السلام أختي
ربي يفتح عليك و يفرجلك همك و يصلح مابيناتكم
والله غير توشيتيني صح و راني حاسة بيك علابالي راكي مدمرة من الجهتين في 2
مي اسمحيلي كيما قلتي الغلطة جات من فامليتك و نتوما علاش تخلو في مرة عمك تهدر لوكان سكتوها نتوما الغالطين ديري روحك نتي في بلاصت فاميلتو جاوكم من بعيد و من بعد يتبهدلو ؟
هما عندهم الحق تغيضهم جاوكم بالحسب والنسب و مرة عمك بهدلتهم
و هو ماديريش عليه والله غير يفوت الزعاف ويرجعلك باين يحبك و مايسمحش فيك ربي يهديه
و باباك ماتقولولوش لاخاطر زعاف الرجال صعيييب
نتي دوكا اهدري مع يماك قلها تعيطلهم و ماتقوليليش كرامة فاميلتي لالا لاخاط مرة عمك الي هي فاميلتي هى الي بهدلت فاميلتو
لازم ماماك تهدر معاهم وتقولهم ماديروش عليها راهي غير تهدر برك و امسحوها فينا
ولا تبقاو نتوما الغالطين
أختي اسمحيلي ويا قلقتك بكلامي مي هادا هو الصح
و نزيد ندعيلك ربي يجمع ويصلح بينكم و يفرج عليك ياااا رب