معايير اختياركم لأزواج المستقبل

[chamam]

المشاركة الأصلية كتبت بواسطة خوله فاشن

هل هذه مقاييس لنحكم على شخص ونعرض عن الحديث في خطبة وزواج ؟؟



ما هي مقاييسكم لتعجبوا بالفتاة وتُقدموا على خطبتها ؟

وما هي مقاييسكن لتقبلن بمن يخطبكن ؟؟

اكيد كاين حوايج بزاف اهمها الشخصيه الشخصيه الشخصيه ثلاث مرات باسك انا مانحبش اللي شخصيته ضعيفه والا جايح والا يستنى مرته وش تجيب له لالالالالالا نبغاه راجل انتاع الصح ماشي راجل بالعادات والتقاليد وزاده مايكونش يستعرف بالعادات والتقاليد كامل لاني ضدها طبعا في الزواج لازم يكون راجل ماشي يوم العرس نجيب له حوايج الدار لالا هو الراجل يجيب كلش متعصبه شوي ههههههههه والشكل لابد منه مانقدروش ننكره

أتوقع أن الإجابات ستتركز في من يُظهر حسن الخلق والاحترام
وأن المال آخر ما يُنظر إليه
صح المال مش مهم بالصح يكون راجل عن حق وحقيقه ماشي ماعندوش الدراهم ويتاكل على واش تجيب له مرته ويقعد على شهريه وحده لازم يكون له طموح

لكن ما مكانة المظهر الخارجي في كل ذلك
وكيف نحكم على شخص من خلال مظهره وحده؟؟
المظهر ليه مكانه اكيد في مشيته في شخصيته في نظرته في لبسه لاكان انتاع لامود اعرفيه باللي والوووو الرجله لازم تكون ثبات مش يعني يلبس راشي لايكون لبسه فور رجله هكا ماشي تريكووو غوووووووز ويكون الغاشي كامل يخافوا هههههههههههههههههه تعبتكم معايا خلاص

اذا تقدم رجل لامرأة ليخطبها وكانت في العشرين من عمرها سألت في هدوء كيف هو ؟ و اذا كانت في الثلاثين سألت باهتمام من هو ؟ اما اذا كانت في الاربعين فانها تصرخ اين هو

[hadjer.m]

المواصفات : دين ، خلق ، مستوى علمي ممتاز ، مثقف ، وسيم ، أنيق ، هادئ ، شخصية قوية ، رزين ، حنون ، طموح ، متجدد ( يبحث دائم على التجديد ، بصحححححح اكيد مش زوجة ثانية ههه) ، من عائلة محترمة
و من جهة اخرى تكون عندو وظيفة ثابتة ، سكن مستقل ( حتى ايجار معليش) ، اذا ما عندوش اخوة ذكور في البيت و ما هندهومش الداخل و الخارج استغني عن هذا الشرط ، يوافق على اكمالي دراستي ، ثم العمل بعد ذلك ( الا اذا قصرت في حقه و في حق بيته بعد ذلك) فله ان يلغي هذا البند

[خوله فاشن]

شمام والله كل وحده وكيفاه بنت عمتي فوق الثلاثين والى الان مااستغناتش عن اللي تبغاه اوكي تعرف علاه واثقه من نفسها وعارفه مكانتها مليح وماهيش رايحه تحقر روحها وهي قريب من الاربعين ماتحقرش روحها لفلان تحت نيفوها
وطلباتي مانيش ميته اذا مالقيتهاش خطراش مانيش ملزومه دائما براجل لان اختلف الان كل شئ رجلة زمان راحت
الثقه بالنفس هي كل شئ
زيدوا عارضوا على وش قلت هههههههههههههه راني نشوف الدعوه يحوسونا نلقطوا برك واسمحولنا كي جات طلباتنا ماهيش متوافقه مع شخصياتكم

[مشكاة الهدى]

المشاركة الأصلية كتبت بواسطة hadjer.m

المواصفات : دين ، خلق ، مستوى علمي ممتاز ، مثقف ، وسيم ، أنيق ، هادئ ، شخصية قوية ، رزين ، حنون ، طموح ، متجدد ( يبحث دائم على التجديد ، بصحححححح اكيد مش زوجة ثانية ههه) ، من عائلة محترمة
و من جهة اخرى تكون عندو وظيفة ثابتة ، سكن مستقل ( حتى ايجار معليش) ، اذا ما عندوش اخوة ذكور في البيت و ما هندهومش الداخل و الخارج استغني عن هذا الشرط ، يوافق على اكمالي دراستي ، ثم العمل بعد ذلك ( الا اذا قصرت في حقه و في حق بيته بعد ذلك) فله ان يلغي هذا البند

السلام عليكم


الا ترين اختي الكريمة انك تبالغين بعض الشئ
يعني دين وخلق ومتسوى علمي مع تحفظي على كلمة ممتاز
الوظيفة من حقك اما السكن المستقل ربما لا يقدر ووووووو

هي مجرد نصيحة من اختك لكن اعتقد انك بحاجة لاعادة النظر في بعض المعايير

[خوله فاشن]

هههههههههههههههههههههههههههههههههه هذه ثاني
اقراو الموضوع رجاءا
معايير كل واحد ماشي تدخلوا له في معاييره
زينب واش كل واحد يعرف بلاصته خليها تحوس هكا الله يرزقها علاه المعارضه والتدخل في امنيات الناس
هاجر الله يرزقك بمثل ماتتمنين

[مشكاة الهدى]

والله يا اخوتي صدمت حقا في اراء بعض الفتيات هنا وانا التي كنت اتزعم الدفاع عن المراة في كل مرة تهاجم فيها وكنت
الوم الرجل في كل شئ لكني رايت اراء حقا فاجاتني مع احترامي للجميع لا ادري الدنيا هي التي تغيرت ام المفاهيم ام ماذا
والله اختلط علي الامر

[مشكاة الهدى]

المشاركة الأصلية كتبت بواسطة خوله فاشن

هههههههههههههههههههههههههههههههههه هذه ثاني
اقراو الموضوع رجاءا
معايير كل واحد ماشي تدخلوا له في معاييره
زينب واش كل واحد يعرف بلاصته خليها تحوس هكا الله يرزقها علاه المعارضه والتدخل في امنيات الناس
هاجر الله يرزقك بمثل ماتتمنين

اولا انا كلمتها هي وارفقت كلامي بنصيحة
هي الوحيدة المخولة للرد علي
انا لم اتهجم او اتدخل كلمتها باحترام لذلك اتمنى ان تبادلوني الاحترام

[خوله فاشن]

زينب علاه ان شاء الله وش ناقص بناتنا باه يديروا معايير كيما اللي تحوسيها
ثما كل واحد وشخصيته وكل واحد يعرف وش يكمله
جيتوا انتم تحطوا معايير للجميع بناءا على شخصياتكم ؟؟
يعقل هذا

[خوله فاشن]

لكن يازينب كلمتيها هي لكن الموضوع خاص بوضع المعايير مش اراء وانت غيرتم سير الموضوع

[خوله فاشن]

يالبنات ادعوا يرزقكم ربي باللي تحوسوا هو الوحيد اللي يعطيكم ماتتمناو مش اللي يعارضوا
وماتحقروش رواحكم ابدا
وماتتقلقوش سواءا للرجال او البنات اللي مقلقين على نصفهم الثاني يجي على اخلاق او لا الجزاء من جنس العمل
وقال الله تعالى : ( الطيبون للطيبات والخبيثون للخبيثات )

[مشكاة الهدى]

المشاركة الأصلية كتبت بواسطة خوله فاشن

زينب علاه ان شاء الله وش ناقص بناتنا باه يديروا معايير كيما اللي تحوسيها
ثما كل واحد وشخصيته وكل واحد يعرف وش يكمله
جيتوا انتم تحطوا معايير للجميع بناءا على شخصياتكم ؟؟
يعقل هذا

اولا ي اختي اسلوب الحوار لا يكون هكذا
هناك شئ اسمه تواضع فمن تواضع لله رفعه
ثم واضح جدا الاختلاف بيني وبينك في طريقة التفكير احترم هذا الاختلاف لكني اريد الحجة والبيان لاقتنع بكلامك
انا استند لقوله صلى الله عليه وسلم ايسر النساء مهرا اعظمهن بركة
(إن أعظم النكاح بركة أيسرهن مئونة) خفف ولا تسرف (يسروا ولا
تعسروا، وبشروا ولا تنفروا)، وهذا الحديث رواه البخاري ومسلم
فيسروا على عباد الله وارحمو شباب الامة يرحمكم من في السماء

[أم البراء السلفية]

وتحول الموضوع الى دردشة

[ito]

المشاركة الأصلية كتبت بواسطة hadjer.m
المواصفات : دين ، خلق ، مستوى علمي ممتاز ، مثقف ، وسيم ، أنيق ، هادئ ، شخصية قوية ، رزين ، حنون ، طموح ، متجدد ( يبحث دائم على التجديد ، بصحححححح اكيد مش زوجة ثانية ههه) ، من عائلة محترمة
و من جهة اخرى تكون عندو وظيفة ثابتة ، سكن مستقل ( حتى ايجار معليش) ، اذا ما عندوش اخوة ذكور في البيت و ما هندهومش الداخل و الخارج استغني عن هذا الشرط ، يوافق على اكمالي دراستي ، ثم العمل بعد ذلك ( الا اذا قصرت في حقه و في حق بيته بعد ذلك) فله ان يلغي هذا البند


نتمنى يكونو فيك هذ المواصفات يا أخت باه تعودي تستاهليهم من الراجل

[مشكاة الهدى]

اخي محمد اعتذر على اطالة المكوث
بارك الله فيك على الموضوع

الاخت خولة فاشن الاختلاف في الراي لا يفسد
في الود قضية بارك الله فيك على سعة البال
مضطرة للمغادرة الان

للحديث بقية ان كان للعمر كذلك

السلام عليكم ورحمة الله تعالى وبركاته

[خوله فاشن]

اولا نقاشي عادي لكن ماحبيتش لان الموضوع ماهوش لابداء اراء الناس في الردود اولا
ثانيا احنا متواضعين في المهر وفي تسيير الزواج لا مهر كاين او مايطلع غالي بزاف والمره تدي لي نص الدار وين تلقاي اكثر من تيسير هكا ؟؟؟
والله مكاين
ثما الرجاله كل ماتيسر لهم خسروا فالأحسن ترفع المره قيمته فاذا الراجل يحوس عليها يديها باأغلى الأثمان
فمانظنش المهر والزواج غالي بالعكس غالي على البنت حاليا لان الرجاله ماعنباليش علاه راهم يدللوا