بعد مدلسي .. أويحيــى يرافـــع عن فرنســــا ويهــاجــم تـــركــيـــا .. - الصفحة 3

نحب بلادي · 2012-01-13, 00:11

اوك مليح كي قلت دارت جرائم
انا قلت تركيا منافقة لانو نرمالمو تشد فمها لانو هي مجرمة كي فرانسا
وكون فرانسا تسحب قانون ابادة الارمن
تركيا تنسى الجزائر وهاد النفاق ديالها

هدا قصدي من البدية

~~chemanow~~ · 2012-01-13, 00:17

وانا ماراني لا علا تركيا لا علا فرنسا
راني على نتاوعنا لي راهم ساكتين على فرنسا
هدا مكان وما تركيا طيح في بحر بصح كي تجي ضد اعداء الاسلام راني معاها

الأمير الصاعد · 2012-01-13, 00:20

اقتباس:

المشاركة الأصلية كتبت بواسطة chemanow

تركيا دارت جرائم مقلناش مدارتش
وانا مكان ما دخلني في اردوغان ولا في تركيا
الغصة راها حاكمتنا من اويحيا وجماعته
لي خرجو ضد اردوغان وسكتو
بالفعل فرنسا استعمرت بزاف
ولكن حنا مكان مادخلنا نحكيو على بلادنا
انا في رايي وكان خرج اويحيا وقال بعد تصريحات اردوغان
انه ليس من شان احد التدخل في شاون الجزائر وتجريم الاستعمار الفرنسي من حق الشعب الجزائري وسوف نجرمه
وتركيا تلها في صولحها يعني الخرجة كانت تليق يكون ضد تركيا و خاصة ضد فرنسا
مشي جا ضد تركيا وسكت استلزام جا مع فرنسا

إثارة حفيظة الجانب الجزائر ضد فرسا

في السياسة

هذا إسمه نفوذ

تركيا لا تملك هذا النفوذ في الجزئر

الثعلب نتاع أوحيي تصرف بالطريقة التي يفهمها الأتراك من خلال رسائلهم المشفرة

لأن أصل المشكلة بين ساركوزي و أردوغان

شركاء التحرير في ليبيا

و لا نسيت

نحب بلادي · 2012-01-13, 00:22

اقتباس:

المشاركة الأصلية كتبت بواسطة chemanow

وانا ماراني لا علا تركيا لا علا فرنسا
راني على نتاوعنا لي راهم ساكتين على فرنسا
هدا مكان وما تركيا طيح في بحر بصح كي تجي ضد اعداء الاسلام راني معاها

وحتى انا ما قلت والو
قلت اردوغان في هاد القضية راه ينافق
انت شديتلي فيها ودرت مندبة

~~chemanow~~ · 2012-01-13, 00:32

اقتباس:

المشاركة الأصلية كتبت بواسطة الأمير الصاعد

إثارة حفيظة الجانب الجزائر ضد فرسا

في السياسة

هذا إسمه نفوذ

تركيا لا تملك هذا النفوذ في الجزئر

الثعلب نتاع أوحيي تصرف بالطريقة التي يفهمها الأتراك من خلال رسائلهم المشفرة

لأن أصل المشكلة بين ساركوزي و أردوغان

شركاء التحرير في ليبيا

و لا نسيت

تركيا عندها مشكلة مع فرنسا هدي كاينة بصح
متنساش بلي حتى حنا عندنا مشكلة مع فرنسا
ومنين الناس ناظت نجرم الاستعمار علاش منجرموش حتى حنا الاستعمار ونورمالمو كنا نجرموه من الاستقلال
ولا علينا لم يفت الوقت شا راهم يستناو ضروك !!!!

الأمير الصاعد · 2012-01-13, 01:16

اقتباس:

المشاركة الأصلية كتبت بواسطة chemanow

تركيا عندها مشكلة مع فرنسا هدي كاينة بصح
متنساش بلي حتى حنا عندنا مشكلة مع فرنسا
ومنين الناس ناظت نجرم الاستعمار علاش منجرموش حتى حنا الاستعمار ونورمالمو كنا نجرموه من الاستقلال
ولا علينا لم يفت الوقت شا راهم يستناو ضروك !!!!

واه خويا كاينة منها

هنا المشكلة نتاعك راهي مع عدم تجريم الإستعمار و ليس مع ما صدر من رد فعل جزائري إتجاه أردوغان ( الإعلامي ) لأن سفير تركيا عاد إلى عمله في السفارة التركية بفرنسا مجددا بعد الزوبعة ( الإعلامية ) التي أثارتها تركيا لإرضاء الأتراك كتحرك طبيعي

تجريم الإستعمار هو وسيلة فقط للوصول إلى الغاية و هو - إنتزاع إعتذار رسمي من الجانب الفرنسي المعلن -
مثلما حدث بين الجانب الليبي في عهد القذافي مع الطليان

لا يوجد إستعمار إلا و يكون مجرم
إذا فرنسا الإستعمارية مجرمة في حق الجزائر لا نقاش في هذا الموضوع
يكفي كلمة إستعمار .....كمصطلح يدين الجاني

نحن أمام جرائم فرنسا الإستعمارية و أمام فرنسا الحالية التي ورثت التركة

أنت راك تتسائل و تقول
ماذا ينتظرون
و هذا تسائل مشروع من الناحية الأخلاقية

رانا نستناو
لكن الفرق بين من هو مستعجل و بين من هو غير مستعجل

touiri · 2012-01-13, 13:11

اقتباس:

المشاركة الأصلية كتبت بواسطة نحب بلادي

خونا يرحم باباك نسقسيك مي ما تتقلقش
انا نكره هدا مدلسي واويحي نشوف غير بلاصة يصلح ليها هي وزير خارجية مام هو وزير المهام قذرة
وما كانش قذارة كي الخارجية

مي جاوبني
هدا اردوغان دافع على الجزائريين حب فيهم ؟ هادي واحدة ؟
تركيا دارت جرائم ضد الارمن ولا لا لا ؟

هذا الرد ناتج عن ثقافة هجينة يحملها هذا الشعيب الجزائري
حتى لغته العربية غريبة عنه لايعرفها ولا تعرفه

m1d2 · 2012-01-13, 13:55

سؤال للجميع ماذا يستفيد الشعب الجزائري من قانون تجريم الاستعمار ؟
سيبقى مجرد كلام على ورق مثله مثل اصلاحات لي قالو عليها ........
واظن ان كل من جاهد واستشهد كان ذلك في سبيل الله وليس من اجل ان تعترف فرنسا بجرائما فهو اظهر ذلك اما م الله قبل كل الشيء ولا اظن ان هناك شريف واحد على سطح العالم لا يعرف حقيقة وعظمة ثورة نوفمبر .....فحقيقتنا ظاهرة في كل عقول شرفاء العالم ولا ننتظر ان يجعلوها لعبة سياسية يتداولها كل من اراد ذلك لمصالحه سياسية.....سواءا كان من الجزائر وخارج الجزائر

حميدي البشير · 2012-01-13, 19:38

كل واحد يدافع عن مصالح بلده

و اويحي يدافع عن مصالح فرنسا

امرٌ منطقي

نحب بلادي · 2012-01-14, 00:08

اقتباس:

المشاركة الأصلية كتبت بواسطة touiri

هذا الرد ناتج عن ثقافة هجينة يحملها هذا الشعيب الجزائري
حتى لغته العربية غريبة عنه لايعرفها ولا تعرفه

اسمع الرد نتاع التقافة الهجينة يا الجايح
انا حكيت مع صاحب الموضوع انت يرحم باباك واش وجعك ؟؟؟ قولي يرحم اللي رباك واش من بلاصة وجعاتك ممكن نلقالك حل ؟؟؟
واش دخلك ؟؟؟ واش نطقك ؟؟؟
دخلت فالخط وحاب تلعب فيها متقف وخليت السؤال اللي طرحتو على الاخ وجاي تحكي على الطريقة اللي نكتب بيها
يا و كي ما عجباتكش خطي باباها ما حكيتش معاك
وتقول الشعب الجزائري
يرحم اللي رباك اهلك كي يحكو مع بعضاهم كيفاش يحكو يا الجزائري ؟

كونت نورمالمو تقول كلمة خير كي دخلت في حاجة خاطياتك
اما شد فمك ماشي خير لك
ايا مبروك عليك هاد الرد اللي فيه غير الثقافة الهجينة