ما رأيكم ... ؟ موضوع للنقاش

[thorpe]

سلام عليكم
اولا شكرا اخي على موضوعك القوي وانا احببت وصفه بالقوي لانه سيكشف المستور ويزيل الستار اكثر مما هو زائل الان لو شارك فيه كل الاعضاء الذين اريد مشاركتهم طبعا
نعود لفحوى موضوعك

1 == شوف اخي سؤالك حول شخصية العضو في النيت وشخصيته في الحقيقة تختلفان بحسب المكان وسوف اوضح هاته النقطة حسب تجارب خاصة خضتها
تعرفت على اشخاص من النيت وكانت انجح علاقاتي نتاج برامج الدردشة (( مااااسنجر وسكااااايب و فااااايس بوك )) هذا للامانة والصراحة وباش ما يروحش بال الناس المراض لبعيد علاقاتي الاخوية وراهم عارفين بلي كي نقول اخوية اعني ما اقول لاني من بكري ما نحبش التورناج وخارجها طاي طاي
ولهذا اخي بالمختصر المفيد والي حبيت نقولو
شخصية الانسان في النيت تكون اقرب الى الواقع اذا عرفتو في مكان اخر وليس هذا المنتدى اديها من عندي هاذي
لانو هذا المكان عبارة عن مسرح كبير الغااااالبية هنا تجيد فن الدراما و الامامة وحتى الاكشن في بعض الاحيان

2 == بخصوص اعجاب فلان بفلانة او اعجاب فلانة بفلان وكيفية التواصل معه قصد طرق باب الحلال هنا نحب نقدم نصيحة بطريقة غير مباشرة ونحذر الناس النية من الانخداع بمثل هاته الخزعبلات و الترهات
اتولهو ثم اتولهو يا خاوتي الشباب خاصة قبل الاناث من الانخداع بالفتاة في منتدى الجلفة ولا اقصد احد انما هي الحياة صعبة
ما تهفكمش التشدقات في اللغة العربية وما تهفكمش الصرامة تاع البنت زعما وما تهفكمش الايات والاحاديث الي كامل علابالنا بلي كوبي كولي
وطبعا حديثي ليس عن الكل انما احب ان اطلق صفة البعض او النص او حتى يمكننا قول الغالبية
كيما نحب نحذر الفتيات النية الا يغرهن كوبي كولي تاع الايات والا تغرهن حروب الفارس المغوار الكلامية من اجلهن هنا فهذا كله تمهيد لــــ....
راني طولت الكلام وراني عارف كون نزيد اكثر نخرج على الموضوع
رايي باختصار
اذا حبيت تتواصل مع وحدة عجبتك وحاب تخطبها اول حاجة تديرها هي انك تشوف وين راك اذا فهاد المنتدى ولا فمكان اخر
تسقسي على عمرها ونحث على هاد الشي بزاف لانو العمر جد جد جد جد جد مهم في الحكاية الي حكيناها لفوق الا من رحم ربي
وتتوكل على ربي وتصلي الاستخارة وتدعي ربي يهدي كاش مشرف هنا باش يقدر هو يعاونك وتخبرو بنيتك وتبينلو بلي راك صادق وتترجاه
رجعنا كيما السعودية الزواج بموافقة الملك
المهم ربي يسهل