قصة الراجل الجزايري وواش يحب

[نسائم الهدى]

المشاركة الأصلية كتبت بواسطة ام ظافر

ينادي الرجل امه...... لعزوج .......راني قررت نتزوج .........ونخليلك انت الي تخيريها كيما بغيتي
ولكن ديري في بالك حاجة بسيطة ......
نحبها صغيرة ما تجاوزتش22 سنة.......ونحبها قارية في الجامعة ........ونحبها متربية ..........ونحبها مترسمة في خدمة محتارمة ........ونحبها جميلة وطويلة وشعرها رطب واذا عينيها زرق مافيها والو قابل ..........وبنت فاميلا وناس .......ونحبها ما تشرطش بزاف ماعندي منين نجيبلها ........ونحبها تعيش معايا في دار بابا وما ديرليش المشاكل .......ونحبها تولد عندك لا يخدعوك .....ونحبها طول بالها شوي حتى نوجد روحي .........ونحبها.وقبل ما يكمل كلامو قالتلو امو نقولك يا وليدي روح حوس عليها انت خير واذا لقيت جيب منها حتى زوج او ثلاثة لخاوتك الاخرين وحتى اذا كاين منها لباباك ماعليش راني قابلة
.........بالصح نوصيك ياوليدي قبل ما تلحق 40 سنة روح وما تخليش روحك هايم على وجهك هكذاك وقولي انا نتصرف


قولولي بربكم ماشي هذه كلها اصبحت شروط الراجل ....اذا كبرت القتاة شوي يا ويلها ممكن ماتولدش واذا قرات خلاص بنت الجامعة ما تلزمنيش واذا ماقراتش واش ندير بيها واذا ما ترسمتش مانحطش رجلي في الغر واذا متوسطة الجمال لا هذه ليست رغبتي واذا قالت داري وحدي لالالالا هذي بدات من الاول تشرط .........
اخويا نقص انت من التشراط في الاول حتى تنقص البنت من التشراط في الاخر وشوف للدين قبل كلش حتى يباركلك ربي في حياتك الزوجية
والله راني شايفة بنات مثل الوردات ولكنهم عنسو غير من التشراط تاع الراجل ماشي تاعهم

نقولك اختي أم ظافر
تستهلي قبلة في رأسك وبين عينيك على هدا الكلام
ولوكان جيتي قدامي راني سلمتلك على راسك
يعطيك الصحّة
بارك الله فيك
وبارك لك في ظافر وأبو ظافر(ياك متشرطش بزاف نهار جا يخطبك ههه )
ويقولولك لا فوت في البنات
كلي هوما مساكن راضيين وقانعيين
وحنا فامباير(مصاصي دماء)ما نشبعوا ما نقنعوا ما نرضاو
هوما المشكل فيهم
اللي يحب يتزوج وحدة ملكة جمال الكون باش تحصّنوا ولكي يغض بصره وباش تعجبوا +خدامة باش تعاونوا+ قارية باش تفهموا+ عاقلة باش تهنيه+ قانعة باش تريحوا+ حبابة باش تحَّبلوا أهلوا+ متدينة باش تراعي الله فيه(هدي إدا موجودة خير وبركة وإدا لالا ما يهمش)
ومن بعد هدا كاااااااااااااااامل يجوا يقولولك البنات هوما اللي يتشرطوا
والرجال معليهش كي يتشرطوا حقهم مي البنات لالا لازم يرضاو بأي حاجة
قالك الجود من الموجود
يا اختي واش نقولك القلب راه معمّر
نخليوها لربي سبحانه وتعالى
المهم
شكرا لك أختي
وجبتيها في الصواب
وسلاااااااااااااااااااااااااااام