اريدكم ان تنصحوني من اجل اتمام زواجي

[النجمة القطبية]

المشاركة الأصلية كتبت بواسطة yasmina dz

السلام عليكم
راني حاسة روحي مغمومة اليوم رغم انه عيد ميلادي
المهم انا وخطيبي نعرفو بعضانا عندنا سنتين و نحبو بعضانا بزاف صراولنا مشاكل بزاف قبل الخطبة الاولى عايلتو ماوافقتش و كي وافقو عائلته عايلتي ما وافقوش حيت يسكن بعيد علينا و يخدم جادارمي قالولي راح تنغبني معاه المهم انا راح نتحمل كامل العواقب انا اللي اخترت و في الاخير وافقو دارنا و السمانة الجاية راح تكون الفاتحة ديالي .
المشكل البارح كنت نهدر معاه انا زايدة في الوزن يعني سمينة شوية مش بزاف كنا نهدرو حتى قالي جملة قلبتلي الموازين قالي انا بيني بين روحي نحب واحدة رقيقة و بيضة رغم اني سمينة شوية و خمرية كيما نقولو حنا في الغرب زرقة يعني فتاة احلامه ماشي انا قالهالي بفاصو غاضتني قال ليا ' انا بيني بين روحي نحب واحدة بيضة رقيقة لكن الله غالب ربي طيحني فيك و بغيتك حسيت روحي والووو
قد ما كنت متحمسة لهاذ الزواج كلش نقلب عليا و خفت غدوا نتزوجو يروح يحوس على فتاة احلامه
و الله ما عرفت واش ندير بصح راني حاسة بلي كرهتو من هاذ الجملة اللي قالها

السلام عليكم ورحمة الله وبركاته
واش اختى واش راكى لاباس
علاش راكى تغبنى فى روحك
شوفى ادا انتى مقتنعة بهذا الشخص امالا خلاص مكان حتى مشكل
اما مسالة انو يحلم بوحدة بيضة ورقيقة وو هههههه يا اختى خليه يحلم مافيها والو الناس كامل تحلم
بصح لوكان نولو للواقع هو نهار بحث عن زوجة دق بابك انتى وماراحش للرقيقة البيضة وما اكثرهم ولا واشرايك
المهم انتى تكونى مقتنعة بنفسك وهذا هو الاهم
اهم شئ صلى صلاة الاستخارة مرة واثنين وثلاثة
كرريها
ومتزعفيش روحك هادى مش مشكلة كبييرة
وبالتوفيق
و