هل تتعرف على الفتاة لتطب الزواج؟ ..أم تتزوج ثم تعرفها؟

[شهد حنان]

المشاركة الأصلية كتبت بواسطة عطر الملكة

السلام عليكم و رحمة الله تعالى و بركاته
في المذكرات التي اكتبها حاليا هناك امر له علاقة بطرحك اجلته للحلقة الاخيرة اكيد انت متابع و ستفهم ما كنت اقصده لهذا اردت تاجيل هذه النقطة لا اود التكلم عنها الآن لانها تتعلق بمذكراتي
اما النقطة الثانية سأتكلم عنها من منطلق افكار الشباب الموجودين في محيطي اقصد الاقارب تحديدا
هناك فكرة كثير منهم طبقوها بسبب انعدام الثقة و كثرة الاختلاط وووووو ............

اليوم كثير منهم نسمعهم يحكوا (( المهم تكون بنت ناس و من اصل طيب وماليها معروفين و ما نكونش سامع عليها مع بعض التحريات طبعا و الباقي على ربي سبحانو صلاة استخارة و الخيرة فيما اختاره الله )) و كثير منهم تزوج بهذ الاسلوب و راهم عايشين لاباس لانهم اخذوا الامور بعقلانية و بدون كثر تكسار راس
و عندي من اقاربي زعما لاعبينها يفهمو بزااااف لكن فهامتهم لحقتهم لطريق قريب هبلوا انا عندي واحد قريبي راه لحد الان عندو صدمة من وحد السيدة كان حاسب روحو يفهم بزاف و اختارها بعد عجن و خبز زعمة ، صدم من اول ليلة زواج حاليا تجي تهدر معاه يكفر بكل ما يسمى إمراة يكفر حتى بنظام الزواج تجي تناقشو يقلك الزواج افشل نظام عرفتوا الانسانية رغم انو السيد استاذ و متدين شوف وين لحقت حالتو
الانسان ما يبداش يكثر عجن بزاف يدير ديما ربي في بالو و دعوة الخير نتاع الوالدين
و زيد نتوما الشباب عندكم عقليات مختلفة كل واحد كيفاش يشوف افكار الناس تختلف
نعطيك نموذج اخر لواحد من الفاميليا
تبعني مليح باش تفهم
السيد كان يعرف بنت و البنت من ناحية الجمال ما عندي ما نقول و خدامة تخدم في وحد الادارة و السيد هابل عليها علاش لانو هو من نوعية الناس الي ضعاف امام الجمال صاحبنا يشوف فنانة في التلفاز واش نقلك ربي يهدي
المهم كي جا في باب الزواج ابوه و هو من اعيان البلاد و مرفه تدخل و قالوا نزوجك ببنت فلان بنت فلان هاذ بنت مقبولة شكلا و ماكثة في البيت حبسة قرايتها 9اساسي و من العائلات المعروفين الابن اعترض الاب قالوا اذا ما تزوجتها لا انت ابني و لا نعر فك و روح تزوج بمعريفتك و ما تنظر مني حتى مساعدة المهم بعد مسلسل طويل الطفل قبل مع العلم انه مزال مع السيدة نتاعو الاولى
البنت كي جاو يخطبوا فيها واش نقلك طارت بالفرحة يسمى السيد شويا بوقوص و كان حلم كثير بنات في العائلة مي العقلية 00000
المهم جا العرس واش نقلك عرس كبير داروه و خسائر ربي يعلم
اتزوج البنت و ما كملش معها عام رغم انها بنت فاميليا عاشت معاه عام جحيم السيد في اول ايام زواج ليه يرجع على 2 صباحا بدون الدخول في تفاصيل
نهاية الزواج طلاق
و عاود الزواج مع البنت الي كان يحبها و كاين ناس قالولو طلقت بنت الفاميليا الي تستر عرضك و تقوملك بضيافك و تزوجت بنت ............ تخيل واش كان الرد نتاعو لا يهمني لا تعرف تطبخ و لا تقوملي بضياف و لا كامل هذ الهدرة الي يهمني اختياري و كي نرجع لدار نلقاها لابسة و ضاربة حطة و مكياج اما عن الطبخ ما نحوس تجيني ضياف ما يهمني تعرف تطبخ المطاعم راها مفتوحة في كل شارع
ايا حلل وناقش
يسمى الرجل احيانا يكون عندو افكار ربي يهدي
اعتذر على الاطالة

iهذا اكبر خطأ يقوم به بعض الأولياء كيف يفرض على ابنه الزواج ببنت لم يرغب بها ..عن ابن عباس رضي الله عنهما أن رجلاً قال :
"يا رسول الله في حجري يتيمة قد خطبها رجل موسر ورجل معدم، فنحن نحب الموسر وهي تحب المعدم،
فقال رسول الله صلى الله عليه وسلم: لم نر للمتحابين غير النكاح"
( أخرجه ابن ماجه والحاكم والبيهقي والطبراني).

ففي هذه القصة التي ذكرتها الفتاة التي قامو بتزويجها قد ظلموها لأن ابنهم لم يرغب بها ...
لذلك ارى انه مادام الشخص يرغب في فتاة ما فعلى الأولياء أن يوجهوه ويحاولون تقديم النصح له لكن ليس لدرجة ان يفرضو عليه لانها حياته هو وهو من يختار وحتى لا يظلمو ه ولا يظلمون فتاة اخرى معه
فهذه من بين الاسباب التي تؤدي الى الخيانة ...فتصوري أن الكثيرون يحاولون تنغيص حياة تلك الفتاة التي زوجوه اياها حتى تمل منه وتطلب الطلاق ليأخذ هو من اختارها أو ليبقى هكذا ويدخل مجال من الانحراف ..علينا ان لا نرى بأن جميع الشباب بتفكير واحد بل هم يختلفون والتعامل معهم يكون بحسب شخصية كل منهم .