مجلس التسيير و التوجيه !!

بهاء الدين 93 · 2012-01-03, 16:35

السلام عليكم ،
عودة موفقة للجميع الى مقاعد الدراسة ، تمنياتنا لكل الطلبة بالتوفيق و النجاح ،
باختصار شديد ، أريد أن أستفسر إن كان أحدكم يعلم ما المقصود بمجلس التسيير و التوجيه و ما هي النقاط التي تناقش خلاله ، لأني تلقيت استدعاء اليوم لحضوره و لآ أدري ان كنت سأضحي بسآعة دراسة من أجله ، لذلك أتسائل ان كان قد سبق لأحدكم حضور مثل هذا المجلس و هل يكون ذلك إجباريا ( درت في بالي نروح في الفترة المسائية نسقسي و نسيت بلي العشية ماكآنش دراسة ) ،
بالتوفــيق،
في انتظار إجاباتكم ،
سلام

SuNsEt · 2012-01-03, 16:59

السلام عليكم ورحمة الله
لقد تلقيت مثل ذلك الاستدعاء العام الماضي اي السنة الثانية ثانوي كونهم عينوني كممثلة للتلاميذ
وكنت ايضا اتساءل عن ماهيته وقد اعتقدت أنه شيء كبير
لكنه لم يكن كذلك في نظري
وهو مجلس يحضره المدير والناظر وبعض الاساتذة )حسب ما رأيت) ويناقشون خلاله وضعية التلاميذ ودعوة ممثل التلاميذ تكون من أجل التحدث باسمهم عن كل ما تراه غير مناسب أو غير ذلك

أرجو أن أكون قد أفدتك بشيء

SuNsEt · 2012-01-03, 17:02

تلقيت الدعوة ثلاث مرات لكني لم أحضر الا المرة الأولى ،لأني صراحة رأيت أني لم أفد بشيء لذلك أخي ان كانت لديك حصة لمادة أساسية فلا تضيعها

ابو نور الهدى · 2012-01-03, 21:11

السلام عليكم إن كنت عضو منتخب فاكيد انك ستمثل تلاميذ النهائي واخران يمثلان السنة اولى والسنة الثانية-بالإنتخاب كذلك- لأن المجلس يتكون من المدير ونائبه والمقتصد ومستشار التربية ومساعد تربوي وممثل العمال وممثلي جمعية التلاميذ 3اعضاء و3ممثلي الأساتذة وربما مناقشة ميزانية المؤسسةللسنة 2012والمصادقة على الميزانية2011 وشكرا

بهاء الدين 93 · 2012-01-04, 07:48

شكرا لكم على المرور ،
مآ أظنني بحضاره ، الدرآسة أولى ،
بارك الله فيكم على الإيضاحآت

بهاء الدين 93 · 2012-01-04, 07:49

اقتباس:

المشاركة الأصلية كتبت بواسطة ابو نور الهدى

السلام عليكم إن كنت عضو منتخب فاكيد انك ستمثل تلاميذ النهائي واخران يمثلان السنة اولى والسنة الثانية-بالإنتخاب كذلك- لأن المجلس يتكون من المدير ونائبه والمقتصد ومستشار التربية ومساعد تربوي وممثل العمال وممثلي جمعية التلاميذ 3اعضاء و3ممثلي الأساتذة وربما مناقشة ميزانية المؤسسةللسنة 2012والمصادقة على الميزانية2011 وشكرا

شكرا لك على الإجابة الشاملة ،
لم يكن فيه انتخاب و إنما تم استدعاء الاول من كل مستوى على ما أظن ،
بارك الله فيك

الوسيلة · 2012-01-04, 16:12

سلآآم...ايــــه كـون سقسيتني غيـــر أنـــآ كون جــآوبتكـ ههه
يعني رغـم أن الاجـــآبة متأخرة نوعــآ مــآ الآ أني سأجيــــــب ...
من المـــفروض هذآ المجلس يكـون بعد الميزآنيـة ، زعــمآ كيفــآش تتقســم ووكــآمل ...ويحضــر التلميـذ بويسك من حقـو يعـرف المؤسسة كيفاش تصـرف ++ منـآقشة وضعية التلميــــذ...
للمـــرة الثــآلثة رآني نحضروأنـــآ ...مي -كيمــآ شفـــت- مــآنزيـد مــآ ننقص..وزيـــد تـآع اليـوم حــآلة خـآصة كـآن على الاقل جـآبولنــآ اللولة في السنة الاولى بــآه نتوآنس معــآهآ هههه
وأنـــت الله يبــآركـ ...تخرج عليـك برلمــآني ههه
مبـروكـ المرتبة 1...والمعدل الممـــتآز ...بالتــــوفيق

بهاء الدين 93 · 2012-01-04, 19:17

اقتباس:

المشاركة الأصلية كتبت بواسطة الوسيلة

سلآآم...ايــــه كـون سقسيتني غيـــر أنـــآ كون جــآوبتكـ ههه
يعني رغـم أن الاجـــآبة متأخرة نوعــآ مــآ الآ أني سأجيــــــب ...
من المـــفروض هذآ المجلس يكـون بعد الميزآنيـة ، زعــمآ كيفــآش تتقســم ووكــآمل ...ويحضــر التلميـذ بويسك من حقـو يعـرف المؤسسة كيفاش تصـرف ++ منـآقشة وضعية التلميــــذ...
للمـــرة الثــآلثة رآني نحضروأنـــآ ...مي -كيمــآ شفـــت- مــآنزيـد مــآ ننقص

..وزيـــد تـآع اليـوم حــآلة خـآصة كـآن على الاقل جـآبولنــآ اللولة في السنة الاولى بــآه نتوآنس معــآهآ هههه
وأنـــت الله يبــآركـ ...تخرج عليـك برلمــآني ههه
مبـروكـ المرتبة 1...والمعدل الممـــتآز ...بالتــــوفيق

سلام ،، امممــ يعني صدقيني ، أعدت تفعيل حسابي القديــم على الفايسبوك البآرحة ، فقط من أجل أن أسألك عن هذا المجلس ، كوني لم أرد تضييع سآعة دراسة ، لكن لم ألق لحسابك أثر هنآك ههه ، فكتبت الموضوع ،
كنت قد قررت عدم الحضور بعدما اطلعت في النت على وثائق لما سيجري خلاله ، فتوجهت على العاشرة عند الناظر و اعتذرت له لذلك ، لكن ،، بعثلي الطفل حتى للقسم " الله غالب " ، غاضتني كي ما قريتش ،
أنت عندك خبرة في هاذو الأمور بالطبع مش كيما حالتي ،
شرفتينا اليوم كثيــــــر بحضورك ،
في الحقيقة لآ أظنني كنت عند حسن الظن كوني لم أنقل انشغالات التلاميذ خآصة موضوع الأساتذة الذي هو شغلهم الشاغل و أنا كنت قد عاهدت نفسي ألا أتحدث عن ذلك ( لم أخبر أحدا أني تلقيت استدعاء - لا أحب الأضواء- و بالتالي لم أكن أدري ما هي مشاكلهم و انشغالاتهم )
...
هو يعني فتح موضوع مهم لي مش ممكن نجوزوا عليه بدون وضع النقاط على الحروف ههه ، ان شاء الله الرحلة القادمة يلا داروها تكون أحسن ،
مبروووك المعدل الأكثر من رائع ( كنت قد وعدتك بأنك ستتحصلين عليه ) ، العقوبة للــ 19 ،
سلام

الوسيلة · 2012-01-05, 16:09

اقتباس:

المشاركة الأصلية كتبت بواسطة بهاء الدين 93

سلام ،، امممــ يعني صدقيني ، أعدت تفعيل حسابي القديــم على الفايسبوك البآرحة ، فقط من أجل أن أسألك عن هذا المجلس ، كوني لم أرد تضييع سآعة دراسة ، لكن لم ألق لحسابك أثر هنآك ههه ، فكتبت الموضوع ،
ايــه زعمــآ درت القــلب وحــآبة نقرآ
كنت قد قررت عدم الحضور بعدما اطلعت في النت على وثائق لما سيجري خلاله ، فتوجهت على العاشرة عند الناظر و اعتذرت له لذلك ، لكن ،، بعثلي الطفل حتى للقسم " الله غالب " ، غاضتني كي ما قريتش ،
الله يبـــآركـ ...قرآي...مـآشآء الله ...أنا كــآن عندي تاريخ ..قلي الاستــآذ هـآو هذيك فــآن قرآية!
أنت عندك خبرة في هاذو الأمور بالطبع مش كيما حالتي ،
ايـــه بــآنت عليـكـ تــآع الصح بلي مــآعندكش خبرة ...مين قــآع ماسكتش
شرفتينا اليوم كثيــــــر بحضورك ،
شرفتــكم بيـــآن قــآع ... سيـرتو كي قعدت غيـر نطرح في القضــآيا ونتنــآقش معــآكم (زعمـآ هاذي هي وصــآية المديــر تـآع"بـآلاكي تحشمي"
في الحقيقة لآ أظنني كنت عند حسن الظن كوني لم أنقل انشغالات التلاميذ خآصة موضوع الأساتذة الذي هو شغلهم الشاغل و أنا كنت قد عاهدت نفسي ألا أتحدث عن ذلك ( لم أخبر أحدا أني تلقيت استدعاء - لا أحب الأضواء- و بالتالي لم أكن أدري ما هي مشاكلهم و انشغالاتهم )
... يسمــآ كي أنت مـآكنتش عند حسن الظن ...أنــآ وآش؟!!...كنت عـــآرفة بلي لازم ننقل انشغالات الطلآب...مي مادرتهــآش...ولعبتهـآ مــآني فاهمة وآلـو قدآمهم كي جـآ الاستدعاء
هو يعني فتح موضوع مهم لي مش ممكن نجوزوا عليه بدون وضع النقاط على الحروف ههه ، ان شاء الله الرحلة القادمة يلا داروها تكون أحسن ،
ايــــــه كـون مــآشي أنــت...كـون ضعنـــآ شكــــــــرآ لكـ اذن
مبروووك المعدل الأكثر من رائع ( كنت قد وعدتك بأنك ستتحصلين عليه ) ، العقوبة للــ 19 ،
سلام

ان شـــآء الله ...هذا اذا سلكــــت للمتتــآليآت ...امــآلآ ماتقلنــآش كيفـآش رآجعتـهم ؟..والى كـآش مرجع مليـح فيهم من غير سلآح الطـآلب...رآني من الاثنيـن مع التمـــآرين تــآع الكتــآب مدرسي اللي ماحليتهمش في العطلة بويسك اكتشفت بلي ماكنا دايرين والو فيهم....من الاثنين 27 تمرين برك!!!!!!!!
ضروكـ شويــة نروح نكملـهم مي صدقني رآنـي خــآيفة منــهم ...
موفق ان شـآء الله..سلآم

بهاء الدين 93 · 2012-01-05, 21:46

اقتباس:

المشاركة الأصلية كتبت بواسطة الوسيلة

ان شـــآء الله ...هذا اذا سلكــــت للمتتــآليآت ...امــآلآ ماتقلنــآش كيفـآش رآجعتـهم ؟..والى كـآش مرجع مليـح فيهم من غير سلآح الطـآلب...رآني من الاثنيـن مع التمـــآرين تــآع الكتــآب مدرسي اللي ماحليتهمش في العطلة بويسك اكتشفت بلي ماكنا دايرين والو فيهم....من الاثنين 27 تمرين برك!!!!!!!!
ضروكـ شويــة نروح نكملـهم مي صدقني رآنـي خــآيفة منــهم ...
موفق ان شـآء الله..سلآم

آآه قــالك فاقد الشيء لا يعطيه أخت سمية ،
نشوووف بلي راكي غالطة يلا دخلتيني في خانة القرآيين هههه،
صدقيني أنا عمري يلا قريت في أوقات خآرج فترة الفروض و الاختبارات ،
و في مثل هذا الوقت من العام الماضي كانت العطلة تاعي مازال ما خلاصتش ، سقسي و يقولولك ،
لذلك لا يمكنني أن أفيدك بالكثير ، و نزيدلك المليحة كامل ، أول فرض في المتتاليات ديت فيه 14.5 ، مالا ماكاله تديري عليا ههههه
طريقتي ، كانت في آخر يوم قبل الفرض نراجع كل الدروس مبعد نروح لسلاح الطالب نبدا من آخر تمرين و نهبط حتى نحس بلي هضمت المعارف و كفى ، المشكلة أني كنت أهمل الجزئيات البسيطة ( حذاري)
اطلعي على الفرض تاعنا تاع العام الماضي كان شباب ثان ، السؤال الأصعب الأخير كامل درت طريقتو صح و الساهلين غلطت فيهم ،
لكن شفتكم نهار قريتو في قسمنا هذاك أول درس في المتتاليات ، نظن مازال ما تعمقتوش مليح ، لذلك تبعي مليح وحاولي تفهمي الدروس واحد واحد و كي توصلوا للهندسية و الحسابية أكثري من التمارين حتى ولو نفس التمرين عاوديه أكثر من مرة باش يرسخ لأن مجموعة الأسئلة المعقدة لا تتعدى ثلاث أو أربع أفكار ، و هي وين يطلبلك باش توجدي الأساس و ما الى ذلك ( راني ناسي )،
الكتب كيما قلتلك ، ما تقدريش تقارني ، عمري يلا كنت مجتهد ، و خسارة فيا هاذوك المعدلات ، لي نقدر نقولهولك هو أنو المواضيع تاع الأستاذ لي داروهم في دروس الدعم كانت قيمة و قيمة جدا يلا قدرتي تجيبيها من عند لي كانو يقراو عندو العام الماضي ( كنت نشوفهم يحلو فيهم نهار الفرض و يبانولي ملاح )
بالإضافة لذلك ، كاين وحد الكتاب خرج في نهاية السنة وراهولي الاستاذ يلآ ما غلطتش اسمو المكمل ، لكن ما كنتش مبرونشي مع هاذو الامور - علابالي نشريه ما ندير بيه والو -
و كاين تاع ترمينال تسيير و اقتصاد ثان يقولو مليح ( الأسم الله غالب )
اسألي الأستاذ و سيفيدك بمعلومات ان شاء الله ،
نسيت حاجة ، نصيحة لوجه الله ، ما تديريش كيما انا ، بداي تخدمي بالريتم تاع التارمينال باش كي تلحقي للباك ما تجيكش الانطلاقة صعيبة كيما راه يصرالي أنا ،
..
..
معلاباليش علاش راكي نآقمة على حضورك ، و لا شايفة لازم تعلي صوتك و تبداي تضاربي معاهم كيما نظيراتك من العلمانيات هههه !!
والله غير هاذيك هي ، اقراي أدب حضور مجالس العلم لي قالها ابن حزم تلقاي بلي كنتي في المستوى ،
بالتوفــيق لك ان شاء الله ، دعوآآتكمـ ، سلام

الوسيلة · 2012-01-06, 20:14

لـــآ بأس ... سأكتـفي بتمـآين الكتاب المدرسي التي انهيتها اليوم وأحس انها غير كافية ابدا ...عن المكـــمل لم يعجبني ...به حلول تمارين الكتاب المدرسي ... لكن التمارين السهلة فقط ...رغم أن الاستاذ نصحني به ...الا أني فضلت الميســر
امم عن الفـرض ...(حطمتني هههه) ...اذن فسأحــآرب لاحصل على الـ10!!
أظن أن آخر حصة لنــآ في قسمكم كانت يوم الاثنين الفارط ..وكنت قد سجلت قاعدة المتتالية الحسابية على السبورة ...الا اذا لم تدقق جيـدا ....تلتهــآ المتتاليات الهندسية ...اذن "كملنــآهم"
شكــــــــــــــرآ على النصيحة ....راني نخدم بيـهآ من بداية العـــآم
اممم كـآمل المعدلات اللي جبتها كانت قليلة في حقـكـ ...من المفروض رآكـ من أصحـــآب 19...ان شاء الله في البكالوريا
..
..
لسـت نــآقمة والله ..ولو كنت كذلكـ لمـآ فعلتها للمرة الثالثة على التوالي هههه...(يــآودي بلا العلمانية عليك ماننطقش ههه)
...(بصـح كـون لخآوة يسمعو بلي رآني ممثــلة ... علآبــآلك يــآكـ بلي يلعبوها قااع قرآيين ...ويوجدو لاليست ...
بالتوفيـــق أخي...جزآكـ الله خيــــــــرآ
سلآم

بهاء الدين 93 · 2012-01-06, 20:41

حسن ، بالطبع راه عندك بآع كبير في هذا المجال و أنت أدرى بالكتاب المليح من غيرو ،
بالنسبة للفرض ما قصديش المتتاليات صعاب ، إنما التهاون هو لي خلاني ندي نقطة ما نناساش طول حياتي ، بويسك في الاختبار ديت نقطة كاملة على التمرين تاع المتتاليات ، و ما كآله تقوليلي نعمل باش نضمن 10 ( كون كاين 21 كون راكي ديتيها)
علابالك ، نسيت كآمل بلي عندنا أسبوع ملي دخلنا نقراو ! ، الأيام راهي تجري هذا العام و الله غالب ما لحقناهاش ، أنا كنت على آخر حصة لي قبل العطلة كيما حاوزتونا ما خليتوناش نكملوا الكتابة ، و عمبالي عجلة الدراسة حبست فماك ههه ، ( ماكانش علابالي بلي قريتو عندنا يوم الاثنين ، خآيف يلا الفيضانات مازالها عندكم و ما هدرتيش ههههه)
..
واش من معدل تحكي عليه ، العام الجاي راني في السنة الثالثة نعاود ان شاء الله و جايب معايا صاحبي يلا كتب ربي ، وجدي روحك راه ما يطلق والو ، غير مقبيل و حنا نديروا في الخطة ،
كي نحكو على الطلبات تاع التلاميذ راهم عندنا ما يخلاصوش ، أنا قلتلهم عيطولنا نشهدوا برك على الممولين و قالولنا خيروا بين الرحلة و الجوائز سي تو ، علابالي الهدف تاعهم الاول هو الأستاذة نتاع ...... الانجليزية
ننتظروا منك نتآئج مبهرة ان شاء الله و العام الجاي راكي عارفة التكريمـ عند من ، إذن بالتوفيق ان شاء الله ، سلام

الوسيلة · 2012-01-07, 11:47

اقتباس:

المشاركة الأصلية كتبت بواسطة بهاء الدين 93

حسن ، بالطبع راه عندك بآع كبير في هذا المجال و أنت أدرى بالكتاب المليح من غيرو ،
بالنسبة للفرض ما قصديش المتتاليات صعاب ، إنما التهاون هو لي خلاني ندي نقطة ما نناساش طول حياتي ، بويسك في الاختبار ديت نقطة كاملة على التمرين تاع المتتاليات ، و ما كآله تقوليلي نعمل باش نضمن 10 ( كون كاين 21 كون راكي ديتيها)
ايـه بـآينة عليـــآ ...ضروكـ تشـوف ...
علابالك ، نسيت كآمل بلي عندنا أسبوع ملي دخلنا نقراو ! ، الأيام راهي تجري هذا العام و الله غالب ما لحقناهاش ، أنا كنت على آخر حصة لي قبل العطلة كيما حاوزتونا ما خليتوناش نكملوا الكتابة ،
ميــن عــآم وانت تكتـب وتخمـل في أدوآتكـ بــآه خليـتني نقـعد
و عمبالي عجلة الدراسة حبست فماك ههه ، ( ماكانش علابالي بلي قريتو عندنا يوم الاثنين ، خآيف يلا الفيضانات مازالها عندكم و ما هدرتيش ههههه)
ايــــه الاستــآذ يموووت على كلآستكم ...غيـر تهبطــو للمخـآبر رآنــآ فيها
... ،هذاك اليــوم قلي الاستـــآذ تاع الفيزيك نورمالمون سقمـوهـآ (عجبني الحــآل كي قعد الاستاذ حذايـآ ،غيـر ثما ونخــآليه هههه)
واش من معدل تحكي عليه ، العام الجاي راني في السنة الثالثة نعاود ان شاء الله و جايب معايا صاحبي يلا كتب ربي ، وجدي روحك راه ما يطلق والو ، غير مقبيل و حنا نديروا في الخطة ،
أووو يــآك قتلك مقبيـل لآ أهلــآ ولا ســهلآ ...لا أنـت ولا صــآحبكـ ،نقبلـوكم في حـآلة وحدة برك الى جبتـو الباكـ بـ 17 ولا 18...وهنــآ ونحطـو شروط :انتومــآ S2 تبقـــآو كيـمـآ رآكـم يــآك؟مــآنشوفكمش في الـ S1 ههههه
كي نحكو على الطلبات تاع التلاميذ راهم عندنا ما يخلاصوش ، أنا قلتلهم عيطولنا نشهدوا برك على الممولين و قالولنا خيروا بين الرحلة و الجوائز سي تو ، علابالي الهدف تاعهم الاول هو الأستاذة نتاع ...... الانجليزية
هههه ربـي يكــون في العــون
ننتظروا منك نتآئج مبهرة ان شاء الله و العام الجاي راكي عارفة التكريمـ عند من ، إذن بالتوفيق ان شاء الله ، سلام

يــآودي التكــريم ليكـ ولأمثــآلكـ ...احنــآ خــآطينــآ ...
علابالكـ الافكـآر السلبة عندهـآ تأثيـر على النتــآئج....باذن الله نلقـآوكم لزوج في كليـة الطب العــآم القـآدم (ماشي اتصالات الجزائر

)

بهاء الدين 93 · 2012-01-07, 15:13

أوكــــي إذن ، أعتذر على الإطآلة ، و الله ما كنت شايفيك ،

أمممـــ en tous cas حنا مرحبين بيكم في قسمنا مثلما رحبتي بينا ،، بصح علابالك الاحتكار حرآم ، حابة تبقاي ديــما الاولى ،أنا يلا جبتو بـ 17 (يعني in my dreams ) واش نجي ندير ، نزيد نكمل الأحلام و نسجل في كاش تخصص شباب لي أصلا ما يسعاش في بلادنا
لكن علاش ديتيني لكلية الطب يعني ، ما كفانيش المشاكل تاع العلوووم و تاع المناعة نزيد نبقى نقرا غير فيها سنين متتالية ، و زيــد وييييــن ، في وهران ، يعني بعد الحلم الجميل يجي الكابوووووووس
بصح علاش تنكرتي لاتصالات الجزآئر ، ولا حابة نوعية الانترنيت تبقى ديما كيما راهي ....
دعيلنا برك باش ربي يصبرنا على واش مازال لأني اكتشفت بلي الصح كامل راه القدام ( تقلقت وقتاش نجوز ) ،، واشي هي العام القادم يلا كتب ربي في أول يوم جربي ادخلي بلخف للقسم يلا حبيتي تحكمي نفس المكان ، لأني يلا طلعت و خآصة كي نكون مع صاحبي ،، راهي تولي في خبر كآن ههه ( أمزح فقط ) ،
بالتوفيق لك ، و أكثر الله من أمثالك و بارك في من رباك و جعلك قدوة لنظيراتك في العفة و الحيآء ، وآصلي على ما أنت عليه فأنت من الفرقة النآجية باذن المولى ،سلام

الوسيلة · 2012-01-07, 16:07

ههههههه والله ضحكتـــني،،سيــرتو تــآع البلآصــة،،
ربــــي يوفقــك ان شـــآء الله ،، مــآشكيتش البـــآكـ صعيـــب بــآه متجيــبش 17 ،،
يعنـي هذيــك أنــآ قلتــهآ كــأقل تقديــــــر ،،
اممم كـــــآن الله عونـك في الشهـور القليــلة المتبقيــة ان شــــآء الله ،وتذكـر دآئمــــآ : "أنـــس" مــآهوش أحسن منكـ ولآ عبقـري عليــكـ باه هو جــآب 18.90 وأنت لالا ...
سلآآآآآآآم ،،