الوالدين طبعا هما المسؤل الأول ويتشارك معهم الجيران و المدرسة .....
نشفى كي كنا صغار جارنا نقولولو عمي ولما نكونوا برا نسمعوا صوت الجار
لكل يوقف مكانوا وهو اللي يحز ويضرب ويأدب ووووو
معلمتنا كانت تأدبنا وتعالمنا اسس التربية الصحيحة قبل اهتمامها بالتعليم
من يوم تغير اسم الوزارة انساي التربية
الامام اللي حفظنا فلجامع كيف كيف
التلفزيون كانت رسوم تربوية واعداد لتحمل المؤولية
وحصص مشاء الله
الكل كانوا يشاركوا الوالدين في التربية
درك نبداو بالوالدين يستاهلو يقولو على بنهم قليل تربية
وحدة ولها يجي يبكي تقلوا وش بيك قال الجار الفلاني
لقاني نتعارك مع بن فلان دربنا وقال كل واحد لداروا
تنوض تعيط وتاكل في روحها وهو وش دخلوا يشوف ولادو ووو
وتزيد تقول لراجلها وهو الله يبارك عليه يروح يطبطب على جاروا
في يدو بنو متزيدش تمس لولد سينو متفراش
و الطفل يتفرج
المدرسة المعلمة شغلها الشاغل الزيادات وولاتها ودارها وراجلها لي عاود عليها الزواج.......
الرسوم لا وزارة تراقب لا أهل كلها أكشن و ..... حتى مؤخرا كنت نشوف مع ابني رسوم
يحتفل ابطالها بالكرسمس أخاااااااه وليت نندب بيني وبين روحي
وبديت نفهم ونعلم
النت طالقينها لأهل على المفتوح لا رقيب لا حسيب
امام ولا يحرم في تعلم اللغات و الأولوية للمسجد ومش للمدرسة
اييييييييييه يبنتي ربي يذكر معلمتي وجيرانا بخير ويحفظ أهلي
الكل مسؤول و الناس ولات تحب تتفرج مكانش أبدا اللي ينهي
الا من رحم ربي
قولي ربي استرنا وفرا
الحل
الجيل الجديد هو أساس البلد عليه يحمل المشعل وما يسكتش ومايقولش اخطي راسي واضرب
ياريت كل ام تتمسك بالتربية الشرعية و الاهتمام بوعيها على الأساليب العلمية اللي تبني اطفال
بنفسية سليمة
الله المستعان
( تقرير عن مشاركة سيئة )، و الموجودة أسفل كل مشاركة .
2012-01-24, 11:01
العرض المتطور
