اللي تعرف هذي الوصفة ترفع اصبعها - الصفحة 2

وردة ام يحي · 2011-12-07, 23:42

بُويشة يعاملوها في جيجل برك

حتى ماشي كل الولاية راهم كاين بلايص فيها ما يعرفوهاش وهذا الي سمعت بيه

انا كليتها وراهي تهبل خاصة اذا كثر فيها التمر

يعطيك الصحة الجيجليات فحلات

والحلويات عندهم ماشاء الله

زهرة الأوركيدا · 2011-12-08, 00:56

بارك الله فيك على الوصفة اول مرة نسمع بيها

جيجلية · 2011-12-08, 08:34

شكرا على المرور والحمد لله اللي لقيت ناس يعرفوها انا قلت خلاص راحت التقاليد

اقتباس:

المشاركة الأصلية كتبت بواسطة حدة الجزائرية

السلام عليكم الاخت الجيجلية أنا نعرف هذي الوصفة و لي هي بوقشة كيما قلتي و كاين لي يقولولها بشيشة أنا جيجلية ، المهم حنا نديروها بالمصران و مين ذاك نديروه في القرع بصح البنة نتاع المصران وحدو و تجي بزاف بنينة ويلا كثرتي التمر تجي تهبل، حبيت تعطيني الوصفة نتاع الطعام بالحوت ايلا تعرفيها وش من حوت يديرولها و في الحقيقة احنا من جهتنا مانديروهاش بصح راني نحوس على الوصفة بالتدقيق راني نستنى فيك انا من تاكسنة بالضبط.

صح اختي بالمصران اجي هايلة تضحكي عليا لو كان نقولك بلي نفخته ويبسته ونسيت ما استعملتوش

بالنسبة للطعام بالحوت انا تاني ماشي جيجلية من البلاد تاع البلاد هم اللي يديروه ومختصين بالحوت

انا من العوانة

حدة الجزائرية · 2011-12-08, 10:52

المهم يعطيك الصحة لي فكرتينا ببوقشة لي الناس ماكانوش يعرفوه و الاصح ناس زمان يا يديروه في عاشوراء و لا يوم العيد بالضبط يتغداو بيه انا جدي الله يرحمو كان يتغدى بيه يوم العيد اما الطعام بالحوت خسارة ما تعرفيش الوصفة انشاء الله نلقاو كاش وحدة تعرفها و تعطيهالنا .

markouja · 2011-12-08, 14:05

bonjour je connais bien boukecha ma belle mere le fait tres bien et toute la famille adore c est un plat traditionel special achoura salemmm

hiba betty · 2011-12-10, 13:34

الله يسلمك اختى يعطيك الصحة علمتينا طبق ما كناش نعرفوه كاشما نهار نجربو

mimicha1977 · 2011-12-11, 16:53

يعطيك الصحةاول مرة نسمع بيه ونشوفو بصحتكم

ام سليمى · 2011-12-11, 17:08

يعطيك الصحة اختى يبان بنين مع انى مانعرفوش

جيجلية · 2011-12-12, 07:37

هو صح بنين بزاف

نتمنى تجربوه المرة الجاية إن شاء الله

ام محمد ميدو · 2011-12-12, 10:05

سلامي ليك و لناس جيجل كامل السنة دارنا اي ما ما وبابا و خاوتي راحو صيفو في جيجل و جاو يشكرو في البلاد و العباد ماشاء الله عليكم
مشكورة على الوصفة اول مرة نسمع بيها يعطيك الصحة مازلت محافظة على التقاليد و كثر الله من امثالك

جيجلية · 2011-12-12, 16:38

اقتباس:

المشاركة الأصلية كتبت بواسطة ام محمد ميدو

سلامي ليك و لناس جيجل كامل السنة دارنا اي ما ما وبابا و خاوتي راحو صيفو في جيجل و جاو يشكرو في البلاد و العباد ماشاء الله عليكم

مشكورة على الوصفة اول مرة نسمع بيها يعطيك الصحة مازلت محافظة على التقاليد و كثر الله من امثالك

مرحبا بك اختي ام محمد وربي يخليلك محمد ويجعله من الصالحين