيت

زيت اللوز

زيت الزيتون

زيت الخروع

إضغط هنا لرؤية الصورة بحجمها الطبيعي.

لغسله

مجموعة أولاي الأزرق للشعر الجاف
شمبوان + بلسم + ماسك الشعر

lمجموعة إلسيف للشعر الجاف

lمجموعة غارنييه فريكتوس

[IMG]https://www.pure-beaute.fr/wp-*******/uploads/2010/11/garnier-fructis.jpg[/IMG]

بعد غسله و أن يجف قليلا و قبل لفه (توربيون) ( ملاحظة هادي مدة سنة و نصف ما درتش سيشوار لشعري هادا كان تحدي معا نفسي و فزت فيه الحمد لله)

أضع تونيك فازلين للشعر روعععععععععة

إضغط هنا لرؤية الصورة بحجمها الطبيعي.

يدي و رجلي

كريم فازلين للترطيب

أما المواد الطبيعية

هي عبارة عن ماسكات لوجهي و جسمي و شعري

سوف أذكرها لك في أقرب وقت ممكن بإذن الله

حبييبة · 2012-01-27, 11:08

إيميلي راني نسخلتك
كامل برنامجي اللي طبقته على نفسي
منذ أكثر من سنتين
إلى اليوم
هاهو:

اقتباس:
المشاركة الأصلية كتبت بواسطة lynsouha

ماشاء الله
ماتضحكيش عليا حبيبة باش ندير كامل هذا المواد ونزيد نطبق البرنامج ديالك لازم نوظ على 4 صباحا

انت واش راكي مجربة هذه

او

لاني بوند منعرفهاش جامي شفتها
املا واش جربتي جيدا انت شخصيا.
غسول الوجه نستعملوا في مكان الصابون يك هكدا مارانيش غالطة .
والمسك دييب ماهي منافعهه
اعطيني اكثر تفاصيل
والفازلين الخاص بالشعر اول مرة نشوفوا

انا في الحقيقةنستعمل elseve
dov فقط
نتمني تعطوني اكثر تفاصيل لاني راني روطار بزاف فهذا الامور على حساب واش راني نشوف :d

الله يحفظك
شوفي حبيبتي ماشي حاجة صعيبة باش ديري كامل هادو
ما تنوضي على الربعة ما والوا

انت لما تنوضي الصباح مارايحاش تغسلي وجهك؟؟
نعم!!!!
إغسليه بغاسول الوجه اللي يوالم نوع البشرة نتاعك (أنا بشرتي دهنية و كان فيها حب الشباب و الحبوب السوداء)

و راحة بطبيعة الحال تنشفيه بالفوطة الخاصة بيك نتاع وجهك..
فوتي عليه قطنة مشمخة بشوية ماء الورد باش يشد و يقفل المسام و مايدخلهاش ميكروب و يصفيلك البشرة و يوردلك خدودك طبيعيا
و من بعد حطي كريم النهار من أولاي ولا بوندس(راهي موجودة في الأسواق ميزي مليح و رايحة تلقيها في كل المحلات ولا سقسي عليها تجار أصحاب محلات العطور و مواد التجميل و هوما يدلوك عليها)
أنا إستعملتهم في زوج و لزوج ملاح و خرجولي غاية على وجهي و مانحتاجش نحط فوندوتا على وجهي أبدا أبدا هوما يلعبوا دور الفوندوتا اللي ينحط قبل الماكياج

و من بعدها روحي قومي بأشغالك عادي

*******
لما تحبي دوشي
او تغتسلي كل يوم و ياريت الغسل الخفيف اللي غير مالفوق يكون الصباح بعد الإنتهاء من الأشغال
و الإغتسال (دوش خفيف) يكون قبل النوم بساعتين على الأقل
إختاري جيل دوش مرطب يرطب البشرة ما ينشفهاش
ومن بعدها و نتي فالدوش حطي كريم فازلين مرطب بشرة الجسم ولا زيت اللوز راه مليح بزاف لتصفية بشرة الجسم و يوحد اللون للجسم و الوجه عن تجربة ( كل اللي قتلك عليه راني مجرباته و نديره يوميا) و مارايحش يبقى ماتخافيش لا ريحة ولا ملمس رايحة تتشربه البشرة فورا..

و حطي الكريم الليلي لوجهك

*******

مرة كل أسبوع إذا كان شعرك ناشف كي تنوضي الصباح ديري ماسك الزيت(حمام زيت) لشعرك و غطيه بغطاء بلاستيك ثم فولار

و خدمي شغالك و من بعد دوشي عادي...

بالنسبة للغاسول و الصابونة

أنا كان عندي حب شباب و الحمد لله قضيت عليه و هادا تاني كان تحدي عندي معا نفسي و فزت فيه بفضل الله قضيت عليه طبيعيا بالإضافة إلى الغاسول و الصابون و الكريمات

نغسل وجهي على الأقل مرتين في اليوم و الأكثر 3 مرات فقط الصباح نغسل وجهي بالغاسول و في المساء بالصابونة (دوف بالليمون تصفي الوجه فعالة جدا)

بالنسبة للماسكات للوجه و الشعر رايحة نرجع ليهم و نقولهملك بإذن الله

شعري سبحان الله عطاني شعر مليح ماشي شباب بزاف لكن رحمة ربي
لكن أنا القافزة كنت نمووووت على السيشوار ما عرفتش نحافظ عليه و خسرته حتى ولا ما يتشبه لوالوا
رغم أني محجبة منذ سنوااااااااااااات يعني شعري ما تشوفهش الشمس
و ما نديرلهش الصبايغ أبدا
و مازاد الطينة بلة أني ما كنتش نلقى الفايدة في شامبوهات هيلد أند شودرز و بانتين
بقيت نغسلوا بشامبو الأطفال
"و تلك كانت الكارثة"
هههههههه
( تحسبي راني نحكي فيلم سوسبانس)
رغم ذلك "حرقته"
نعم تحرقلي
وقفت معا نفسي وقفة "رجل لرجل" هههههه
أخذت قرار نرجعه مثل ماكان لأن ربي عطاني نعمة و أنا ماعرفتش نستحفظ عليها
طلبت المغفرة من الله و عاهدت نفسي بإصلاحه طبيعيا + الشمبوانات و الماسكات الملائمة + ووعدت نفسي باش ما نزيدش ندير سشوار أبدا إلى ليلة عرسي ( و بالاك رايحة نستغنى عليه.. ههههه)
بديت بالماسكات الطبيعية اللي كانت قاعدة مكوناتها:
العسل الحر، زيت اللوز، زيت الخروع، زيت الزيتون، الخميرة، الزبدة....
و بديت نغسله بالشامبوهات السابقة واحد بعد الثاني كمراحل علاج
بديت بدوف الأحمر
ثم إنتقلت لدوف الأزرق
اللي بدا يرجعلي الصحة لشعري
ثم إلسيف لوريال البرتقالي
تاني زاد حسنلي شعري أكثر
ثم شامبو غارنييه اللي مازالني نستعملوا إلى الآن
و الحمد لله راني برك نغسله و نشفه خفيف بالفوطة دون فركه بها حتى لا يتقصف
من بعد نحط فازلين للشعر ومن بعد نلفه توربيون ساعتين على جيهة و ساعتين على الجيهة الثانية
و الحمد لله رجعلي شعري صحي و منسدل و كأنني درت سيشوار

نتمنى نكون أفدتك حبيبتي
أرجو أن لا تستصعبي أي أمر في الدنيا أبدا
إعلمي أن أي أمر فيه صلاحك أو صلاح أي شخص من حولك ربي راهو معاك و يوفقك فيه و مارايحاش تحسي بروحك غير و انتي دايراته و مكملاته سبحان الله