حياتي كلها مشكلة

[ل..ب..ن..ى]

السلام عليكم

اقشعر بدني وانا اقرا ماخطّت اناملك اختي
اعلم ان كلمات الدعوة الى الصبر لا تكفيك
او ربما قد سئمت تكرارها من كل من اشفق على الوضعية عندك
قد تكون الشفقة من الغير لا ترضيك
ولا ترضين شفقتهم عليك
ممكن نقولك راني حاسة بيك ...... ولو انني لست كذلك
خاطر مايحس بالجمرة غير اللي كواتو

اختي الطلاق ابغض الحلال عند الله ..... حقيقة مفروغ منها
ولكن ادا والداك تطلقا فلتعلمي انه كان الحل الافضل لكليهما
ولاتلومي وتقولي ..... لو...... خاطر اللي فات اعتبريه مات

راكي في سن ال16
يعني سن المراهقة
وعلابالي ضركا يقعدو يبانولك حوايج وتخيلات وووو
مررنا بتلك الحقبة .... وماشي لانك في وضعك هدا راكي تحسي بهدا الاحساس

ممكن تلقي واحدة نورمال عايشة مع والديها
في هدا السن -----16سنة-----
تقعد تشوف بلي والديها ماراهمش يحبوها
راهم يديرو تمييز لخاوتها عليها
راهم ماشي مهتمين بيها وووووو
وديفوا تخمم بلي راهي ماشي كامل بنتهم

ايهيه هادي عايشة في عايلة ملمومة وتحس هكدا
علاه؟...... انه سن المراهقة
اصعب الفترات
بصح بامكان الانسان التحكم في نفسه
التفكير كالكبار فهو في الاصل بعد سنوات قليلة سيدخل
مرحلة جديدة في حياته تقوده نحو التفكير في المستقبل والمسؤولية ووو
يعني ختيتي مابقالكش بزاف وتدخلي الفترة هادي
بصح ادا ركزتي مليح وقعدتي اي حاجة تشوفي منها الجانب الايجابي تاعها
وتحاولي تستغلي الجانب الايجابي لصالحك
بضحكة حلوة .... بهدرة مليحة ..... وتجدبي عمتك وخالتك ليك
على حساب مافهمت حبستي قراية .... ايمالا بيني شطارتك في الدار
ماتتدمريش
مادابيك وكان تسجلي في التكوين المهني تتعلمي حرقة تخليها في يديك
الحاجة المهمة... ماتخليش الناس يشوفوك مشنفة عليهم
علابالي ممكن راكي كارهتهم
وراكي حابة تبعدي عليهم بأي طريقة
بصح ماتبينيلهمش وفي النهاية
هادي عمتك وهادي خالتك وماراحش يفرطو فيك
في لحظة غضب .... يقولولك كلام ماشي مليح
مي حطي مليح في بالك بلي خالتك ولا عمتك جامي تكرهك
انتي من دمها
انا اعتقد انو مالازمش تتقلقي على الزواج
مازالك صغيرة والدنيا قدامك
وادا خرجتي من القراية ..... ممكن تسجلي تكوين مهني
الحرفة هي اللي تعيّش في وقتنا هدا
وزيد كي ترجعي تخدمي وتشري حوايجك وحدك
مرة على مرة تدي لخالتك ولا عمتك كادو
راح تكبر فيهم ... وسعي خاطرك وكبري قلبك
وربي يفرّج ان شاء الله

ختيتي ..... اللي خلق مايضيّع
وادا ضركا راكي مغبونة مبعد ان شاء الله يفرّج وتعوضي كامل اللي فاتك
.....
وكاين غاشي راهم اكثر من وضعك ... وعايشين والحمد لله
كونك متفائلة بالمستقبل

ربي يوفقك

سلاااااااام