يعطيك الصحة حنونة راكي فووور والله وزادة راني اخدت أفكار يمكني تساعدني
بالنسبة لي أنا ما عنديش طريقة محددة اكزاكست
باسكو كل مرة وكيفاش تجي في بالي نراجع مادة تلقايني فليت الكراس
بالصح توجور نبدأ بحل الواجبات ومن بعد نحضر الدرس الجاي ونفضل نسهر مرات حتى 1 ولا 12.30 ليسونسيال ما نجمش على الصباح بكري
و الحفيظة ما نقدرش نحفظ كل يوم باسكو ننسى بالصح التاريخ راني فاهمتو والحمد لله توججور نديرو كي شغل حكاية أصلا قاع المواد عندي مبدأ ما نعتمدش على الحفيظة أباغ رسومات العلوم هههههههههه راكي فاهمة الدعوة
وأسبوع الاختبار تلقايني نسهر في الليل على المواد العلمية ونوض الصباح على المواد الحفيظة وفي القيلولة نحكم رقدة شي ساعة برك باش نروبوزي شوية من الضغط
تقدري تقولي هاكا نقرا ديما والحمد لله بالنسبة لهاد الفصل جبت 17.3 أكبر معدل في أقسام الأولى ثانوي بعد تنافس كبير في القسم وزيد ربي عاوني باسكو تعبت
بزااف
راني طولت الهدرة ديزولي ربي يعاونك أختي
( تقرير عن مشاركة سيئة )، و الموجودة أسفل كل مشاركة .
2011-12-21, 23:16
العرض المتطور
