الاساور.....حلوى فااااخرة من مطبخ ام كوثر

[*أم كوثر*]

المشاركة الأصلية كتبت بواسطة غزالة الصّحراء

خيرك راه اكثير عليّ ربيّ يسترك في الدّنيا والآخرة . ويحفظلك لصغيرة كوثر.
شوفي كيفاه راني افهمت وإذا اغلطت صحي لي راكي ماشاء اللّه طبّاخة ونص.
يعني أنلف لعجينة للداخل . بصّح قيس 1سم للداخل فقط ثمّ نعمل أسوار.واش رأيك ابديت نفهم ولا مازال. وقيل راسي اخشين. بصّح اللّه غالب الحلوة أنتاعك راهي روعة . وأنا لازم نتعلمها . بإذن اللّه.
لوكان غير راكي تسكني قدّامي انجي نتعلّم من عندك. . راني نحتاج لدروس خصوصيّة من عندك. بالخصوص مع الأشكال ألي راكي اتدريها. راني اقريب نهبل.

هههههه لالا اختي غزالة ومش معنتها راسك خشين بلاك انا اللي ماقدرتش نوصل الفكرة
تبعيني وحدة وحدة
حيبي المستطيل تع العجينة حطي عليه الخشبة و ابداي الوي عليها الوي الوي حتى توصلي للاخير ماتكمليش
خلي قيس 1 سم وديري اسوارة و ادا ما فهمتيهاش قوليلي نرسمهالك في ورقة

[غزالة الصّحراء]

المشاركة الأصلية كتبت بواسطة *أم كوثر*

هههههه لالا اختي غزالة ومش معنتها راسك خشين بلاك انا اللي ماقدرتش نوصل الفكرة
تبعيني وحدة وحدة
حيبي المستطيل تع العجينة حطي عليه الخشبة و ابداي الوي عليها الوي الوي حتى توصلي للاخير ماتكمليش
خلي قيس 1 سم وديري اسوارة و ادا ما فهمتيهاش قوليلي نرسمهالك في ورقة

أهلا بيك أم كوثر . ان شا اللّه اتكوني بخير وعافيّة. ويعطيك الصحّة على ردودك اللّي راهي دايمن اتجي في وقتها. اسمحيلي راني تعّبتك .
واش أنقولك واللّه غير تعملي فيا لمزيّة لوكان أتزيدي اتوضحيلي أكثر بالرّسم على الورقة.
فعلا ام كوثر أنت أكثر من رائعة ربيّ ايحقّقلك ماتتمناي. ويطوّلك في عمرك واتشوفي كوثورة عروسة.
أم كوثر وقيل راني ابديت نفهم. يعني 1سم ألي لازم انخلية ايكون في الأمام. ولمّا انلف العجينة على شكل اسوار اتكون الفتحة اتغلقت بهذاك 1سم ألي خليناه ونعمروه بالبيستاش. هكذا أم كوثر . فرحيني . راني افهمت وإلاّ لا لا؟؟؟؟

[*أم كوثر*]

المشاركة الأصلية كتبت بواسطة غزالة الصّحراء

أهلا بيك أم كوثر . ان شا اللّه اتكوني بخير وعافيّة. ويعطيك الصحّة على ردودك اللّي راهي دايمن اتجي في وقتها. اسمحيلي راني تعّبتك .
واش أنقولك واللّه غير تعملي فيا لمزيّة لوكان أتزيدي اتوضحيلي أكثر بالرّسم على الورقة.
فعلا ام كوثر أنت أكثر من رائعة ربيّ ايحقّقلك ماتتمناي. ويطوّلك في عمرك واتشوفي كوثورة عروسة.
أم كوثر وقيل راني ابديت نفهم. يعني 1سم ألي لازم انخلية ايكون في الأمام. ولمّا انلف العجينة على شكل اسوار اتكون الفتحة اتغلقت بهذاك 1سم ألي خليناه ونعمروه بالبيستاش. هكذا أم كوثر . فرحيني . راني افهمت وإلاّ لا لا؟؟؟؟

هدا هو الله يبارك راكي فهمتي وانشاء الله تطبيقيها و تفرحي بالنتيجة برك وسعي بالك
وربي يخليك على الكلام الطيب يا طيبة

[غزالة الصّحراء]

المشاركة الأصلية كتبت بواسطة *أم كوثر*

هدا هو الله يبارك راكي فهمتي وانشاء الله تطبيقيها و تفرحي بالنتيجة برك وسعي بالك
وربي يخليك على الكلام الطيب يا طيبة

أهلا أم كوثر.
أم كوثر تعبك ماراحش في باطل . راه جاب النّتيجة. هذا كلّ لأنّك وسّعتي في خاطرك. ربيّ ايشدلك في كلّ ألي اعزاز عليك. خاصّة لصغيرة كوثورة، ألي راهي ماشاء اللّه. اخموس عليها.
إن شاء لما انطبقها راني أنرجعلك بالخبر. اليوم راني رايح أنطبّق الكرواسون أنتاع ROUMISAفي الدّار ايحبّوه بّزاف. ياربّ ننجح فيه. ولمّا ايكون عندي الوقت ثاني . راني رايح انطبّق الأساور.
ربّي لا يحرمنا من مواضيعك المميّزة.