البساطات الاثنين اللي وعدتك بيهم.

[سيرينا لبنينا]

نشكركم بزاف اخوتاتي لاحبيتو تسالو راني في الخدمة ولاحبيتو تتعلمو بالرحب والسعد.

المدال الاول

القماش هوالملاس العادي ثمنه 70دج للمتر.استعمل4م من البني و2م من الباج.


اللتحت استعملي 2م بني وزيدي زوره ماعليهش قديمة وزيدي البونج وزيدي2م الباج وفوقه 2م من البني .والرشمة هي بعدم تسمريه وتخلصي سطري المستطيل انتاعك الي تحدي بيه الحاشية ثم خذي العرض اقسميه على 3وارسمي 3خطوط متوازي عرضيا .
وزيدي احسبي الطول واقسميهعلى حوال 8او9 علىحسب اللوحة نتاعك اللي تخدمي عليها يخرجولك مربعات ثم ابداي الخياطة خيطي كامل الخطوط الي خرجتلك.بعد ذلك نبداو نقصو مربع بمربع .يعن واحد خليه بني والتالي قطعي مثلث من اليمين ومثلث من اليسار ويبقاو المثلثين البنيين لاصقين مع بعض احكميهم بالورد.(الورد اخدميه من القماش). نتمنى تكونو فهمتوني وراني في الخدمة لأي استفسار.