ادماج الجامعين المؤدين للخدمة الوطنية - الصفحة 8

ابو محمد بن عبد الله · 2011-10-11, 16:42

كلنا هكذا ...هذا حالنا في بلدنا ...رزقنا الله من فضله الواسع

حسان أوراسي · 2011-10-23, 12:11

السلام عليكم
لا يا اخواني و1000 لا .......... لا يمكن ان نتخلى على هذا الموضوع بسهولة انا ادعو الكل للمشاركة حتى نثبت للجميع ان الزوالية الي فوتو العامين ادو واجبهم باكمل وجه
اين حقوقهم لا في مال الدنيا فقط مناصب العمل
والله هناك ظلم كبير في حقنا حتى لا اقول اكره البلاد بالعكس انا احبها ومستعد لحمايتها متى اقتضى الواجب
انا متأكد انه لو اطلع الرئيس ربي يحفظه بوتفليقة لأحس بالمعانات ... هل من احد يستطيع ارسال هذه الفكرة له ام انكم لستم مهتمين
والله والله والله ... لن اكملها ..... شكرا لكم

loko · 2011-10-23, 20:21

رانا معاك نديرو حل في اقرب وقت

walid81 · 2011-10-23, 22:12

السلام عليكم
المعنات واحدة .................
لقد قراة جميع التعليقات ..................
المعنات واحدة بهذا الموضوع ......................
ياصاحب الموضوع لو تغير العنوان الى ضحايا الخدمة الوطنية .................................
كاول خطوة.......................................
يجب ان نوحد الصفوف والراي والمطالب من فئة مضلومة بهذا البلد "" ضحايا الخدمة الوطنية ""
هناك من اد الخدمة الوطنية وهناك من حصل عليها باعفاء او بالفائض بصحتو
اضن يجب توحيد الصفوف للمطالبة بحقنا في العمل بعد اداء الخدمة الوطنية لانه عام ونصف راح من لعمر انا كي خرجت وجذت اصدقائي تزوجو وعندم الاطفال وانا مزال ماد ماريتش نخدم
لازم علينا نطالب بحقوقنا بشكل منظم واكثر تحضر يجب ان جلب اكبر عدد من اصحاب الخدمة الوطنية ونشير تحت مطلب '' ادينا الواجب ادو واجبكم "

bouha2011 · 2011-10-24, 04:05

الله ايجيب الخير
انا تخرجت في 2006 وعندي شهادة مهندس دولة ههههه مي راني نخدم عند روحي في تصليح اجهزة الرسيفر.
يتسمى الشهادة هذيك نديرلها كادر ونخليها في الدار ولا نخبيها خير. باه مانتفكرش بلي قريت في الجامعة اصلا.
5 سنوات في الجامعة راحو باطل
وخلينا من عامين الخدمة الوطنية

محمد فاروق صحراوي · 2011-10-24, 14:26

أخي الكريم
في الحقيقة المشكل راني اليوم نشوف بلي راهو كامل شباب الجزائر يشكي بنسبة 95 بالمائة

الحل الوحيد هو الخروج للشارع ونديرو الحل بأنفسنا
الله غالب لازم هكا
اما انك تقول ان شالله رسالة توصل الى الرئيس فالرئيس للاسف أكيد راهو عارف هادا المشكل
وحتى هو يمشي بالمعريفة يا خاوا
كي دخل للرئاسة دخل معاه خوه السعيد مستشار وزد وزيد
دزاير ضاعت في هذا المجال ماعادش نطمعو ان الميدان يتصلح
أتمنى لك الحصول على منصب قار وحياة هنيئة . حظ موفق أخي.
وربي يجيب الخير برك ان شاء الله

محمد فاروق صحراوي · 2011-10-24, 14:34

ونزيد نقوللكم بلي راهو كاين ضحايا أخرين للخدمة الوطنية

أنتم على الأقل كملتوها

نحن المشكل هربنا عليها بالصح لذرك مازال لاحقينا ويعاقبوا فينا

انتم تقدرو تدخلوا للمسابقات واحنا مانقدروش خلوها معلقين بلا ورقة

على هكا قلتلكم راهم اليي شادين الدولة بهايم بدون مستوى

خاصة أصحاب القرار حاشا الضباط لانهم معضمهم جدد ذوو مستوى عالي بالصح الجنرالات الحمير اليي راهم شادين من وقت الثورة المستوى تاعهم 4 ابتدائي وكاين اليي ماقراوش ذات
هادو باه يخمو فينا احنا الجامعيين
المشكل أصلا راهم مش فاهمين الجامعة واش معناها
مايفهموش هادا الشي واليي يفهموه المهم يبات في كرشو كبش كل نهار
على خاطر هكا يا شباب لازم نديرو الحل وحدنا هادوك مايسمعوش بينا بالكل ماراهمش عايشين معانا
راهم دايرينا جرذان ودرك تشوفو قيمتنا عندهم لو كان نوضو نديرو ثورة كيفاش يرجعو الارهاب ويبدو يبعثو فيه للقرى ويبيدوها الكل باه الشعب يخاف ويحبس

ralf3219 · 2011-10-24, 14:37

يا اخوتي الافعال ابلغ من الاقوال و الشكاية لغير الله مذلة و البكاء في المنتديات لا ينفع صاحبه
نحن نقول باننا كرهنا و ذقنا المهانة و الذل
غدا هناك وقفة احتجاجية لعقود التشغيل فلنخرج الى الشارع و هناك نسمع صوتنا بقوة و نفرض مطالبنا و انفسنا قبل كل شيء

nabil20102011 · 2011-10-24, 16:09

والله غير حر حرام عليهم انا تخرجت في 2005 قعدت عام شوماج و مباعد اديت واجب الخدمة الوطنية خلصت في مارس 2008 واذا حبيت تعقب كونكور نتاع la police يقولولك لازم السن 25 سنة وحياتي لي ضيعتها في الجبل هذا ratissage وهذه embuscade وهذا crochage والله غير حرام عليهم كاين صحابي وذرك تروح لكاش ادارة تلقى بنات تخرجو في 2011 مترسمين ويخدموا وهما ليشدوا عليك dossier نتاع كاش كونكور ويضحكو عليك هذا جزاء ليخدم بلادو بنيتو

مهدي0315 · 2011-10-24, 19:51

انا تخرجت سنة 2006 واديت الخدمة الوطنية مكافحة ارهاب قائد فصيلة في الجبال بكل ماتحمله الكلمة من معنى كدت افقد حياتي في انفجار قنبلة وقد اصيب صديقي (مرشج) فيها والله ثم والله عانيت كثرا عندما انيهت الخدمة وجدت البطالة امامي ليس عند اي حقوق لا عمل لا اي شئ لااله الا الله

حسان أوراسي · 2011-10-28, 15:32

السلام عليكم
ماذا يا اخواني لو شكلن لجنة نسميها بضحايا الخدمة الوطنية
تتكفل اللجنة لادماج كل شاب جزائري ادى واجب الخدمة الوطنية
هل انا محق في اولوية تشغيل الشباب المؤدي للخدمة الوطنية ام اني مخطئ
حبذا لو كان مني 1000 شاب لتحقق حلمي
ياريتني اسكن العاصمة لاستطعت تكوين لجنة تطالب بالحقوق
اتمنى ان تتهاطل ردودكم كزخات المطر العنيف شكرا لكم . مرة اخرى اطالب بتثبيت الموضوع

kader0706 · 2011-10-28, 15:54

السلام عليكم اما بعد انا معك أخي حسان و ما ضاع حق وراءه طالب لكن نريد المساعدة في كيفية تطبيق هذه الفكرة
ننتظر الرد من الاعضاء و شكـــــــــــــــــرا

amine-GP · 2011-10-28, 16:17

مع كل احتراماتي للجميع كلام غير منطقي

kader0706 · 2011-10-28, 16:43

اقتباس:

المشاركة الأصلية كتبت بواسطة amine-GP

مع كل احتراماتي للجميع كلام غير منطقي

يا أخي المنطقي يعني أن حوالي 68 عضو كلهم غير منطقيين الا حضرتك انت منطقي الحمد للله انه ليس لي اصدقاء كثر منطقيين كمنطقك أنت و بردك هذا الذي تسميه منطقي يتبين لي انك weld mamak و لم تقاسي شيء في هده الدنيا و لا تعرف قيمة الرجال يا ســـــــــــــيد منطقي

amine-GP · 2011-10-28, 17:01

اقتباس:

المشاركة الأصلية كتبت بواسطة kader0706

يا أخي المنطقي يعني أن حوالي 68 عضو كلهم غير منطقيين الا حضرتك انت منطقي الحمد للله انه ليس لي اصدقاء كثر منطقيين كمنطقك أنت و بردك هذا الذي تسميه منطقي يتبين لي انك weld mamak و لم تقاسي شيء في هده الدنيا و لا تعرف قيمة الرجال يا ســـــــــــــيد منطقي

ههههه و الله ضحكتني من قلبي......... شوف خويا العزيز سوف لن أخذ اجابتك على نحو شخصي و نقولك لماذا قلت كلام غير منطقي لانكم تتكلمون فقط على الاشخاص اللي فوتوا الخدمة الوطنية هما اللي عندهم الحق او الاولوية في التوظيف, راني معاكم اكيد عانينا و تمرممدنا اثناء الخدمة لكن هذا نسموه الواجب الوطني اما العمل فهذا شئء اخر و لا علاقة له بهذا..... ولا اللي عندو اعفاء ما عندوش الحق؟؟؟؟اما على ولد ماما..........ههههه و ما قاسيتش, لعلمك فقك اني مهندس دولة و ماجستير......و فوق هذا بطال و تقول لي الرجال يا الراجل ......