صباح الخير حبيبة
يوم الجمعة كان بالنسبة اليا هو يوم عبادة و شغل
نوض الصباح كل مرة كيفاه على حساب الفجر
نصلي الفجر و نقرا القران و اذكار الصباح
و من بعد نطيب لفطور و نغسل لماعن و نبدا الشغل
نضف تقريبا كامل البيت الا البيوت اللي تكون مازالها نضيفة مثل الصالات في زوج " الكبيرة و الصغيرة " و بعض الغرف تاع خاوتي
ومن بعد نطيب الغدا و نغسل لمواعن و بعد صلاة الجمعة نروحو لدار جداتي في زوج نزوروهم
و مراة نروح لعماتي و خالتي ومراة نروح لعمامي و خوالي
و هكذا بالتوالي
و من بعد نرجع ندير العشا و نغسل المواعن و مراة ندير القاطو تاع لفطور
اما الجانب الديني
نصلي جميع الصلوات المكتوبة + ال12 ركعة نافلة
و قراءة القران بعد كل صلاة +اذكار الصباح و المساء و اذكار النوم و الاستيقاظ + كثرة التسبيح و التهليل
و مراة نصوم يوم الجمعة
+قراءة سورة الكهف و البقرة كاملة في وقت ما بين الظهر و العصر
+قراءة كتب الدين للتثقيف الفقهي
و نهار الجمعة ثاني مخصص للغسل و الاهتمام بالنفس من الناحية الجمالية
هاذا هو برنامجي ليوم الجمعة
( تقرير عن مشاركة سيئة )، و الموجودة أسفل كل مشاركة .
2011-12-29, 06:27
العرض الشجري