الأستاذ المثالي.........

[منة الرحمن]

اختي منة الرحمان
هذاك الاستاذ المثالي اللي نقولولو احنا ثلاثي الابعاد لازم ننساوه
هو اختار الافضل ليه وقاللنا نخليكم في ايدي امينة
راكي تشوفي في الايدي الامينة اللي رانا معاها دروك
و راكي شايفة بلي الادارة واغلبية الاساتذة راهم ضد قسمنا علاجال الحفلة تاع العام اللي فات
و عادو مسمييننا العباقرة الذين لا يحسنون التخطيط
و متنسايش بلي الجهات العليـــــــــــــــــــــــــــــــــــــــــــــ ــــــــاحلفت 3 مرات ولازم ننساو تبديل الاستاذ
هذاك الناظر لون الشر والله يا لو كان نحكمو ...
ماعلينا غير نقراو مع بعضانا وخلاص
ماعندنا مانديرو يخي علابالك بلي معندناش الزهر هههه

تبا تبا...

ههههههههههههه..... كنت نستنى فيك تدخلي ختي ..... راكم شايفين يا الأعضاء واش راه صاري فينا ....

هذي صديقتي و معايا في نفس القسم و تعاني من اللي نعاني منو ................

وبعد المحاضرة للي دارهانا أستاذ الرياضيات العشية هذي نظن بللي لازم نحكيلكم على العام الماضي لأنو أكيد حنا على موعد مع المزيد و المزيد من الأحداث للي رايحة تصرى خاصة بعد ما يرجع المدير من الحج و بعد ما ترجع المستشارة الأسبوع القادم ..............

قلتلكم بللي العام الماضي كان علينا ضغط هائل ..... كنا تقريبا ندرسو وحدنا الرياضيات و الفيزياء لكن المشكلة ما كانتش في هذي , المشكلة كانت في أنو أستاذ الفيزياء كان يمدنا قوانين غالطين ... حنا قادرين نقراو وحدنا في الدار لكن كي تعود القوانين غالطة قولولي برك واش نقراو ... كيفاه نفهم شكون الغالط الأستاذ ولا الكتب الخارجية ........." أما الرياضيات فقد توالى أساتذتها على قسمنا مفسدين " هذي العبارة استخدمها أحد الزملاء في خاطرته في الحفل الذي أنا بصدد الحديث عنه و نظن بللي راهي تكفي و توفي في هذا المقام ......... الحمد لله أننا لقينا بعض الدعم من أستاذ الشريعة الذي لا ننسى له مواقفه أبدا أبدا فقد كان دائما يقف بجانبنا و يحاول التخفيف عنا جزاه الله كل الخير و كذلك أحد المراقبين كان دوما يشجعنا على المحاولة و النهوض مجددا بعد كل عثرة بالإضافة إلى أستاذة الأدب الأكثر من رائعة و التي غادرت المؤسسة هذا العام ... ولولا هؤلاء لضعنا حقا في تلك المتاهات الشائكة . .................................................. ........ اسمحولي كلكم لكن عندي تحضير و واجبات لازم نكملها.... غدوة ان شاء الله نرجع و نحكيلكم كلش من الألف إلى الياء .......... في أمان الله